🌹 “ഇന്നത്തെ ചിന്താവിഷയം” 🌹 – 2024 | ഓഗസ്റ്റ് 31 | ശനി ✍ പ്രൊഫസ്സർ എ.വി. ഇട്ടി മാവേലിക്കര

ആസക്തികളെ അതിജീവിക്കാൻ ആകട്ടെ
—————————————————————-

ഒരു വിറകുവെട്ടുകാരൻ, മരച്ചുവട്ടിൽ കണ്ണുമടച്ചിരുന്നു ധ്യാനിക്കുന്ന സന്യാസിയെ ഏന്നും കാണുമായിരുന്നു. ഒരു ദിവസം സന്യാസി, വിറകുവെട്ടുകാരന് കാട്ടിനുള്ളിൽ ചെമ്പയിരുള്ള സ്ഥലം പറഞ്ഞുകൊടുത്തു. വിറകുവെട്ടുകാരൻ കൂടുതൽ പണം സമ്പാദിച്ചു. പിന്നീട് സന്യാസി അയാൾക്ക് വെള്ളിയും പൊന്നും രത്നങ്ങളും ഉള്ള സ്ഥലം പറഞ്ഞു കൊടുത്തു. ആവശ്യത്തിലധികം പണം സമ്പാദിച്ച വിറകു വെട്ടുകാരന് പക്ഷെങ്കിൽ, മന:സമാധാനം നഷ്ടപ്പെട്ടു. അതോടെ, അയാൾക്കൊരു സംശയം ഉദിച്ചു: സമ്പത്തിരിക്കുന്ന സ്ഥലത്തേക്കുറിച്ചുള്ള ധാരണയുണ്ടായിട്ടും, സന്യാസി എന്തിനാണിങ്ങനെ മരച്ചുവട്ടിലിരുന്നു ധ്യാനിക്കുന്നത് ? അതായിരിക്കും സന്യാസിയുടെ മന:സമാധാന കാരണമെന്നു ചിന്തിച്ച വിറുകു വെട്ടുകാരൻ, അവസാനം മരച്ചുവട്ടിലെത്തി, സന്യാസിയോടു പറഞ്ഞു:
“എനിക്കിതൊന്നും വേണ്ടാ. കണ്ണടച്ചിരുന്നു ധ്യാനിക്കുന്ന കല എനിക്കു കൂടി പറഞ്ഞു തരിക”

എല്ലാമറിയുന്നവർക്ക് ഒന്നിനോടും ആസക്തിയുണ്ടായിരിക്കയില്ല. അറിഞ്ഞതിനേയും, അനുഭവിച്ചതിനേയും അതിജീവിച്ചവരാകും അവർ. ഇഷ്ടപ്പെടുന്നതിനേയെല്ലാം സ്വന്തമാക്കണമെന്നു കരുതുന്നത് സ്വയം കീഴടങ്ങലാണ്: വികാരങ്ങൾക്കും ആ സക്തികൾക്കും. ദൂരെക്കാഴ്ചകളിലെ മനോഹാരികത, സമീപ ദൃശ്യങ്ങൾക്കുണ്ടാകണമെന്നില്ല. ചില കാര്യങ്ങൾ: അതു സമ്പത്തായാലും, സൗന്ദര്യമായാലും, കാഴ്ചവസ്തുക്കളായിത്തന്നെ നിൽക്കട്ടെ.. സ്വന്തമായിക്കഴിഞ്ഞാൽ, നമുക്കവയോടു വിരസതയായിരിക്കും ഉണ്ടാകുക.

എല്ലാമുണ്ടായിട്ടും, ഒരായുസ്സു മുഴവൻ അദ്ധ്യാനിച്ചിട്ടും, വിറകു മാത്രം ശേഖരിച്ചു ജീവിതത്തിൽ നിന്നു മടങ്ങുകയാണെങ്കിൽ, ജീവിതത്തോടു തന്നെ കാണിക്കുന്ന അപമര്യാദയായിരിക്കും അത്. ജനനവും മരണവും, സ്വാഭാവിമാണ്. പക്ഷെ, അതിനിടയിലുള്ള ജീവിതം, അതിനെ അത്ഭുതമാക്കാൻ ആകണം? ഓരോ സായാഹ്നവും വിട പറയേണ്ടth, നെടുവീർപ്പുകളോടെയല്ല; ജീവിത സംതൃപ്തിയുടെ കഥ പറഞ്ഞുകൊണ്ടായിരിക്കണം.

സർവ്വേശ്വരൻ സഹായിക്കട്ടെ..
എല്ലാവർക്കും നന്മകൾ നേരുന്നു.
നന്ദി, നമസ്ക്കാരം.

പ്രൊഫസ്സർ എ.വി. ഇട്ടി മാവേലിക്കര