🌹 വിടപറയുന്ന ഡിസംബർ 🌹 (കവിത) ✍ ബേബി മാത്യു അടിമാലി

വിടചൊല്ലിമറയുന്ന ഡിസംബറിൻ
കണ്ണിലെ
മിഴിനീരു ഹിമകണമായ് പൊഴിഞ്ഞു
എം ടി യും മൻമോഹസിങ്ങുമെല്ലാം
നഷ്ടമായ് മാറിയിഡിസംബറിൻ്റെ

ഞെട്ടറ്റുവീഴുന്ന ഗുൽമോഹർപോലെ
കൊഴിയുന്നു ഋതുഭേദകാലങ്ങളും
വീണ്ടുംപ്രതീക്ഷതൻ മോഹങ്ങളുമായി
പുതുവർഷമെത്തുന്നു നിറശോഭയാൽ

പ്രത്യാശഹൃത്തിൽ നിറച്ചുകൊണ്ട്
പാരിതിൽനന്മതൻ വിത്തുപാകാം
നേരിന്റെപാതയിൽ മുന്നേറിടാം
പാരസ്പര്യത്തിനായ്
കൈകോർത്തിടാം

സർവ്വചരാചരപ്രേമമന്ത്രം
വിശ്വംമുഴുവൻമുഴങ്ങിടട്ടേ
പോയ്പോയ കാലത്തിൻ നന്മകളെ
നെഞ്ചോടു ചേർത്തിടാം കൈവിടാതെ

പുതുവർഷം ശോഭനമായിരിക്കാൻ
പ്രകൃതിയോടൊത്ത് ചരിക്കണം നാം
നവവർഷ ആശംസ പങ്കുവെച്ച്
ഈപുതുവർഷത്തെ വരവേറ്റിടാം

ബേബി മാത്യു അടിമാലി