🌺 ശുഭദിനം 🌺 – 2024 | ജൂൺ 29 | ശനി ✍ അർച്ചന കൃഷ്ണൻ

“രാജകുമാരൻ്റെ വസ്ത്രങ്ങളണിഞ്ഞ്,
സ്വർണ്ണമാലകൾ ചാർത്തിയ
കുഞ്ഞിന് കളിയിലുള്ള രസം
നഷ്ടമാകുന്നു”

രവീന്ദ്ര നാഥ ടാഗോർ

നമ്മൾ നിത്യവും ദിനപത്രങ്ങളിൽ വായിക്കുന്നതാണ് ആത്മഹത്യ ചെയ്തു. എത്ര നിസ്സാരമായാണ് കേൾക്കുന്നതും, ശവം കാണാൻ ആളുകൾ പോകുന്നതും. എന്നാൽ ഏതൊരു ആത്മഹത്യയുടെ പിന്നിലും ഒറ്റപ്പെടലിന്റെ, കണ്ണുനീരിന്റെ മരിക്കാനാഗ്രഹിക്കാത്ത ഒരു മനുഷ്യന്റെ കഥയുണ്ട്. അഥവാ, ജീവിക്കാനേറെ ആഗ്രഹിക്കുന്നവരാണ് ആത്മഹത്യ ചെയ്യുന്നവരിലേറെയും.ഇന്നലെ അവൻ തന്റെ ഒറ്റപ്പെടൽ കാരണം ആത്മഹത്യ ചെയ്തു. ഇന്ന് എല്ലാരും അവന്റെ ചുറ്റും കൂടിനിന്നു വിങ്ങിപ്പൊട്ടി കരയുന്നു. ഇന്നലത്തെ അവന്റെ ഒറ്റപ്പെടലിൽ ഇവർ ഉണ്ടായിരുന്നേൽ അവൻ ഇന്ന് ജീവനോടെ ഉണ്ടാകുമായിരുന്നു എന്നു അവർ തിരിച്ചറിഞ്ഞില്ല.

മനുഷ്യനെ ജീവിപ്പിക്കുന്നതും ജീവിക്കാൻ പ്രേരിപ്പിക്കുന്നതും താൻ ഒറ്റക്കല്ല എന്ന തോന്നലാണ്. അവർ കാമുകൻ, കാമുകി, ഭർത്താവ്,ഭാര്യ, മക്കൾ, സുഹൃത്തുക്കളൊക്കെ ആകാം. ദൈവം കൂടെയുള്ളവർ ഒറ്റക്കല്ല എന്നും പറയാറുണ്ട്, മജ്ജയും മാംസവും ഉള്ളവർ ചിന്തയുടെ കൊടുമുടി കയറും. എന്നാൽ ചില ബലഹീന നിമിഷങ്ങളിൽ ആരോടെങ്കിലുമുള്ള സ്നേഹത്തിന്റെ ചെറിയ കണിക മതി ജീവിതത്തിൽ മുന്നോട്ട് പോകുവാനുള്ള പ്രചോദനം.

ഏവർക്കും ഹൃദയം നിറഞ്ഞ ശുഭദിനാശംസകൾ

അർച്ചന കൃഷ്ണൻ