🌹 “ഇന്നത്തെ ചിന്താവിഷയം” 🌹 – 2024 | നവംബർ 25 | തിങ്കൾ ✍ പ്രൊഫസ്സർ എ.വി. ഇട്ടി മാവേലിക്കര

പ്രാർത്ഥന മാത്രം പോരാ, പ്രവർത്തനവും വേണം
—————————————————————————

പെട്ടന്നു ധനീകനാകണമെന്ന ആഗ്രഹത്തോടെ, അയാളെന്നും ദേവാല
യത്തിൽ പ്രാർത്ഥിക്കുമായിരുന്നു: “ദൈവമെ, ഇത്തവണ ലോട്ടറിയുടെ ഒന്നാം സമ്മാനം എന്നിക്കു ലഭിക്കുമാറാക്കണം”. ആഴ്ചകൾ കഴിഞ്ഞിട്ടും ഫലമില്ലാതെ വന്നപ്പോൾ, അയാൾ പ്രാർത്ഥന മെച്ചപ്പെടുത്തി: “ദൈവമെ , ഞാൻ മദ്യപാനം നിർത്തി. ആരോടും വഴക്കുണ്ടാക്കാതെ നല്ല മനുഷ്യനായി. എനിക്കൊരവസരം തരൂ”. അവസാനം, ദൈവം അയാൾക്കു പ്രത്യക്ഷപ്പെട്ട് അയാളോടു പറഞ്ഞു: “നീ അദ്ധ്വാനിച്ചു ജീവിക്കാനാരംഭിക്കൂ. ഞാൻ നിൻ്റെ അദ്ധ്വാനങ്ങളെ അനുഗ്രഹിക്കാം”.

അദ്ധ്വാനത്തിൽ നിന്നാകണം, അന്നന്നത്തേക്കുേ വേണ്ട ആഹാരമുണ്ടാകേണ്ടത് . വിയർപ്പൊഴുക്കി സമ്പാദിക്കുന്നവർക്ക് , വിയർപ്പിൻ്റെയും, സമ്പാദ്യത്തിൻ്റെയും വിലയറിയാനാകും. കുറുക്കു വഴികളിലൂടെ സമ്പാദിക്കുന്നതെന്തിനും മൂല്യം കുറഞ്ഞിരിക്കും.

എളുപ്പവഴികളിലൂടെ സഞ്ചരിക്കുന്നവർക്ക്, നേരും നെറിയും, ഉണ്ടാകണമെന്നില്ല. സഹായങ്ങൾക്കും സൗകര്യങ്ങൾക്കും വേണ്ടിയല്ല, മന്ത്രങ്ങൾ ഉരുവിടേണ്ടത്. ആയിരി
ക്കുന്ന അവസ്ഥയെ അംഗീകരിക്കാനും, അതിജീവിപ്പാനായി അദ്ധ്വാനിക്കാനുള്ള ഊർജ്ജത്തിനും വേണ്ടിയായിരിക്കണം, പ്രാർത്ഥനാ മജ്ജരികൾ, ഉയരേണ്ടത്. ആഗ്രഹസാധൂകരണത്തിനായി മാത്രം, ജീവിതം ക്രമീകരിക്കുമ്പോൾ, അനുദിന കർത്തവ്യങ്ങളും, ആയുഷ്കാല നിയോഗങ്ങളും അവഗണിക്കപ്പെടും.

കർമ്മം വിശുദ്ധമായാൽ, ധ്യാനം ശ്രേഷ്ഠമാകും. പ്രാർത്ഥനയുടെ ഭാഷയും,
ശൈലിയും മെച്ചപ്പെടുത്തുന്നതിനേക്കാൾശ്രദ്ധ, പ്രവൃത്തികളുടെ ഉദ്ദേശ്യ ശുദ്ധിയും, കാര്യക്ഷമതയും വർദ്ധിപ്പിക്കുന്നതിനാകണം. അങ്ങനെയായാൽ, ഈശ്വര സാന്നിദ്ധ്യവും, അനുഗ്രഹങ്ങളും സുനിശ്ചിതമായും, ഉണ്ടാകും.

സർവ്വേശ്വരൻ സഹായിക്കട്ടെ..
എല്ലാവർക്കും നന്മകൾ നേരുന്നു.
നന്ദി, നമസ്ക്കാരം.

പ്രൊഫസ്സർ എ.വി. ഇട്ടി മാവേലിക്കര