കൊല്ലം :- പ്രായ പൂർത്തിയാകാത്ത ആൺകുട്ടിയെ മൂന്നുവർഷത്തോളം ലൈംഗിക പീഡനത്തിനിരയാക്കിയ മദ്രസ അധ്യാപകൻ അറസ്റ്റിൽ. വടക്കുതല അജ്മൽ ഉസ്താദ് (29) ആണ് സംഭവത്തിൽ ചവറ പോലീസിന്റെ പിടിയിലായത്. 2015 മുതൽ 2018 വരെയുള്ള കാലയളവിൽ പ്രതി നിരന്തരം കുട്ടിയെ പ്രകൃതിവിരുദ്ധ പീഡനത്തിന് ഇരയാക്കിയിരുന്നു.
എന്നാൽ വിവരം കുട്ടി ആരോടും പറഞ്ഞിരുന്നില്ല. മുതിർന്നതിനുശേഷം കുട്ടിയുടെ പെരുമാറ്റത്തിൽ ചില മാറ്റങ്ങൾ കണ്ടതോടെയാണ് ബന്ധുക്കൾ കാരണം അന്വേഷിച്ചത്. ഇതോടെ കുട്ടി പീഡന വിവരം തുറന്നു പറയുകയായിരുന്നു. വിവരം അറിഞ്ഞതിന് പിന്നാലെ ബന്ധുക്കൾ പരാതി നൽകി. പരാതിയുടെ അടിസ്ഥാനത്തിൽ പ്രതിയെ പോക്സോ കേസിൽ അറസ്റ്റ് ചെയ്ത് റിമാൻഡ് ചെയ്തു.
