അമേരിക്കൻ പ്രസിഡന്റ് തെരഞ്ഞെടുപ്പിൽ റിപ്പബ്ലിക്കൻ സ്ഥാനാർഥി ഡോണൾഡ് ട്രംപിന് ഉജ്ജ്വല വിജയം. 538 ഇലക്ടറൽ വോട്ടുകളിൽ അധികാരത്തിലെത്താൻ അവശ്യമായ 270 എന്ന മാന്ത്രിക സംഖ്യ ട്രംപ് മറികടന്നു. 277 ഇലക്ടറൽ വോട്ടുകൾ ട്രംപ് ഇതുവരെ നേടിയിട്ടുണ്ട്.നിർണ്ണായകമായ സ്വിങ് സ്റ്റേറ്റ്സിലടക്കം ട്രംപിന് മികച്ച ജയം നേടാനായി.
ചരിത്ര വിജയത്തിൽ ട്രംപ് ഏവരോടും നന്ദി പറഞ്ഞു.തൻ്റെ വിജയം രാജ്യത്തിൻ്റെ മുറിവുണക്കുമെന്നും, ഇത് അമേരിക്കയുടെ സുവർണ്ണയുഗമാണെന്നും അദ്ദേഹം പറഞ്ഞു.അമേരിക്കയെ വീണ്ടും ഉന്നതിയിൽ എത്തിക്കുമെന്നും അദ്ദേഹം കൂട്ടിച്ചേർത്തു.
വോട്ടെണ്ണൽ ഇപ്പോഴും പുരോഗമിക്കുന്നു വൈകിട്ടോടെ അന്തിമ കണക്കുകൾ പുറത്ത് വരുമെന്ന് പ്രതീക്ഷിക്കാം.നെവാഡ, അരിസോണ, വിസ്കോൺസിൻ, മിഷിഗൺ, മെനെ എന്നിവിടങ്ങളിലെ വിജയിയെ ഇതുവരെ പ്രഖ്യാപിച്ചിട്ടില്ല. ഇതിൽ മെനെ ഒഴികെ മറ്റെല്ലാ സംസ്ഥാനങ്ങളിലും ട്രംപ് ആണ് ലീഡ് ചെയ്യുന്നത്.
