ഓർമ്മകളിൽ പൂക്കളം വിരിയിക്കാനായി വീണ്ടുമൊരു ഓണക്കാലമെത്തി, ഇന്ന് തിരുവോണം. പത്തു ദിവസം നീണ്ടു നിൽക്കുന്ന ഓണാഘോഷത്തിന്റെ അവസാന ദിനം. ‘മാവേലി നാട് വാണീടും കാലം, മാനുഷരെല്ലാം ഒന്നുപോലെ’…എന്ന് കണ്ടിരുന്ന ആ ഒരു നല്ല കാലത്തിന്റെ ഓർമ്മപ്പെടുത്തൽ.
മലയാളികൾ ലോകത്തിന്റെ ഏത് കോണില്‍ ആണെങ്കിലും ഓണം ആഘോഷിക്കാതിരിക്കില്ല. ഒത്തുചേരലിന്റെ ആഘോഷമാണ് ഓണം. കുടുംബവുമൊത്ത് പൂക്കളം ഇട്ടും, ഓണസദ്യ ഒരുക്കിയും സന്തോഷത്തോടെ മനസ് നിറഞ്ഞാണ് ഓരോ ഓണവും കടന്നു പോവാറുള്ളത്. സമൃദ്ധിയുടെയും ഐശ്വര്യത്തിന്റെയും ഈ തിരുവോണവും വീണ്ടും പ്രതീക്ഷ ഉണര്‍ത്തി ഇതാ വന്നുപോകുന്നു.
ഈ പൊൻ സുദിനത്തിൽ, മലയാളി മനസ്സിന്റെ എല്ലാ എഴുത്തുകാർക്കും, വായനക്കാർക്കും , സ്നേഹിതർക്കും, ഐശ്വര്യത്തിന്റെയും, സമ്പൽ സമൃദ്ധിയുടെയും, ഒരുമയുടെയും തിരുവോണാശംസകള്‍ നേരുന്നു.
ഈ തിരുവോണ നാളിൽ നമുക്കുവേണ്ടി മോഡലുകൾ ആയിരിക്കുന്നത്, മലയാളി മനസ്സിന്റെ സ്വന്തം കുടുംബാംഗങ്ങളായ നൈനാൻ വാകത്താനത്തിന്റെയും, റീന നൈനാന്റെയും മക്കളായ മഹിമ കുര്യനും, സാന്ദ്ര നൈനാനുമാണ്. മഹിമ, ചങ്ങനാശ്ശേരി ESAF ബാങ്കിലും, സാന്ദ്ര, കൊച്ചി ഇൻഫോ പാർക്കിലും ജോലി ചെയ്യുന്നു.
