അഹമ്മദാബാദ്: ഐപിഎല്ലില്‍ സണ്‍റൈസേഴ്‌സ് ഹൈദരബാദിനെതിരായ മത്സരത്തിൽ ഗുജറാത്ത് ടൈറ്റന്‍സന് വിജയം. അഹമ്മദാബാദ് നരേന്ദ്ര മോദി സ്‌റ്റേഡിയത്തില്‍ നടന്ന മത്സരത്തിൽ ഏഴ് വിക്കറ്റിനാണ് ഗുജറാത്ത് വിജയം നേടിയത്.
സ്കോർ: സണ്‍റൈസേഴ്‌സ് 162/8, ഗുജറാത്ത് 168/3(19.1). ടോസ് നേടി ബാറ്റിംഗ് തെരഞ്ഞെടുത്ത ഹൈദരബാദിന് 162 റൺസ് മാത്രമാണ് നേടാനായത്. മൂന്ന് വിക്കറ്റ് നേടിയ മോഹിത് ശര്‍മയുടെ പ്രകടനമാണ് ഹൈദരബാദിനെ ചെറിയ സ്‌കോറില്‍ ഒതുക്കാൻ സഹായിച്ചത്.
36 പന്തില്‍ 45 റണ്‍സ് നേടിയ സായ് സുദര്‍ശനാണ് ഗുജറാത്തിന്‍റെ ടോപ് സ്‌കോറര്‍. ഡേവിഡ് മില്ലര്‍ 27 പന്തില്‍ പുറത്താവാതെ 44 റണ്‍സ് നേടി. ഹൈദരാബാദിനായി അഭിഷേക് ശര്‍മ (29), അബ്ദുള്‍ സമദ് (29) എന്നിവർ മികച്ച പ്രകടനം കാഴ്ചവച്ചു.
25 റൺസിന് മൂന്ന് വിക്കറ്റ് നേടിയ ഗുജറാത്ത് ടൈറ്റന്‍സ് താരം മോഹിത് ശര്‍മയെ കളിയിലെ താരമായി തെരഞ്ഞെടുത്തു.
