👬👫കുട്ടീസ് കോർണർ 👬👫 (അമ്പതാം വാരം) ✍സൈമ ശങ്കർ, മൈസൂർ

👬👫👭👫👭👫👭👫👬👫

ഹായ് കുട്ടീസ്!! ഇന്ന് നമുക്ക്(A)കടം കഥകൾ (B)പൊതു അറിവ്
(C)പദ്യം (D)സ്റ്റാമ്പിന്റെ കഥ കൂടാതെ ഈ ആഴ്ചയും എളുപ്പത്തിൽ (E) സ്റ്റെപ് ബൈ സ്റ്റെപ് ആയി വരയ്ക്കുന്ന ഒരു ചിത്രം കൂടി കാണാം ട്ടോ 😍 കുട്ടീസ് ഒഴിവു സമയങ്ങൾ അവ വരച്ചു നോക്കാറുണ്ടല്ലൊ … ല്ലേ…?😍

എന്ന് സ്വന്തം
ശങ്കരിയാന്റി.

👫A) കടംകഥകൾ (13)

1)ഇപ്പോള്‍ കണ്ട വട്ടക്കണ്ണാടി, ഇന്നേയ്‌ക്കൊരു വെള്ളിത്തളികയായി-

ചന്ദ്രന്‍.

2)ഇപ്പോള്‍ കുത്തിയ പുത്തന്‍ കിണറ്റില്‍ പത്തഞ്ഞൂറ് വെളളപ്പരല്‍-

അരി തിളയ്ക്കുന്നത്.

3)ഇപ്പോള്‍ പണിത പുത്തന്‍പുരയ്ക്ക് പത്തഞ്ഞൂറ് കിളിവാതില്‍-

തേനീച്ചക്കൂട്.

4)ഇഴഞ്ഞിഴഞ്ഞു പോകുന്ന പടമുള്ള രാജാവിന്റെ പേര് പറയാത്തവര്‍ക്ക് ആയിരം കടം –

മൂര്‍ഖന്‍ പാമ്പ്.

5)ഇമ്മിണിക്കുന്നി കണ്ണെഴുതി-

കുന്നിക്കുരു.

6)ഇരുട്ടു പുരയില്‍ കുട്ട്യാന-

പത്തായം.

7)ഇരുമ്പു പെട്ടിയില്‍ വെള്ളിക്കട്ടി-

മാങ്ങയണ്ടി.

8)ഇരുവരി മുല്ലപ്പൂക്കള്‍-

പല്ല് .

9)ഇല കത്തിപോലെ, കായ കളിക്കുടുക്കപോലെ –

മാവ്.

10)ഇലയില്ലാത്ത വള്ളിയില്‍ വെളിച്ചം തരും കായ –

ഇലക്ട്രിക് ബള്‍ബ്.

📗📗

👫B) പൊതു അറിവ്

കുട്ടീസ് ഈ ആഴ്ച പൊതു അറിവിൽ കഴിഞ്ഞ ആഴ്ച്ചകളുടെ തുടർച്ചയായി നാനാർത്ഥം അറിയാം… ട്ടോ.

നാനാർത്ഥം

ജ്യോതിസ് – പ്രകാശം, മിന്നൽ, നക്ഷത്രം

തല – ശിരസ്, അഗ്രഭാഗം, പ്രധാനം

താരം – നക്ഷത്രം , നടൻ, കൊള്ളിമീൻ

തിമിരം – ഇരുട്ട്, കണ്ണിലെ ഒരു രോഗം

തുണ – സഹായം, കൂട്ട്, ഇണ

ദണ്ഡം – വടി, തണ്ട്, ശിക്ഷ

ധർമ്മം – പുണ്യം , ദാനം, ആചാരം

ധാത്രി – അമ്മ, ഭൂമി, നെല്ലി

ധൂമം – പുക, ആവി, മേഘം, മൂടൽ

നവം – ഒൻപത്, പുതിയത്, ആധുനികം

📗📗

👫C) പണ്ടേ പ്രചാരത്തിലുള്ള പദ്യങ്ങൾ(19)

ഹായ് കുട്ടീസ് ഈ വാരവും നമുക്ക് പണ്ടേ നാട്ടിൽ പാടുന്ന കുട്ടി കവിതകളിൽ ഒന്ന് കൂടി വായിക്കാം… ട്ടോ ഈ ആഴ്ചയിൽ ഈച്ചയെയും പൂച്ചയെ യും ക്കുറിച്ചൊരു കവിതയാണ്‌ കുട്ടീസ്. 😍

ഈച്ചയും പൂച്ചയും

കൊച്ചിയില്‍ നിന്നും
കൊല്ലത്തെത്തിയ
കുസൃതിക്കാരന്‍ പൂച്ച
കാപ്പിക്കടയില്‍ കഥകള്‍ പറഞ്ഞു
കാപ്പി കുടിച്ചുരസിച്ചു
കാപ്പി കുടിക്കാന്‍ കൂടെക്കേറിയ
കൊതിയച്ചാരന്‍ ഈച്ച
കഥകള്‍ കേട്ടുചിരിച്ചു പിന്നെ
കാപ്പിയില്‍ വീണു മരിച്ചു.

👫D) സ്റ്റാമ്പിന്റെ കഥ (28)

കൊച്ചിൻ സിനഗോഗ്

1968 – ൽകൊച്ചി സിനഗോഗിന്റെ 400-ാം വാർഷികം പ്രമാണിച്ച് ഭാരതീയ തപാൽ വകുപ്പ് 20 പൈസ മുഖവിലയുള്ള സ്റ്റാമ്പിൽ വിശുദ്ധമന്ദിരത്തിന്റെ പ്രധാന പ്രാർത്ഥനാ ഹാൾ ചിത്രീകരിച്ച് കൊണ്ട് പുറത്തിറക്കി.

യഹൂദമതത്തിൽ വിശ്വസിക്കുന്നവരുടെ ആരാധനാലയത്തിനു പറയുന്ന പേരാണ് ജൂതപ്പള്ളി അഥവാ സിനഗോഗ്.യഹൂദരുടെ ആരാധനാലയങ്ങളെന്നതിനു പുറമേ മതബോധനത്തിന്റേയും സാമൂഹ്യജീവിതത്തിന്റേയും കേന്ദ്രം എന്ന നിലയിലും പ്രാധാന്യമുള്ള സ്ഥാപനങ്ങളാണ് സിനഗോഗുകൾ.ജൂതരുടെ ആരാധനാലയത്തെ ‘പള്ളി’ എന്നാണ് വ്യവഹരിച്ചു പോരുന്നത്. പള്ളി എന്നത് പാലി ഭാഷയില്‍നിന്നു കടന്നുവന്ന പദമാണ്. കേരളത്തിലുണ്ടായിരുന്ന ബുദ്ധമതക്കാര്‍ തങ്ങളുടെ ആരാധനാലയത്തിനെ പള്ളി എന്നു വിളിച്ചുപോന്നു. കൂടാതെ ക്രിസ്ത്യന്‍പള്ളി, മുസ്ലീം പള്ളി, ജൂതപ്പള്ളി എന്നിങ്ങനെയുള്ള പ്രയോഗവിശേഷങ്ങളും കേരളത്തിലുണ്ട്. ജൂതപ്പള്ളി ആഗോളതലത്തില്‍ സിനഗോഗ് (synagogue) എന്നാണ് അറിയപ്പെടുന്നത്.

എറണാകുളം ജില്ലയിലെ മട്ടാഞ്ചേരിയിലുള്ള പുരാതനമായ യഹൂദ ആരാധനാകേന്ദ്രമാണ്‌ മട്ടാഞ്ചേരി ജൂതപ്പള്ളി എന്നറിയപ്പെടുന്നത്.ഏ.ഡി. 68-ല്‍ ജറുസലേമിലെ രണ്ടാം ദേവാലയം നശിപ്പിക്കപ്പെട്ടതിനെതുടര്‍ന്ന്, മതപീഡനത്തില്‍നിന്ന് രക്ഷപെടാനായി ജൂതര്‍ കേരളത്തില്‍ കുടിയേറിയെന്നാണ് പരമ്പരാഗതമായ വിശ്വാസം. സ്ത്രീകളും പുരുഷന്മാരും ഉള്‍പ്പെടെ പതിനായിരം ജൂതമതവിശ്വാസികള്‍ കേരളത്തില്‍ വന്നതായും കൊടുങ്ങല്ലൂര്‍, പാലൂര്‍ (പാലയൂര്‍), മാള, പുല്ലൂറ്റ് എന്നിവിടങ്ങളില്‍ താമസമുറപ്പിച്ചതായും പറയപ്പെടുന്നു.സെഫാർദിം ഗോത്രത്തിന്റെ പിൻതുടർച്ചക്കാരായ യഹൂദർ 1492-ൽ സ്പെയിനിൽനിന്നു പുറത്താക്കപ്പെട്ട് കൊച്ചിയിൽ എത്തിപ്പെട്ടതെന്നും, മലബാർ യഹൂദരാണ് 1567-ൽ ഈ സിനഗോഗ് പണി കഴിപ്പിച്ചതെന്നും,അവർ സ്ഥാപിച്ച ജൂതപ്പള്ളിയാണു് മട്ടാഞ്ചേരിയിൽ ഇപ്പോൾ നിലനിൽക്കുന്നതെന്നും കരുതപ്പെടുന്നു. ഇന്ന് ഈ ജൂതപ്പള്ളി മ്യൂസിയമാക്കി മാറ്റിയിരിക്കുന്നു. നഗരഭാഗത്ത് സ്ഥിതി ചെയ്യുന്ന ഈ ദേവാലയത്തിൽ ആരാധന നടത്തുന്നത് തൊട്ടടുത്തായുള്ള ജൂതകുടുംബങ്ങളിലെ ഏതാനും അംഗങ്ങൾ മാത്രമാണ് കോമൺവെൽത്ത് രാജ്യങ്ങളിൽ തന്നെയും ഏറ്റവും പഴയ സിനഗോഗായാണ് ഈ ജൂതപള്ളി അറിയപ്പെടുന്നത്. ചരിത്രത്തിന്റെ ശേഷിപ്പായ ഈ പള്ളിക്ക് പുറത്ത് ഒരു വലിയ ഘടികാരം ഇപ്പോഴുമുണ്ട്. കൈകൊണ്ട് വരച്ച വെവ്വേറെ ചിത്രങ്ങളോട് കൂടി ചൈനയിൽ നിർമ്മിച്ച ഇരുനൂറ്റിയമ്പത്താറ് പോഴ്സ്‌ലെയിൻ തറയോടുകൾ ഈ ദേവാലയത്തിന്റെ നിലത്ത് പാകിയിരിക്കുന്നു. 1000-ആമാണ്ടിലെ ഭാസ്കര രവിവർമ്മന്റെ ചെപ്പേടും 1805-ൽ തിരുവിതാംകൂർ മഹാരാജാവ് സംഭാവന ചെയ്ത പൊൻകിരീടവും ബ്രിട്ടീഷ് റസിഡണ്ടന്റ് ആയിരുന്ന കേണൽ മെക്കാളെ സമർപ്പിച്ച ഏതാനും വെള്ളിവിളക്കുകളുമാണ് ഇവിടെയുള്ള മറ്റ് ആകർഷണങ്ങൾ.തേക്ക് ആർക്ക് വെള്ളിയിലും സ്വർണ്ണത്തിലും പൊതിഞ്ഞ തോറയുടെ നാല് ചുരുളുകൾ (പഴയനിയമത്തിലെ ആദ്യത്തെ അഞ്ച് പുസ്തകങ്ങൾ) അമൂല്യമായി സൂക്ഷിച്ചിരിക്കുന്നു.

നാലാം നൂറ്റാണ്ടിലെ ചെമ്പ് ഫലകങ്ങളാണ് സിനഗോഗിന്റെ മറ്റൊരു വിലപ്പെട്ട സ്വത്ത്. അന്നത്തെ ഭരണാധികാരി കൊച്ചി രാജാവ് നൽകിയ സമൂഹത്തിന് നൽകിയിട്ടുള്ള പ്രത്യേകാവകാശങ്ങൾ ഈ ലിഖിതങ്ങളിൽ വിവരിക്കുന്നു. കണ്ണാടി ഇമേജ് റൈറ്റിംഗ് എന്നും അറിയപ്പെടുന്ന കൃഷ്ണഡിയെസുത്തു ലിപിയിലാണ് ഇത് എഴുതിയിരിക്കുന്നത്. അവസാന എത്യോപ്യൻ ചക്രവർത്തിയായ ഹെയ്‌ൽ സെലാസി സമ്മാനിച്ച ഓറിയന്റൽ റഗ് ഇവിടെ സൂക്ഷിച്ചിരിക്കുന്നു.

📗📗

👫E) എളുപ്പത്തിൽ ഒരു ചിത്രം വരയ്ക്കാം (34)

അവതരണം:
സൈമ ശങ്കർ, മൈസൂർ
➖➖➖➖➖➖➖➖➖➖➖

👬👭👫👭👬👭👫👭👬👭