👬👫കുട്ടീസ് കോർണർ 👬👫 (നാല്പത്തിയാറാം വാരം) ✍സൈമ ശങ്കർ, മൈസൂർ

ഹായ് കുട്ടീസ്!! ഇന്ന് നമുക്ക് (A)കടം കഥകൾ (B)പൊതു അറിവ്
(C)പദ്യം (D)സ്റ്റാമ്പിന്റെ കഥ കൂടാതെ ഈ ആഴ്ചയും എളുപ്പത്തിൽ(E) സ്റ്റെപ് ബൈ സ്റ്റെപ് ആയി വരയ്ക്കുന്ന ഒരു ചിത്രം കൂടി കാണാം ട്ടോ 😍 കുട്ടീസ് ഒഴിവു സമയങ്ങൾ അവ വരച്ചു നോക്കാറുണ്ടല്ലൊ … ല്ലേ…?😍

എന്ന് സ്വന്തം
ശങ്കരിയാന്റി.

👫A) കടംകഥകൾ (9)

1. അടി ചെടി, നടു മദ്ദളം, തല നെല്‍ച്ചെടി-

കൈതച്ചക്ക.

2) അടിയിലും മുകളിലും തട്ടിട്ടിരിക്കുന്ന പെരുന്തച്ചന്‍-

ആമ.

3) അടിക്കാത്ത മുറ്റത്തിന്‍ പേരു ചൊല്ലാമോ –

ആകാശം.

4) അടുക്കളയിലെ അമ്മായിഅമ്മ-

പൂച്ച.

5) അട്ടത്തൊരു കുട്ടിച്ചാത്തന്‍ അങ്ങോട്ടിങ്ങോട്ടോടുന്നു-

എലി .

6) അതാ പോകുന്നു, ഒത്തിങ്ങു പിടിച്ചാല്‍ ആയിരം പൊന്‍പണം സമ്മാനം-

കാറ്റ്.

7) അഴിയെറിഞ്ഞ അമ്പലത്തില്‍ കിളിയിരുന്നു ചിലയ്ക്കുന്നു-

നാവ്.

8) അവിടെ കുത്തി, ഇവിടെ കുത്തി, അമ്പലം കടത്തി കുത്തി –

ഞാറുനടുന്നത്.

9) ആറ്റിലൂടെ ഒരു വെള്ളിക്കിണ്ണം ഒഴുകി ഒഴുകി-

നദിയില്‍ ചന്ദ്രബിംബത്തിന്റെ പ്രതിഫലനം.

10) ആയിരം കടലോടി വരുന്ന ചെങ്കുപ്പായക്കാരന്‍ കൂനന്റെ പേരെന്ത് –

ചെമ്മീന്‍.

📗📗

👫B) പൊതു അറിവ്

കുട്ടീസ് ഈ ആഴ്ച പൊതു അറിവിൽ കഴിഞ്ഞ ആഴ്ച്ചകളുടെ തുടർച്ചയായി നാനാർത്ഥം അറിയാം… ട്ടോ.

നാനാർത്ഥം

വിധി – കർമ്മം, പ്രവൃത്തി, കോടതിയുടെ തീർപ്പ്

ശുകം – തത്ത, വസ്ത്രം, ചേലാഞ്ചലം

ശുഭം – ഐശ്വര്യം, മംഗളം, ജലം

ശൃംഗം – കൊമ്പ്, കൊടുമുടി, മുകളറ്റം

ശ്രുതി – കേൾവി, ചെവി, സംഗീതത്തിന്റെ ശ്രുതി

സമയം – അവസരം, കാലം, ഉപദേശം, ആജ്ഞ

സാധനം – നിർവ്വഹണം, വസ്ത, കേതു

സാധു – സന്ന്യാസി, പാവപ്പെട്ടവൻ, ഗുണവാൻ

സാരം – അർത്ഥം, സത്ത്, ധനം

സിദ്ധി – സാധന, നിർവ്വഹണം, വിജയം

📗📗

👫C) പണ്ടേ പ്രചാരത്തിലുള്ള പദ്യങ്ങൾ (15)

ഹായ് കുട്ടീസ് ഈ വാരവും നമുക്ക് പണ്ടേ നാട്ടിൽ പാടുന്ന കുട്ടി കവിതകളിൽ ഒന്ന് കൂടി വായിക്കാം… ട്ടോ ഈ ആഴ്ചയിൽ ABCD… യെ ക്കുറിച്ചൊരു കവിതയാണ്‌ കുട്ടീസ്. 😍

ABCD

എ ബി സി ഡി – എരിപുളി കാച്ചി
ഇ എഫ് ജി എച് – അച്ചാറിട്ടു
ഐ ജേ കെ എൽ – തൈരിനു പോയി
എം എൻ ഓ പി – ഇലയും വെച്ചു
ക്യൂ ആർ എസ് ടി – ചോറ് വിളമ്പി
യു വി ഡബ്ലൂ – ഊണിനിരുന്നു
എക്സ് വൈ സെഡ് – കണ്ടു കൊതിച്ചു.

👫D) സ്റ്റാമ്പിന്റെ കഥ (24)

ടോഡ

1981-ൽ തപാൽ വകുപ്പ് ‘ട്രൈബ്സ് ഓഫ് ഇന്ത്യ’ എന്ന പേരിൽ ഖിയാംഗൻ നാഗ, ടോഡ, ഭിൽ, ദണ്ഡാമി മരിയ ഗോത്രങ്ങളെ പ്രതിനിധീകരിക്കുന്ന നാല് സ്റ്റാമ്പുകൾ പുറത്തിറക്കി. അതിലൊന്ന് 1 രൂപ മുഖവിലയുള്ള തോഡ ഗോത്ര സത്രീയെ ചിത്രീകരിച്ച് പുറത്തിറക്കി.

കേരളവുമായി അതിർത്തി പങ്കിടുന്ന നീലഗിരി പർവതനിരകളിൽ വസിക്കുന്ന ദ്രാവിഡ വംശജരാണ് ടോഡ ജനത.ഇവർ മറ്റുള്ള ആദിവാസികളെ അപേക്ഷിച്ച് വെളുത്ത നിറമുളളവരും ഉയരം കൂടിയവരുമാണ്‌. മഠം എന്നു വിളിക്കുന്ന ചെറിയ സുന്ദരമായ കൂരകളിലാണ്‌ പാരമ്പര്യമായി ഇവർ താമസിക്കുന്നത്. ഇവരിൽ തന്നെ വ്യത്യസ്തകാലങ്ങളിലായി കുടിയേറിയവർ വിവിധ ഗോത്രങ്ങളായി നിലകൊള്ളുന്നു.

പുരുഷന്മാർക്ക് ശരാശരി അഞ്ചടി ഏഴിഞ്ചും സ്ത്രീകൾ അഞ്ചടി ഒരിഞ്ചും ഉയരം ഉള്ളവരാണ്‌. ഉറച്ച ശരീരവും വീതിയുള്ള തലയുമാണിവർക്ക്. പുരുഷന്മാരുടെ ശരീരം കൂടുതലും രോമാവൃതമാണ്‌. സ്ത്രീകൾ മുടി നീട്ടി വളർത്തി പിന്നിയിടുകയും അവയിൽ വെണ്ണ തേക്കുകയും ചെയ്യുന്നു. മറ്റുള്ളവരേക്കാൽ മികച്ചവരെന്ന ബോധം എപ്പോഴും അവർക്കുണ്ട്.വെളുത്ത നിറമുള്ള തോഡർ ബാനി ഇസ്രായേൽ എന്നറിയപ്പെടുന്ന ജൂതന്മാരുടെ ലോസ്റ്റ്‌ ട്രൈബ് ആണെന്നും, അലക്സാണ്ടറുടെ സൈനികരുടെ പിൻഗാമികളാണെന്നും ഒക്കെ ചരിത്രകാരന്മാരിൽ ഭിന്ന അഭിപ്രായം ഉണ്ട്.

കൃഷി ചെയ്യാത്ത വർഗ്ഗമായിരുന്നു ഇവർ. ഭിക്ഷയാചിക്കുകയും എരുമയെ വളർത്തുകയും അതിൽ നിന്നുള്ള പാലുകൊണ്ട് വെണ്ണ നെയ്യ് തുടങ്ങിയവ ഉണ്ടാക്കുകയും മാത്രമേ അവർ ചെയ്യൂ. ഇവരുടെ വിശ്വാസമനുസരിച്ച് പോത്തിനെ മേക്കലൊഴികെ മറ്റെല്ലാ ജോലികളും നിഷിദ്ധമാണ്‌. അതിനാൽ എരുമയെ അവർ പാവനമായി കണക്കാക്കുന്നു.ഒറ്റപ്പെട്ട ജീവിതമാണ്‌ ഇക്കൂട്ടർ പിന്തുടരുന്നത്. മറ്റുള്ളവരുമായി ഒട്ടുതന്നെ ഇവർ ബന്ധപ്പെടാറില്ല. അരി, പാൽ, വെണ്ണ ,കാട്ടുകനികൾ, പച്ചക്കറികൾ എന്നിവ ആഹാരമാക്കുന്ന തോഡർ സസ്യഭുക്കുകളുമാണ്‌. ഇവർവളര്‍ത്തുമൃഗങ്ങളോടും ദൈവത്തോടും ഒരേ പ്രാര്‍ത്ഥന തന്നെ നടത്തുന്ന ഇവർക്ക് പ്രധാന ആരാധന മൂർത്തി വളഞ്ഞ വലിയ കൊമ്പുകളുള്ള എരുമകളാണ്. എരുമപ്പാലാണ് അവരുടെ ശ്രേഷ്ഠമായ പാനീയം.തോഡരുടെ എല്ലാ ആഘോഷങ്ങളിലും ഒഴിച്ചുകൂടാനാവാത്ത ഒന്നാണ്‌ നെയ്യ്.

അസാധാരണമായ വിവാഹ സമ്പ്രദായങ്ങളും മറ്റ് സാംസ്കാരിക സവിശേഷതകളുള്ള ടോഡകൾ വസിക്കുന്ന ഇടം ഇപ്പോൾ യുനെസ്കോ നിയുക്തമാക്കിയ അന്താരാഷ്ട്ര ബയോസ്ഫിയർ റിസർവായ നീലഗിരി ബയോസ്ഫിയർ റിസർവിന്റെ ഭാഗമാണ്; അവരുടെ പ്രദേശം യുനെസ്കോയുടെ ലോക പൈതൃക സൈറ്റായി പ്രഖ്യാപിച്ചു.

📗📗

👫E) എളുപ്പത്തിൽ ഒരു ചിത്രം വരയ്ക്കാം (30)

👬👭👫👭👬👭👫👭👬👭

അവതരണം:
സൈമ ശങ്കർ, മൈസൂർ
➖➖➖➖➖➖➖➖➖➖➖
👬👭👫👭👬👭👫👭👬👭