👬👫കുട്ടീസ് കോർണർ 👬👫 (നാല്പതാം വാരം)

ഹായ് കുട്ടീസ്!! ഇന്ന് നമുക്ക് (A)കുസൃതി ചോദ്യങ്ങൾ (B)പൊതു അറിവ്
(C)പദ്യം (D)മുല്ലാ തമാശ കൂടാതെ ഈ ആഴ്ചയും എളുപ്പത്തിൽ(E) സ്റ്റെപ് ബൈ സ്റ്റെപ് ആയി വരയ്ക്കുന്ന ഒരു ചിത്രം കൂടി കാണാം ട്ടോ 😍 കുട്ടീസ് ഒഴിവു സമയങ്ങൾ അവ വരച്ചു നോക്കു ന്നുണ്ടല്ലൊ…. ല്ലേ 😍

എന്ന് സ്വന്തം
ശങ്കരിയാന്റി.

👫A) കുസൃതി ചോദ്യങ്ങളും ഉത്തരവും (14)

1) നമ്മൾ കഴിക്കുന്ന ആന ?

ബനാന

2) കൈയിൽ ഇടാൻ പറ്റാത്ത വള ?

തവള

3 )വെള്ളം കുടിച്ചു മരിക്കുന്നതാര്?

തീ

4) വെറും വയറ്റിൽ എത്ര പഴം കഴിക്കാൻ പറ്റും ?

ഒരു പഴം

5) മേക്കപ്പ് ഇടാത്ത മുഖം ?

തുറമുഖം

6) ഇന്ത്യയിൽ കേരളത്തിന്റെ സ്ഥാനം ?

സംസ്ഥാനം

7) ഏറ്റവും വലിയ കടം ?

അപകടം

8)ഇംഗ്ലീഷ് അക്ഷരമാലയിലെ ഏത് അക്ഷരമാണ് പട്ടിക്ക് ഇഷ്ടം ?

L (എല്ല്)

9) എഴുതിയാൽ ശെരിയാവാത്ത വാക്ക് ?

തെറ്റ്

10) T V ക്കിടയിൽ എന്താണ് വരുന്നത് ?

U

📗📗

👫B) പൊതു അറിവ്

കുട്ടീസ് ഈ ആഴ്ച പൊതു അറിവിൽ കഴിഞ്ഞ ആഴ്ച്ച കളുടെ തുടർച്ചയായി നാനാർത്ഥം അറിയാം… ട്ടോ.

നാനാർത്ഥം

1. കറ – വൃക്ഷങ്ങളുടെ പശ, കായ്കളിലുള്ള വെള്ളം, അഴുക്ക്

2) കാഞ്ചി – അരഞ്ഞാൺ, മഹത്വം, തോക്കിന്റെ കുത്തി

3) കാണം – വസ്തു , പഴയ അളവ്, സ്വർണ്ണ നാണയം, കാക്ക

4) കാണി – കാഴ്ചക്കാരൻ, കാണിക്ക, കണ്ണ്, അല്പം

5) കായം – ശരീരം, ഒരു അങ്ങാടിമരുന്ന്, ഒരു മരത്തിന്റെ കറ

6) കാളി – ദുർഗ്ഗ, ഭയങ്കരി ഒരുതരം വാഴ

7) കുട – കുടയുക, മഴയത്തു ചൂടുന്നകുട, ആണിയുടെ പരന്ന ഭാഗം

8) കുടം – ഒരു പാത്രം, വാഴയുടെയും മറ്റും പൂങ്കുല, വൃക്ഷം

9) കുംഭം – മലയാളമാസം, ഒരു രാശി, ആനയുടെ തലയിൽ ഇരു ഭാഗത്തും കാണുന്ന മുഴ, കുടം

10) കുശം – വെള്ളം, വെളുത്തദർഭ, ഇരുവേലി

📗📗

👫C) പണ്ടേ പ്രചാരത്തിലുള്ള പദ്യങ്ങൾ(9)

ഹായ് കുട്ടീസ് ഈ വാരവും നമുക്ക് പണ്ടേ നാട്ടിൽ പാടുന്ന കുട്ടി കവിതകളിൽ ഒന്ന് കൂടി വായിക്കാം… ട്ടോ ഈ ആഴ്ചയിൽ സ്നേഹത്തെ കുറിച്ചൊരു കവിതയാണ്‌ കുട്ടീസ്. 😍

സ്നേഹം

കാക്കക്കും
പൂവാലിപയ്യിനും തന്‍
കുഞ്ഞിനോടെന്ന പോലെ
അച്ഛനുമമ്മക്കും
അനുജത്തിക്കും
എന്നോടു ഏറെ സ്നേഹം.

📗📗

👫D) ഹോജ മുല്ല തമാശ (7)

കുട്ടീസ്… ഹോജ യുടെ ഒരു ചെറിയ തമാശ കഥ ഈ വാരവും വായിക്കാം

തിരയുമ്പോൾ വെളിച്ചമുള്ളിടത്തു തിരയുക

നസ്രുദീൻ തന്റെ വീട്ടുമുറ്റത്തിരുന്ന് എന്തോ തിരയുന്നത്‌ അയൽക്കാരൻ കണ്ടു.
‘എന്തെങ്കിലും കാണാതെപോയോ മുല്ലാ?’ അയാൾ ചോദിച്ചു. ‘ചാവി കാണാനില്ല,’ മുല്ലാ പറഞ്ഞു. അങ്ങനെ രണ്ടുപേരും കുന്തിച്ചിരുന്ന് ചാവിതിരച്ചിലായി.
അൽപനേരംകഴിഞ്ഞ്‌ അയൽക്കാരൻ ചോദിച്ചു: ‘ശരിക്കും എവിടെവച്ചാണു തനിക്കതു കാണാതെപോയത്‌?’
‘എന്റെ വീട്ടിനുള്ളിൽ.’
‘പിന്നെ താനെന്തിനാ ഇവിടെക്കിടന്നു തിരയുന്നത്‌!’
‘ഇവിടല്ലേ കൂടുതൽ വെളിച്ചമുള്ളത്‌!’😂🤭

📗📗

👫E) എളുപ്പത്തിൽ ഒരു ചിത്രം വരയ്ക്കാം (24)

അവതരണം:
സൈമ ശങ്കർ
➖➖➖➖➖➖➖➖➖➖➖
👬👭👫👭👬👭👫👭👬👭