🌹 ചിന്താ പ്രഭാതം 🌹 – 2025 | ജനുവരി 06 | തിങ്കൾ ✍ ബേബി മാത്യു അടിമാലി

നിഷേധാത്മക ചിന്തകളുടെ തടവറയിൽ നിന്ന് പുറത്തുവരാതെ ഒരാൾക്കും സ്വന്തം സാമ്രാജ്യം പണിയാനാകില്ല എന്നോർക്കുക.

നാം ഒരിക്കലും സ്വന്തം ധാരണകളുടെ മാത്രം അടിമകളായി മാറരുത്. മറ്റുള്ളവർ എന്ത് വിചാരിക്കുന്നു എന്നതിനേക്കാൾ ഗൗരവതരമാണ് സ്വയം എന്ത് വിചാരിക്കുന്നു എന്നത്.

മറ്റൊരാൾക്ക് കൊടുക്കാൻ കഴിയുന്ന ഏറ്റവും വിലയേറിയ ഉപഹാരമാണ് ആത്മവിശ്വാസം എന്നത്. കാലപ്പഴക്കത്തിൽ മറ്റെന്തെല്ലാം മങ്ങിപ്പോയാലും ഒരിക്കൽ കൊളുത്തിയ ആത്മവിശ്വാസം കെടാവിളക്കായി എന്നും കൂടെയുണ്ടാകും.

സ്വന്തം കഴിവുകളെക്കുറിച്ചും നേട്ടങ്ങളെക്കുറിച്ചും കുറവുകളെക്കുറിച്ചും യാഥാര്‍ത്ഥ്യത്തില്‍ ഊന്നിയുള്ള തിരിച്ചറിവ്, സ്വയം അംഗീകരിക്കാനുള്ള തുറന്ന മനസ്, അതാണാവശ്യം.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി