കേരളത്തിൻറെ 23-ാമത് ഗവർണറായി രാജേന്ദ്ര വിശ്വനാഥ് ആർലേക്കർ സത്യപ്രതിജ്ഞ ചെയ്തു. രാജ്ഭവനിൽ രാവിലെ 10.30നായിരുന്നു സത്യപ്രതിജ്ഞാ ചടങ്ങ് നടന്നത്. ചീഫ് ജസ്റ്റിസ് നിതിൻ മധുകർ ജാംദാർ സത്യവാചകം ചൊല്ലിക്കൊടുത്തു.
മുഖ്യമന്ത്രി പിണറായി വിജയൻ, ചീഫ് സെക്രട്ടറി ശാരദാ മുരളീധരൻ ഉൾപ്പെടെയുള്ള പ്രമുഖർ ചടങ്ങിൽ പങ്കെടുത്തു. ശേഷം പ്രതിപക്ഷ നേതാവ് വിഡി സതീശൻ, മന്ത്രിമാർ, എംപിമാർ, എംഎൽഎമാർ തുടങ്ങിയവർ പുതിയ ഗവർണറെ അഭിനന്ദിച്ചു. ബംഗാൾ ഗവർണറായ സിവി ആനന്ദബോസും ചടങ്ങിൽ സംബന്ധിച്ചു.
കഴിഞ്ഞദിവസം തിരുവനന്തപുരം എയർപോർട്ടിൽ എത്തിയ ഗവർണറെ മുഖ്യമന്ത്രി പിണറായി വിജയനും മന്ത്രിമാരും ചേർന്നാണ് സ്വീകരിച്ചത്. രാജേന്ദ്ര ആർലേക്കർക്കൊപ്പം ഭാര്യ അനഘ ആർലേക്കറും ഉണ്ടായിരുന്നു.
മന്ത്രിമാരായ കെ.രാജൻ, രാമചന്ദ്രൻ കടന്നപ്പള്ളി, വി.ശിവൻകുട്ടി, കെ.എൻ ബാലഗോപാൽ, സ്പീക്കർ എഎൻ.ഷംസീർ, മേയർ ആര്യ രാജേന്ദ്രൻ, ആൻറണി രാജു എംഎൽഎ, എം.പിമാരായ എഎ റഹീം, ശശി തരൂർ, ചീഫ് സെക്രട്ടറി ശാരദ മുരളീധരൻ മറ്റ് ഉന്നത ഉദ്യോഗസ്ഥർ എന്നിവർ ഗവർണറെ സ്വീകരിക്കാനെത്തിയിരുന്നു.
