തിരുവനന്തപുരം: സംസ്ഥാന സ്കൂൾ കലോത്സവത്തിൽ കണ്ണൂരും, തൃശൂരും, കോഴിക്കോടും തമ്മിൽ ഇഞ്ചോടിഞ്ചു പോരാട്ടം. പകുതിയോളം മത്സരങ്ങൾ അവസാനിച്ചപ്പോൾ കണ്ണൂരിന് 449 പോയിന്‍റും തൃശൂരിന് 448 പോയിന്‍റും കോഴിക്കോടിന് 446 പോയിന്‍റുമാണ് ഉള്ളത്.
പാലക്കാടാണ് നാലാം സ്ഥാനത്ത്. സ്കൂളുകളിൽ 65 പോയിന്‍റുമായി തിരുവനന്തപുരം കാർമൽ ഹയർ സെക്കൻഡറി സ്കൂൾ ഒന്നാം സ്ഥാനത്താണ്. പത്തനംതിട്ട എസ്‌വിജിവി ഹയർ സെക്കൻഡറി സ്കൂളും ആലത്തൂർ ഗുരുകുലം ഹയർ സെക്കൻഡറി സ്കൂളും 60 പോയിന്‍റുമായി രണ്ടാം സ്ഥാനത്തുണ്ട്.
മുഖ്യമന്ത്രി പിണറായി വിജയൻ ഇന്ന് ഉച്ചയ്ക്ക് പുത്തരികണ്ടത്തെ ഭക്ഷണ കലവറ സന്ദ‍ർശിക്കും. മിമിക്രി, മോണോ ആക്‌ട്, ആൺ കുട്ടികളുടെ നാടോടി നൃത്തം, ദഫ് മുട്ട്, ചവിട്ടു നാടകം തുടങ്ങിയ ഇനങ്ങൾ ഇന്ന് നടക്കും.
