🌹 “ഇന്നത്തെ ചിന്താവിഷയം” 🌹 – 2024 | സെപ്റ്റംബർ 29 | ഞായർ ✍ പ്രൊഫസ്സർ എ.വി. ഇട്ടി മാവേലിക്കര

കൂട്ടു പകരുന്ന ബലം
——————————————

‘സെക്വയ’ മരങ്ങൾ തിങ്ങി വളരുന്ന വനമേഖലയിലൂടെ, ഒരു യാത്രാസംഘം നടന്നു നീങ്ങുകയായിരുന്നു. മരങ്ങളുടെ വലുപ്പവും പഴക്കവും ഏവരേയും അത്ഭുതപ്പെടുത്തി. അവർ വനപാലകരാടു ചോദിച്ചു: “ഇവയ്ക്ക് എത്ര പ്രായം കാണും?” അവരുടെ മറുപടി വിസ്മയാവഹമായിരുന്നു: “ആയിരം വയസ്സുവരെ ഉണ്ടാകും. മാത്രമല്ല, ശക്തമായ മഞ്ഞുവീഴ്ചയും, കൊടുങ്കാറ്റും ഭൂമികുലുക്കം പോലും, അതിജീവിച്ചാണ് ഇവ വളരുന്നത്”. “അപ്പോൾ, ഇവയുടെ വേരുകൾ അത്രയും ആഴത്തിൽ പോയിട്ടുണ്ടാകും, അല്ലേ?”, യാത്രക്കാർ വീണ്ടും ചോദിച്ചു. വനപാലകർ ആ മരണ്ടളുടെ നിഗൂഢ രഹസ്യം വെളിപ്പെടുത്തി: “സെക്വയ മരങ്ങളുടെ വേരുകൾ വളരാൻ തുടങ്ങിയാൽ, അവ പരസ്പരം കണ്ടെത്തി കെട്ടുപിണയും. ഇവിടെയുള്ള ആയിരക്കണക്കിനു മരങ്ങളുടെ വേരുകൾ, നേരിട്ടോ അല്ലാതെയോ, കൂടിച്ചേർന്നാണിരിക്കുന്നത്: വൻ വൃക്ഷങ്ങളും, ചെറുമരങ്ങളുമെല്ലാം. ഇവയെ തകർക്കാൻ ഒന്നിനുമാകയില്ല!”

കൂട്ടു പകരുന്ന ബലം, അപരിമേയമാണ്. ഇടപഴകലിൻ്റെ കാലപ്പഴക്കത്തിനാണ് ആയുസ്സിൻ്റെ പഴേക്കത്തേക്കാൾ പ്രസക്തി.
തളർന്നു പോകുമെന്നു കരുതുന്നിടത്തെല്ലാം, കൂടിച്ചേരലിൻ്റെ ബലം അവിശ്വസനീയമായ ആത്മവിശ്വാസവും, മനോധൈര്യവും നൽകും. “ഐക്യമത്യം മഹാബലം” എന്നാണല്ലോ ജ്ഞാനമൊഴി!” ഒറ്റയ്ക്കു നിൽക്കുമ്പോഴുള്ള ബലഹീനത, ഒരുമിച്ചു
നിൽക്കുമ്പോഴുള്ള കരുത്തായി മാറുന്നതിൻ്റെ കഥയാണു്ണ്, ചൂൽ, ഈർക്കിലി
നോടു പറയുന്നത് ! ആഴം പരപ്പിനോടു പറയുന്നതും, നിലനിർത്തേണ്ട സൗഹൃദങ്ങളെക്കുറിച്ചും, വളർത്തേണ്ട , പരസ്പരാശ്രയത്വത്തേക്കുറിച്ചുമാണ്.

സർവ്വേശ്വരൻ സഹായിക്കട്ടെ..
എല്ലാവർക്കും നന്മകൾ നേരുന്നു.
നന്ദി, നമസ്ക്കാരം.

പ്രൊഫസ്സർ എ.വി. ഇട്ടി മാവേലിക്കര