🌹 “ഇന്നത്തെ ചിന്താവിഷയം” 🌹 – 2024 | സെപ്റ്റംബർ 17 | ചൊവ്വ ✍ പ്രൊഫസ്സർ എ.വി. ഇട്ടി മാവേലിക്കര

തിരിച്ചറിവോടെ തിരുത്താൻ ആകട്ടെ
———————————————————–

ജന്മദിനത്തിൽ തനിക്കു സമ്മാനം കിട്ടിയ നായ്ക്കുട്ടിയെ ജോണിക്കു വളരെ ഇഷ്ടമായിരുന്നു. എപ്പോഴും അവൻ അതുമായി കളിച്ചു കൊണ്ടിരിക്കും. അതിൻ്റെ നീണ്ട ചെവികളോടായിരുന്നു അവന് ഏറെ താൽപര്യം. ഒരു ദിവസം അവൻ അതിൻ്റെ ചെവികൾ തമ്മിൽ കൂട്ടിക്കെട്ടാൻ നോക്കി. നായ്ക്കുട്ടി പിണങ്ങി! പിന്നീടവൻ ഓരോ ചെവിയും മടക്കിവയ്ക്കാൻ ശ്രമിച്ചു. നടന്നില്ല. പിന്നീടവൻ അവ അകത്തേക്കു ചുരുട്ടി വയ്ക്കാൻ ശ്രമിച്ചു. അതും വിജയിച്ചില്ല. അവൻ നായ്ക്കുട്ടിയോടു നിഷ്ക്കളങ്കമായി ചോദിച്ചു: “നിനക്കു നിൻ്റെ ചെവി ഒന്നു ചെറുതാക്കാൻ പറ്റുമോ?” നായ്ക്കുട്ടി നിഷധാർത്ഥത്തിൽ തലയാട്ടി.

മാറ്റാനാകാത്തവയെ, തിരുത്താൻ ശ്രമിക്കരുത്. അതു നടക്കില്ല.
ഏറ്റക്കുറച്ചിലുകളുടെ മിശ്രിതമാണ് സൃഷ്ടി ആകമാനം. ആനുപാതികമായ അളവുകോലുകൾ കൊണ്ട്, ആരേയും അളന്നെടുക്കാനോ, താരതമ്യം ചെയ്യാനോ കഴിയില്ല.

ചിലർക്ക് അധികമാകുന്നത് ചിലർക്ക് അന്യമാകും. ചിലരുടെ കുറവുകൾ മറ്റു ചിലർക്ക് കരുത്താകും. മറ്റൊരാളെ അയാൾക്കാകാൻ പറ്റാത്തതിലേക്കു കൊണ്ടെത്തിക്കാൻ ശ്രമിക്കുന്നതാണ് അയാളോടു ചെയ്യാവുന്ന ഏറ്റവും വലിയ ക്രൂരത.

എന്തിനാണു്ണ് സ്വന്തം ഇഷ്ടങ്ങളിലേക്കും ശരികളിലേക്കും മറ്റൊരാളെ വലിച്ചിഴയ്ക്കുന്നത് ? അവനവൻ്റെ താൽപര്യങ്ങൾക്കായി, അപരനെ രൂപമാറ്റത്തിനു നിർബ്ബന്ധിക്കുമ്പോഴാണു്ണ് ബന്ധങ്ങളിൽ വിള്ളലുകൾ രൂപപ്പെടുന്നതു്ത്. മാറ്റാനാകാത്ത ചില കാര്യങ്ങളാണ് ഓരോരുത്തരേയും വ്യത്യസ്ഥരാകുന്നത്. സാദൃശ്യങ്ങളിൽ മാത്രമല്ല, വൈരുദ്ധ്യങ്ങളിലും സ്വീകാര്യത വേണം.

ഒരാളുടെ പോരായ്മകളെയും, ബലഹീനതകളെയും കുറിച്ചുള്ള അറിവ്, അയാളിലേക്കുള്ള ദൂരം കുറയ്ക്കും. ശ്രദ്ധിക്കപ്പെടുന്ന നേട്ടങ്ങളുടെയും ബഹുമതികളുടെയും പേരിൽ മാത്രം, ബന്ധങ്ങൾ സ്ഥാപിക്കുന്നവർക്ക് ഒരിക്കലും മറ്റുള്ളവരുടെ അകം തിരിച്ചറിയുവാൻ കഴിയില്ല. കൂട്ടുകൂടാൻ വരുന്നവരുടെ പുറംചട്ട മാത്രമല്ല, ഉള്ളടക്കവും മനസ്സിലാക്കാൻ, നമുക്കാകണം

സർവ്വേശ്വരൻ സഹായിക്കട്ടെ..
എല്ലാവർക്കും നന്മകൾ നേരുന്നു.
നന്ദി, നമസ്ക്കാരം.

പ്രൊഫസ്സർ എ.വി. ഇട്ടി മാവേലിക്കര