🌹 ചിന്താ പ്രഭാതം 🌹 – 2024 | ഡിസംബർ 20 | വെള്ളി ✍ ബേബി മാത്യു അടിമാലി

ഇന്നും പല തരത്തിൽ മനുഷ്യർ തമ്മിൽ വലിപ്പ ചെറുപ്പ വ്യത്യാസങ്ങൾ നിലനിൽക്കുന്നു.

സാമ്പത്തികം, ഗോത്രമഹിമ, ഉന്നത ജോലി, തൊലിയുടെ നിറം തുടങ്ങിയ മാനദണ്ഡങ്ങളിൽ മനുഷ്യർ വിവിധ തട്ടുകളിലാണ്.

എന്നാൽ അറിവും, അത് ഉപയോഗിച്ച് ചെയ്യുന്ന നല്ല പ്രവൃത്തികളും, ഉയർന്ന സംസ്ക്കാരവുമാണ് മനുഷ്യർക്ക് മൂല്യം നൽകുന്നത് ബാക്കിയെല്ലാം ഭൗതികമായ കൂട്ടിയെഴുത്തുകൾ മാത്രമാണ്.

ഇന്നലെ രാത്രി എന്നെയും നിങ്ങളെയും പോലെ ഒരുപാടുപേർ കിടന്നുറങ്ങി. നമ്മളെപ്പോലെ ഒരുപാട് പേർ ഉറക്കം അവസാനിച്ചു എഴുന്നേറ്റു. പക്ഷേ കുറച്ച് പേരെങ്കിലും എന്നെന്നേക്കുമായുള്ള ഉറക്കത്തിലായിപ്പോയി.

ഇന്ന് മരണപ്പെട്ടവർ ഇന്നലെ ഓർത്തു കാണുമോ നാളെ കഴിഞ്ഞാൽ അവർ ഒരു ഓർമ്മയായി മാറും എന്ന്..

ഓർത്തുവെക്കാൻ നന്മകൾ ബാക്കിയാക്കുക, കറകളഞ്ഞ കർമ്മങ്ങളുമായി യാത്രയാവുക. അതിനായുള്ള പരിശ്രമവാട്ടെ നമ്മുടെ കൊച്ചു ജീവിതം.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി