🌹 ചിന്താ പ്രഭാതം 🌹 – 2024 | ഡിസംബർ 04 | ബുധൻ ✍ ബേബി മാത്യു അടിമാലി

ദു:ഖങ്ങളും പ്രതിസന്ധികളും നേരിടാത്ത ഒരു മനുഷ്യ ജന്മവും ഉണ്ടായില്ല. എന്നാൽ അത് പരിഹരിക്കാൻ എന്ത് മാർഗ്ഗമാണ് നാം സ്വീകരിക്കുന്നത് എന്നുള്ളത് പ്രധാനമാണ്.

എല്ലാവർക്കും തങ്ങളുടെ ദുഖങ്ങൾ പറയാൻ ആരെങ്കിലും ഒരാൾ ജീവിതത്തിൽ ഉണ്ടാവുക ഏന്നത്‌ വലിയൊരു ആശ്വാസമാണ്‌.

മറ്റൊരാളോട്‌ തങ്ങളുടെ വേദനകൾ പങ്കു വയ്ക്കുമ്പോൾ മനസ്സിന്റെ ഭാരം പകുതിയായി കുറയുന്നത്‌ കാണാം.

കേൾക്കുന്നവന്റെ സമയത്തേക്കാൾ പറയുന്നവന്റെ സാഹചര്യമാണ്‌ കേൾവിയിൽ പ്രധാനം.

കേൾക്കാൻ ഒരാൾ ഉണ്ടെന്നതും പറയാൻ ഒരിടം ഉണ്ടെന്നതും തരുന്ന ആത്മവിശ്വാസം ചെറുതല്ല.

അഹങ്കാരിയായ മനുഷ്യൻ മറ്റുള്ളവരുടെ തെറ്റുകൾ ജഡ്ജിയെ പോലെ വിധിക്കുകയും,  സ്വന്തം തെറ്റുകൾ വക്കീലിനെ പോലെ വാദിക്കുകയും ചെയ്യും.
യഥാർത്ഥ സുഹൃത്ത് നമ്മെ കൂടെ നിന്ന് ചേർത്തു പിടിക്കും