🌹 ചിന്താ പ്രഭാതം 🌹 – 2024 | സെപ്റ്റംബർ 15 | ഞായർ ✍ ബേബി മാത്യു അടിമാലി

🌹 ഓണ പ്രഭാതം 🌹

ഓണം മലയാളികളുടെ ദേശീയോത്സവം. സത്യവും നീതിയും മുൻനിർത്തി നാടുവാണിരുന്ന മഹാബലി ഏന്ന ചക്രവർത്തിയുടെ ഭരണകാലഘട്ടത്തെ അനുസ്മരിക്കുന്ന ആഘോഷ ദിനം.

വിഭവങ്ങളുടെ വിതരണത്തിൽ അസമത്വങ്ങളില്ലാത്ത എല്ലാവരേയും തുല്യരായികണ്ടൊരു സാമൂഹ്യ വ്യവസ്ഥിതി. കള്ളവും ചതിയുമില്ലാത്ത പൊള്ളയായ വാഗ്ദാനങ്ങളില്ലാത്ത എല്ലാവർക്കും ദർമ്മവും നീതിയും പ്രധാനം ചെയ്ത ഭരണം. അത്തരം ഒരു ഭരണം ഒരു മാവേലി തമ്പുരാൻ്റെ നേതൃത്വത്തിൽ ഈ നാട്ടിൽ നടന്നോ എന്ന് അറിയില്ല പക്ഷേ നടന്നിരുന്നു എന്ന് ബഹുഭൂരിപക്ഷം ജനങ്ങളും വിശ്വസിക്കുന്നു. എന്നാൽ ഇങ്ങനെ ഒരു ഭരണം ഈ നാട്ടിൽ ഇനിയും ഉണ്ടാവണമെന്ന് എല്ലാവരും ആഗ്രഹിക്കുന്നു.

ഇതു മാത്രല്ല ഏതു പാതാളത്തിലേക്ക് ചവുട്ടി താഴ്ത്തിയാലും സത്യവും നീതിയും ഒരു നാൾ തിരിച്ചു വരുമെന്ന് ഓരോ തിരുവോണ ദിനങ്ങളും നമ്മേ ഓർമ്മിപ്പിക്കുന്നു. കാരണം കള്ളത്തിനും ചതിക്കും തിന്മകൾക്കും ഒരിക്കലും ശാശ്വതമായി വിജയിക്കാൻ കഴിയില്ല എന്നും അന്തിമ വിജയം ശരിയുടെ പക്ഷത്തിന് തന്നെയായിരിക്കും അത് ചരിത്ര സത്യമാണ്.

എല്ലാ മനുഷ്യരും സന്തോഷത്തോടെ ജീവിക്കുന്ന , ഓണം മുന്നോട്ടു വെയ്ക്കുന്ന സമത്വമെന്ന ദർശനം യാഥാർത്യമാവുന്ന , ഒരു കാലത്തിലേക്കുള്ള യാത്രയാകട്ടെ ഓരോ തിരുവോണങ്ങളും. അത്തരം ഒരു ഭരണക്രമത്തിൽ ഒരു തരത്തിലുള്ള പക്ഷപാതങ്ങളും ഉണ്ടാകില്ല . എല്ലാവർക്കും അവസരങ്ങളിൽ തുല്യത ലഭ്യമാകും . ഭരണാധികാരികൾ ജനക്ഷേമ തൽപ്പരരായിരിക്കും. എല്ലാവരുടെയും ചുണ്ടുകളിൽ സന്തോഷത്തിൻ്റെയും സമധാനത്തിൻ്റെയും മന്ദഹാസങ്ങൾ വിരിയും. തീർച്ചയായും അത്തരം ഒരു കാലം തിരിച്ചു വരും എന്ന് പ്രതീക്ഷിച്ചുകൊണ്ട്…..🙏

എല്ലാ സൗഹൃദങ്ങൾക്കും ഒത്തിരി ഇഷ്ടത്തോടെ തിരുഓണാശംസകൾ നേർന്നുകൊണ്ട് .. നിങ്ങളു സ്വന്തം…….. 

ബേബി മാത്യു അടിമാലി