🌹 ചിന്താ പ്രഭാതം 🌹 – 2024 | ഓഗസ്റ്റ് 24 | ശനി ✍ ബേബി മാത്യു അടിമാലി

ജീവിതത്തിലെ ഓരോ പ്രശ്നങ്ങളേയും അതിജീവിക്കുമ്പോൾ നമ്മൾ വിചാരിക്കും ഇനി സുഖമായി ജീവിക്കാം എന്ന്, എന്നാൽ വീണ്ടും പ്രശ്നങ്ങൾ ഉണ്ടായിക്കൊണ്ടേ ഇരിക്കും. ശരിക്കും ഈ ലോകം അങ്ങിനെയാണന്നേ. പ്രശ്നങ്ങൾ തീർന്നിട്ട് സന്തോഷിക്കാം എന്നു വിചാരിച്ചാൽ സന്തോഷം നമുക്കെന്നും മരിചികയായി അകന്നകന്ന് പോയ്ക്കൊണ്ടേയിരിക്കും.

നമുക്ക് ഇല്ലാത്തതിനെ നമുക്ക് നേടിയെടുക്കാൻ കഴിയാത്തതിനെക്കുറിച്ചോർത്ത് പരിതപിച്ചിരിക്കാതെ നമുക്ക് ലഭിക്കുന്ന കൊച്ചു കൊച്ചു സന്തോഷങ്ങളിൽ , വിജയങ്ങളിൽ , നേട്ടങ്ങളിൽ, ആനന്ദംകണ്ടെത്താൻ ശ്രമിച്ചു നോക്കു . അപ്പോൾ ജീവിതം നമുക്കേറെ കൗതുകമുള്ളതായി മാറും.

വീഴ്ച്ചകളെയും താഴ്ച്ചകളെയും മറന്നുകളയുക . അവയിൽ നിന്നും പാഠങ്ങൾ ഉൾക്കൊണ്ട് തിരുത്തി മുന്നേറാൻ ശ്രമിക്കുക. പുതിയ അറിവുകളിലൂടെ, കാഴ്ച്ചപ്പാടുകളിലൂടെ നിരന്തരം നമുക്ക് നമ്മെ തന്നെ പുനർനിർമ്മിക്കാൻ കഴിയണം നവികരിക്കാൻ കഴിയണം. കാലത്തിൻ്റെ മാറ്റങ്ങൾക്കനുസരിച്ച് ജീവിക്കുവാൻ നമ്മെത്തന്നെ നമുക്ക് പ്രാപ്തരാക്കേണ്ടതുണ്ട്.

കപ്പൽ എപ്പോഴും തുറമുഖത്ത് സുരക്ഷിതമാണ് . പക്ഷേ അതിനല്ല അത് നിർമ്മിച്ചിരിക്കുന്നത് . താണ്ഡവമാടുന്ന തിരമാലകളിലൂടെ അതിന് സഞ്ചരിക്കേണ്ടതുണ്ട്. നമ്മുടെയൊക്കെ ജീവിതവും ഏതാണ്ടതുപോലെയാണ് . എതു കൊടുങ്കാറ്റിലും തിരമാലകളിലും പകച്ചു നിൽക്കാതെ നർഭയമായി സമരോത്സുകരായി ചെറു മന്ദഹാസത്തോടെ മുന്നോട്ടു പോവുക. അപ്പോൾ പ്രതിസന്ധികളും പൂമാലകളാകുന്നത് നമുക്ക് അനുഭവിക്കാനാകും.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി