രാജ്യത്ത് പാചകവാതക വില കുത്തനെ വർധിപ്പിച്ചു. വാണിജ്യ സിലിൻഡറുകൾക്ക് 60ലേറെ രൂപയാണ് വർധിപ്പിച്ചത്. 19 കിലോയുടെ സിലിൻഡറിന് 61.50 രൂപയാണ് വർധിപ്പിച്ചത്. അതേസമയം, ഗാർഹിക സിലിൻഡറുകളുടെ വിലയിൽ വർധനവില്ല.
ഇതോടെ നേരത്തെ കൊച്ചിയിൽ 1,749 രൂപയായിരുന്ന വാണിജ്യ സിലിൻഡറിൻ്റെ വില 1,810.50 രൂപയായി ഉയർന്നു. ഹോട്ടൽ ഭക്ഷണം അടക്കമുള്ളവയ്ക്ക് വില ഉയരാൻ ഇത് ഇടയാക്കും. ജോലിക്കാരെയും തൊഴിലാളികളെയും ഹോസ്റ്റലുകളിൽ താമസിക്കുന്ന വിദ്യാർഥികളെയും ബാധിക്കും.
