🌺 ശുഭദിനം 🌺 – 2024 | മെയ് 29 | ബുധൻ ✍ അർച്ചന കൃഷ്ണൻ

“പഴയവാക്കുകൾ നാവിൻമേൽ
മരിക്കുമ്പോൾ ഹൃദയത്തിൽനിന്ന്
പുതുരാഗങ്ങൾ ഉറവയെടുക്കും.
പഴയവഴികൾ നഷ്ടപ്പെടുമ്പോൾ
പുതിയനാടുകൾ പ്രത്യക്ഷപ്പെടും”

രവീന്ദ്രനാഥ ടാഗോർ

ഒരാൾ ജീവിതത്തിൽ നിരാശനായി ഒറ്റപ്പെട്ടു ജീവിക്കുമ്പോളാണ് ആശ്രയം തേടുന്നത്. ഒരാളെ ആപത്തിൽ സഹായിക്കുന്നവരാണ് യഥാർത്ഥത്തിൽ നന്മ ചെയ്യുന്നവർ. വലതു കൈ ചെയ്യുന്നത് ഇടതു കൈ അറിയാതെയുമിരിക്കണം.

വെയിലും മഴയും കാറ്റുമൊക്കെയെത്ര ഏറ്റാലും വീഴാതെ,വാടാതെ നിൽക്കുന്ന മരങ്ങളെ ശ്രദ്ധിച്ചിട്ടുണ്ടോ. ആ മരങ്ങളെ പോലെയാവണം ജീവിതം. തളർത്താനും തളരാനും ഒരുപാട് കാരണങ്ങളൊക്കെ കാണും. അതിലൊന്നും വീഴരുത്.
വീണാൽ പിന്നെ മുന്നോട്ടുള്ള പല വഴികളിലും, മുട്ടു കുത്തേണ്ടിവന്നേക്കും.

മറ്റുള്ളവരല്ല ഒരാളുടെ ജീവിതത്തെ നിയന്ത്രിക്കേണ്ടത്. സ്വയം നമ്മുടെ ചിന്താഗതികളെ ശരിയായ രീതിയിൽ മാറ്റങ്ങൾ കൊണ്ടുവന്നു ജീവിതത്തിൽ മുന്നേറണം.

ഏവർക്കും ഹൃദയം നിറഞ്ഞ ശുഭദിനാശംസകൾ

അർച്ചന കൃഷ്ണൻ