🌺 ശുഭദിനം 🌺 – 2024 | മെയ് 24 | വെള്ളി ✍ അർച്ചന കൃഷ്ണൻ

“നിങ്ങൾ ഇല്ലാതാക്കുന്നത് ഒരു മനുഷ്യനെ മാത്രമാണ്”.

ചെഗുവേര

ഓരോ മനുഷ്യന്റെയും ആഗ്രഹം ആയുസ്സും ആഘോഷവും ഒരിക്കലും അവസാനിക്കരുതെന്നാണ്. ജീവിതത്തിൽ ലഭിക്കുന്ന അവസരങ്ങൾ നല്ല രീതിയിൽ വിനിയോഗിക്കുകയാണ് പ്രധാനം.

ആയുർദൈർഘ്യം കൂടുന്നതിനനുസരിച്ച് ആനന്ദാനുഭൂതിയും അനുഗ്രഹവർഷവും കൂടും എന്ന ധാരണയിൽനിന്നാണ് ആളുകൾ ദീർഘായുസ്സ് ആശംസിക്കുന്നത്. എക്കാലവും ശൈശവത്തിലോ കൗമാരത്തിലോ യൗവനത്തിലോ തുടരാൻ ആർക്കും കഴിയില്ല.

വാർധക്യം നീണ്ടാലും അതിന് പൂർവ അവസ്ഥകളുടെ സവിശേഷ ഊർജമോ ഉണർവോ ഉണ്ടാകില്ല. ഏതെങ്കിലും പ്രത്യേക അവസ്ഥയോടുള്ള അഭിനിവേശം മൂലം അത് ആയുസ്സ് മുഴുവൻ നീണ്ടുനിൽക്കുമെന്ന് മോഹിക്കുന്നത് ദുരാഗ്രഹമാണ്.

ഓരോ കാലവും നിശ്ചിത സമയത്തിനുള്ളിൽ മറയുന്നു എന്നതിലാണ് ആ കാലത്തിന്റെ ഭംഗിപോലും പ്രതിഫലിക്കുന്നത്.

എന്തിനും ഒരു സമയപരിധി ഉണ്ടാകണം, കേൾക്കുന്ന പാട്ടിനും കാണുന്ന കാഴ്ചകൾക്കും ആഘോഷിക്കുന്ന ഉത്സവങ്ങൾക്കും കടന്നുപോകുന്ന സുഖാനുഭവങ്ങൾക്കുമെല്ലാം പരിധി നിച്ഛയിക്കണം. അധികനേര വിരസത ആവർത്തന വിരസതയെക്കാൾ മടുപ്പുളവാക്കും.

എത്ര മനോഹരമായ പാട്ടും എത്ര തവണ തുടർച്ചയായി കേൾക്കാനാകും.
പരിധിയിലാണ് പരമാനന്ദം. എല്ലാം അതർഹിക്കുന്ന സമയത്തിനുള്ളിൽ അവസാനിക്കണം. ഒരിക്കൽ ഒരിടത്ത് അവസാനിക്കുമെന്നതാണ് എല്ലാ തുടക്കങ്ങളുടെയും ഭംഗിയുണ്ടാകുക

ഏവർക്കും ഹൃദയം നിറഞ്ഞ ശുഭദിനാശംസകൾ

അർച്ചന കൃഷ്ണൻ