ഫിലഡൽഫിയ: ചിക്കാഗൊ സീറോമലബാർ കത്തോലിക്കാ രൂപതയുടെ അത്മായ സംഘടനയായ സീറോമലബാർ കത്തോലിക്കാ കോൺഗ്രസിൻ്റെ (എസ് എം സി സി) ഫിലാഡൽഫിയാ ചാപ്റ്റർ ദേശീയതലത്തിൽ എല്ലാവർഷവും നടത്തിവരുന്ന കർദ്ദിനാൾ മാർ വർക്കി വിതയത്തിൽ മെമ്മോറിയൽ ബാസ്കറ്റ്ബോൾ ടൂർണമെന്റ് നവംബർ 2 ശനിയാഴ്ച്ച രാവിലെ എട്ട് മണിമുതൽ (NERC, 9379 Krewstown Road, Philadelphia PA 19115) ഇൻഡോർ ബാസ്‌റ്റ്ബോൾ കോർട്ടിൽ നടക്കും.
അമേരിക്കയിൽ സീറോമലബാർ കത്തോലിക്കാ കോഗ്രൺസിൻ്റെ വളർച്ചക്ക് ദേശീയതലത്തിലും, രൂപതാതലത്തിലും വളരെയധികം സംഭാവനകൾ നൽകുകയും, അതിന്റെ പ്രഥമ ഗ്രാന്റ്പ്രേട്രൻ സ്ഥാനം ഏറെക്കാലം വഹിക്കുകയും, 1999 മുതൽ 2011 വരെ സീറോമലബാർസഭാ മേജർ ആർച്ചുബിഷപ്പും, അത്യുന്നതകർദ്ദിനാളുമായിരുന്ന ദിവംഗതനായ മാർ വർക്കി വിതയത്തിലിന്റെ സ്മരണാർത്ഥം നടത്തുന്ന പത്താമത് ദേശീയ ബാസ്കറ്റ്ബോൾ ടൂർണമെന്റ്റാണിത്. മൽസരത്തിന് വിവിധ ടീമുകൾ ഇതിനോടകം രജിസ്റ്റർ ചെയ്‌തു കഴിഞ്ഞു.
ശനിയാഴ്ച്ച രാവിലെ എട്ടു മണിക്ക് ഉൽഘാടനം ചെയ്യപ്പെടുന്ന ഏകദിന ടൂർണമെൻ്റിൽ പ്ലേ ഓഫ് മൽസരങ്ങൾക്ക്‌ ശേഷം വൈകുന്നേരേം നടക്കുന്ന ഫൈനലിൽ വിജയിക്കുന്ന ടീമിന് ജോസഫ് കൊട്ടുകാപ്പള്ളി (മേവട) സ്പോൺസർ ചെയ്യുന്ന കർദ്ദിനാൾ വിതയത്തിൽ മെമ്മോറിയൽ എവർ റോളിംഗ് ട്രോഫിയും, റണ്ണർ അപ് ടീമിന് മുൻ ചാപ്റ്റർ പ്രസിഡൻ്റ് റോഷിൻ പ്ലാമൂട്ടിൽ സ്പോൺസർ ചെയ്യുന്ന എസ് എം സി സി എവർ റോളിംഗ് ട്രോഫിയും ലഭിക്കും. കളിയിൽ വ്യക്തിഗത മികവു പുലർത്തുന്നവർക്ക് പ്രത്യേക ട്രോഫികളും ലഭിക്കും. ദിവംഗതനായ ടോമി അഗസ്റ്റിന്റെ സ്മരണാർത്ഥം നല്കപ്പെടുന്ന എം. വി. പി കപ്പ്, കളിയിൽ മികച്ച പ്രകടനം കാഴ്ച്ചവയ്ക്കുന്ന വ്യക്തിക്ക് ലഭിക്കും.
