🌹 ചിന്താ പ്രഭാതം 🌹 – 2024 | ഡിസംബർ 25 | ബുധൻ ✍ ബേബി മാത്യു അടിമാലി

ഇന്ന് ക്രിസ്മസ്. ലോകമെമ്പാടുമുള്ള മാനവർ ഇന്ന് ക്രിസ്മസ് ആഘോഷിക്കുന്നു. എല്ലാ വായനാ സൗഹൃദങ്ങൾക്കും എൻ്റെ ക്രിസ്മസ് ദിന ആശംസകൾ. ഭൂമിയിൽ എല്ലാ മനുഷ്യർക്കും ശാന്തിയും സമാധാനവും നൽകാൻ വിണ്ണിൽ നിന്നും മണ്ണിൽ പിറന്ന ലോക രക്ഷകൻ യേശുനാഥൻ

എല്ലാ മനുഷ്യരും ആത്യന്തികമായി ആഗ്രഹിക്കുന്നത് ഈ ഭൂമിയിൽ സമാധാനപൂർണ്ണമായി ജീവിക്കുക എന്നുള്ളതാണ്. എന്നാൽ ബഹുഭുരിപക്ഷത്തിനും അതിനു കഴിയുന്നില്ല. അവർക്ക് സമാധാനം എന്നും ഒരു മരീചിക മാത്രം. എങ്ങിനെ സമാധാനം കൈവരിക്കാം ?

എല്ലാവരും എല്ലാം ശെരിയായി ജീവിക്കുന്നവരല്ല. എന്നെങ്കിലും എല്ലാം ശെരിയാകും എന്ന ഒറ്റ വിചാരത്തിൽ ജീവിക്കുന്നവരാണ്. എത്ര വലിയ ബുദ്ധിമുട്ടിലായാലും ജീവിതത്തിലേ ഏറ്റവും വലിയ പരീക്ഷണം. ക്ഷമയോടെ നല്ല സമയത്തിനായുള്ള കാത്തിരിപ്പാണ്.

സ്വയം വേദനിച്ചാലും ആരേയും വേദനിപ്പിക്കാതിരിക്കാൻ ചില മൗനങ്ങൾ നല്ലതാണ്. ഏന്നാൽ നമ്മെ അറിയുന്ന നമ്മ മനസ്സിലാക്കുന്ന ചിലരോടെയെങ്കിലും മുന്നിൽ നമ്മൾ മൗനം വെടിയേണ്ടതുണ്ട്. ഉള്ളിലുള്ള സങ്കടങ്ങൾ തുറന്നു പറയേണ്ടതുണ്ട്. തുറന്നു പറയുന്ന ചില കാര്യങ്ങൾ മനസിന്റെ ഭാരം കുറക്കും . അപ്പോൾ ഹൃദയത്തിൽ സമാധാനവും ശാന്തിയും അനുഭവിക്കാൻ സാധിക്കും.

തുറന്നു സംസാരിക്കാൻ നമുക്ക് കഴിയട്ടെ ബന്ധങ്ങളുടെ ആഴം വർദ്ധിക്കട്ടെ . അങ്ങിനെ സമാധാനം എല്ലാവർക്കും പ്രാപ്തമാകട്ടെ . യേശു പറഞ്ഞതുപോലെ “നിന്നെപോലെ നിൻ്റെ അയൽക്കാരനെയും സ്നേഹിക്കുക . അപ്പോൾ ജീവിതം ശാന്തവും പ്രതീക്ഷയുള്ളതുമായി തീരും.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി