വാഷിങ്ടൺ: യുഎസ് പ്രസിഡൻ്റ് തെരഞ്ഞെടുപ്പിൽ റിപ്പബ്ലിക്കൻ പാർട്ടി സ്ഥാനാർഥിയായ ട്രംപ് 210ലധികം ഇലക്ട്രൽ വോട്ടുകൾ നേടി മുന്നേറ്റം നടത്തുകയാണ്. ഡെമോക്രാറ്റിക് പാർട്ടി സ്ഥാനാർഥി കമല ഹാരിസിന് 170ലധികം ഇലക്ട്രൽ വോട്ടുകളാണ് ലഭിച്ചത്.
ഇഞ്ചോടിഞ്ച് മത്സരം നടക്കുന്ന അരിസോണ, ജോർജിയ, മിഷിഗൺ, നെവാഡ, നോർത്ത് കരോളിന, പെൻസിൽവാനിയ, വിസ്കോൻസിൻ എന്നീ ഏഴ് സ്റ്റേറ്റുകളിൽ നോർത്ത് കരോളിനയിൽ ട്രംപ് വിജയിച്ചു. അഞ്ചിടത്ത് ലീഡ് ചെയ്യുകയാണ്. ബ്ലൂ വാൾ സ്റ്റേറ്റ്സ് എന്നറിയപ്പെടുന്ന പെൻസിൽവാനിയ, മിഷിഗൺ, വിസ്കോൻസിൻ എന്നിവിടങ്ങളിൽ ട്രംപിന് മികച്ച ലീഡാണ് ഉള്ളത്.
യുഎസിൻ്റെ 47-ാമത്തെ പ്രസിഡൻ്റിനെ തെരഞ്ഞെടുക്കാനുള്ള വോട്ടെടുപ്പ് ചൊവ്വാഴ്ച ഇന്ത്യൻ സമയം വൈകിട്ട് നാലരയ്ക്കാണ് ആരംഭിച്ചത്. ബുധനാഴ്ച രാവിലെ ആറര വരെ വോട്ടെടുപ്പ് നീണ്ടു. ഏർലി വോട്ടിങ് സംവിധാനം വഴി 8.2 കോടിയിലധികം അമേരിക്കക്കാർ നേരത്തെ തന്നെ സമ്മതിദാനം വിനിയോഗിച്ചിരുന്നു. വോട്ടെടുപ്പ് പൂർത്തിയായതിന് പിന്നാലെ ഫലസൂചനകൾ വന്നുതുടങ്ങി. 538 ഇലക്ട്രൽ കോളേജ് വോട്ടുകളിൽ ഇതുവരെ 400ലധികം വോട്ടുകൾ എണ്ണിക്കഴിഞ്ഞു. കേവലഭൂരിപക്ഷമായ 270, അല്ലെങ്കിൽ അതിൽ കൂടുതലോ നേടുന്ന സ്ഥാനാർഥി അമേരിക്കയുടെ പുതിയ പ്രസിഡന്റാകും.
ഡോണൾഡ് ട്രംപ് വിജയിച്ച സ്റ്റേറ്റുകൾ
ടെക്സാസ്
ഒക്ലഹോമ
അർക്കൻസാസ്
ലൂസിയാന
മിസിസിപ്പി
അലബാമ
ടെന്നസി
കെൻ്റക്കി
ഇന്ത്യാന
വെസ്റ്റ് വെർജീനിയ
സൗത്ത് കരോലിന
നോർത്ത് ഡക്കോട്ട
സൗത്ത് ഡക്കോട്ട
നെബ്രാസ്ക
വ്യോമിംഗ്
കൻസാസ്
മിസോറി
കമല ഹാരിസ് വിജയിച്ച സ്റ്റേറ്റുകൾ
മെയിൻ
വെർമോണ്ട്
മസാച്യുസെറ്റ്സ്
റോഡ് ഐലൻഡ്
കണക്റ്റിക്കട്ട്
ന്യൂജേഴ്‌സി
ഡെലവെയർ
മേരിലാൻഡ്
ഇല്ലിനോയിസ്
ന്യൂയോർക്ക്
