തൊടുപുഴ: ഓൺലൈനായി കോടതി നടപടികൾ നടക്കുമ്പോൾ നഗ്നതാ പ്രദർശനം നടത്തിയെന്ന പരാതിയിൽ അഭിഭാഷകനെതിരെ കേസ് രജിസ്റ്റർ ചെയ്ത് മുട്ടം പൊലീസ്. സെപ്റ്റംബർ 2-ന് രാവിലെയായിരുന്നു സംഭവം.
കൊല്ലം ബാറിലെ അഭിഭാഷകൻ ടി കെ അജനെതിരെയാണ് കേസ് രജിസ്റ്റർ ചെയ്തിരിക്കുന്നതെന്ന് റിപ്പോർട്ട് ചെയ്യുന്നു.രാവിലെ 11.45-ന് ഡീഷനൽ ഡിസ്ട്രിക്ട് ആൻഡ് സെക്ഷൻസ് കോടതിയിലെ വീഡിയോ കോൺഫറൻസിൽ പങ്കെടുക്കവെയാണ് സംഭവം.
കേസ് വാദിക്കുന്നതിനിടയിൽ അജയന്റെ ഭാഗത്ത് നിന്നും ശബ്ദം ഉയർന്നത് കോടതി നടപടികളിൽ തടസം സൃഷ്ടിച്ചു. ഇതോടെ അജയന്റെ മൈക്ക് ഓഫാക്കാൻ കോടതി ആവശ്യപ്പെട്ടു.ഇതിനിടയിൽ സീറ്റിൽ നിന്നും എഴുന്നേറ്റ അജയൻ നഗ്നതാ പ്രദർശനം നടത്തിയെന്നാണ് പരാതിയിൽ പറയുന്നത്. കോടതി ഉദ്യോഗസ്ഥയുടെ പരാതിയിലാണ് മുട്ടം പൊലീസ് കേസ് രജിസ്റ്റർ ചെയ്തത്.
