🌺 ശുഭദിനം 🌺 – 2024 | ജൂലൈ 01 | തിങ്കൾ ✍ അർച്ചന കൃഷ്ണൻ

“കെടാതെ കത്തുന്ന വിളക്കിനു മാത്രമേ മറ്റൊന്നു കത്തിക്കുവാൻ കഴിയൂ”

മദർ തെരേസ

ഈ ലോകത്തിൽ എല്ലാവരും എന്തിനെങ്കിലും അനുയോജ്യരാണ്. ഉപേക്ഷിച്ചതെല്ലാം ഉത്കൃഷ്ടമായിരുന്നു എന്ന തിരിച്ചറിവുണ്ടായാൽ സമീപത്തുള്ളവരുടെ മഹിമ കണ്ടെത്താൻ കഴിയും.അനുയോജ്യമായവയൊന്നും അലംകൃതമാകണമെന്നില്ല. ജന്മം കൊണ്ടും സാഹചര്യംകൊണ്ടും പലവിധത്തിലാകാം ഓരോരുത്തരുടെയും രൂപപ്പെടൽ. അത്തരം അനന്യതയെ ആദരിക്കാൻ ശീലിച്ചാൽ ആരും അവഹേളിതരാകില്ല.

ചിലപ്പോൾ ശത്രുക്കളെന്നു കരുതുന്നവരാകും ഉപകാരികളായി മാറുന്നത്. എപ്പോഴാണ്,ആരെയാണ് ഉപകാരപ്പെടുകയെന്നത് കാലത്തിനു മാത്രം തെളിയിക്കാനാകുന്നതാണ്. പണമാണ് ദൈവമെന്ന് കരുതുന്ന ചിലരെ കാലം പലതും തെളിയിച്ചു കൊടുക്കും, പണത്തിനു ചിലപ്പോൾ കടലാസു കഷ്ണത്തിന്റെ വിലയെ കാണുകയുള്ളു നിലവിലെ അവസ്ഥയിൽ അപ്രസക്തമെന്ന് തോന്നി എല്ലാവരേയും ഒഴിവാക്കിയാൽ ആവശ്യഘട്ടത്തിൽ ആരുമുണ്ടായെന്നുവരില്ല. സമാന ചിന്തകളും പ്രവർത്തികളും മാത്രമുള്ളവരെ സ്വന്തം വലയത്തിനുള്ളിൽ സൂക്ഷിച്ചാൽ ജീവിതത്തിനെന്തു വൈവിധ്യമാണ് ഉണ്ടാകുക. പ്രായവും, കാലവും എല്ലാവരെയും പലതും പുറം തോട് നീക്കി പുറത്തു വരും.

ഏവർക്കും ഹൃദയം നിറഞ്ഞ ശുഭദിനാശംസകൾ

അർച്ചന കൃഷ്ണൻ