കാബൂള്‍: അഫ്ഗാനിസ്ഥാനിലെ നാന്‍ഗര്‍ഹാര്‍ പ്രവിശ്യയില്‍ ശനിയാഴ്ചയുണ്ടായ കാര്‍ബോംബ് സ്ഫോടനത്തില്‍ എട്ട് സൈനികര്‍ കൊല്ലപ്പെട്ടു.
ഷിര്‍സാദ് ജില്ലയിലെ സൈനിക താവളത്തിന് സമീപത്താണ് സ്ഫോടക വസ്തുക്കള്‍ നിറച്ച വാഹനം പൊട്ടിത്തെറിച്ചത്. പാകിസ്ഥാന്‍ അതിര്‍ത്തിയോട് ചേര്‍ന്ന് നില്‍ക്കുന്ന ജില്ലയാണ് ഷിര്‍സാദ്.പ്രവിശ്യ തലസ്ഥാനമായ ജലാലാബാദില്‍ സ്ഫോടനം നടത്താന്‍ നിശ്ചയിച്ച്‌ ഭീകരര്‍ തയാറാക്കി വച്ച മറ്റൊരു വാഹനം സുരക്ഷാ സേന ജില്ലയില്‍ നിന്നും കണ്ടെത്തിയിട്ടുണ്ട്.പിടിച്ചെടുത്തിട്ടുണ്ട്. അതേസമയം, ആക്രമണത്തിന്റെ ഉത്തരവാദിത്വം താലിബാന്‍ ഏറ്റെടുത്തു.
