🌞ശുഭദിനം🌞 | 2023 | മെയ് 27 | ശനി ✍അർച്ചന കൃഷ്ണൻ

“നിർമ്മലമായ സ്നേഹത്താൽ
നേടാനാവാത്തതായി ഒന്നുമില്ല “

മഹാത്മാഗാന്ധി

എത്ര വേഗത്തിലാണ് കാലം കടന്നു പോകുന്നത്. ഇലകൾ പൊഴിയുമ്പോലെ ഒരാളുടെ ജീവിതത്തിലെ ദിവസങ്ങളും മാസങ്ങളും, വർഷങ്ങളുമൊന്നായി കൊഴിഞ്ഞു വീഴുമ്പോൾ അതിനു നടുവിൽ മുൻകൂട്ടി നിച്ഛയിക്കാനാവാതെ ചില വിധികളും വന്നു ചേരുന്നു. സ്വപ്‌നങ്ങളെല്ലാം നശിച്ചിട്ടും പ്രതീക്ഷയോടെ ജീവിതം മുന്നോട്ട് കൊണ്ടുപോകുന്ന ചിലരെ നമ്മൾക്ക് കാണാം.

ഒരാളുടെ ഹൃദയ വേദനയുടെ ആഴം ആർക്കുമളക്കാൻ പറ്റുകേല. ഏത് തീച്ചൂളയിൽ നിന്നാലും നിർമ്മലമായ സ്നേഹത്തിൽ ചിരിച്ചു കൊണ്ട്, കാണുന്നവർക്ക് പ്രചോദനമാകുന്നതായിരിക്കണം ജീവിതം.
കർമ്മബന്ധം കൊണ്ട് രക്തബന്ധമാകുന്ന ചില സ്നേഹബന്ധളുണ്ട്, അതു കൊടുക്കൽ വാങ്ങലിന്റെ അളവുകോൽ നോക്കിയല്ല ബന്ധങ്ങളുടെ നിലനിൽപ്പ്. ചുറ്റുപാടും നിരീക്ഷിച്ചാൽ മനസ്സിലാകും കൊടുക്കലിന്റെ കുറയലിൽ ബന്ധങ്ങൾ നിച്ഛലമാകുന്നത്. ഇവിടെയൊക്കെ കാണുവാൻ സാധിക്കുന്നത് ആവശ്യങ്ങളുടെ സ്നേഹമാണ്. ആരെയും വഞ്ചിക്കാതെ സ്നേഹത്തിൽ ആശ്രയിച്ചു മുന്നോട്ട് ജീവിക്കാം.

ഏവർക്കും ശുഭദിനാശംസകൾ

അർച്ചന കൃഷ്ണൻ✍