🌞ശുഭദിനം🌞 | 2023 | മെയ് 26 | വെള്ളി ✍അർച്ചന കൃഷ്ണൻ

“ആഴത്തിൽ ചെല്ലുന്തോറും നീരുറവയുടെ വ്യാപ്തിയേറുന്നു, പഠനമേറുന്തോറും ജ്ഞാനമേറുന്നു.”

തിരുവള്ളുവർ

തമിഴ് സാഹിത്യത്തിലെ ഇതിഹാസമെന്നു വിളിക്കുന്ന തിരുക്കുറൾ രചിച്ച തമിഴ് കവിയാണ്‌ തിരുവള്ളുവർ.

രാജ്യത്തെ സാമൂഹ്യ രാഷ്ട്രീയ സാഹചര്യത്തിൽ ഈ വാക്കുകൾക്ക് ഏറെ പ്രസക്തിയുണ്ട്. നൂറ്റി നാല്പത് കോടിയോളം വരുന്ന ജനതയിൽ പകുതിയോളം ജനത അടിസ്ഥാനാവശ്യങ്ങൾ പോലും പരിഹരിക്കപ്പെടാതെ കഷ്ടപ്പാടിലാണ്. ഇന്ത്യയിൽ വിദ്യാഭ്യാസമെന്നത് കേട്ടുകേൾവി പോലുമില്ലാതെ അരക്ഷിതാവസ്ഥയിൽ ജീവിക്കുന്ന അനേകംപേരുള്ള രാജ്യമാണ്.

രാജ്യം വികസനത്തിന്റെ രംഗത്ത് പുറകോട്ട് വീഴുമ്പോൾ ഭരണകൂടം ലോകശക്തിയാവാൻ നാം കുതിക്കുകയാണെന്ന് വീമ്പിളക്കുകയാണ്. ഭരണകൂടത്തോട് ഒന്നേ പറയാനുളളൂ, പുറംലോകം കാണാതെ അന്ധകാരത്തിൽ ജീവിക്കുന്ന ജനതയെ കണ്ടെത്തി വിദ്യാഭ്യാസവും, അടിസ്ഥാന ആവശ്യങ്ങളും നിറവേറ്റുക. നമ്മുടെ രാജ്യത്തിന്റെ ജനതയുടെ പ്രശ്നപരിഹാരത്തിനായി ശ്രമിച്ച് വിജയിച്ച് അവരോടൊപ്പം സന്തോഷത്തോടെ ജീവിക്കാം.

നല്ല നാളേക്കായി ഒന്നായി കൈകോർത്തു മുന്നേറാം. എല്ലാവർക്കും ശുഭദിനാശംസകൾ

അർച്ചന കൃഷ്ണൻ✍