🌞ശുഭദിനം🌞 | 2023 | മെയ് 20 | ശനി ✍അർച്ചന കൃഷ്ണൻ

“ബലം ഒരെണ്ണമേ വേണ്ടൂ മനോബലം. സമസ്തരോഗത്തിനുമുളള ഔഷധമാണിത്.”

സ്വാമി വിവേകാനന്ദൻ

ഇന്ത്യയിലെമ്പാടും സ്വാധീനം അറിയിച്ച വേദാന്ത തത്വശാസ്ത്രത്തിന്റെ ആധുനിക കാലത്തെ ഏറ്റവും ശക്തനായ വക്താവും ആത്മീയ ഗുരുവുമായിരുന്ന സ്വാമി വിവേകാനന്ദന്റെ വളരെ ശക്തമായ വാക്കുകളാണിത്. വിദ്യാഭ്യാസ പരമായും, സാമൂഹ്യ പരമായും ജീവിത സാഹചര്യം മെച്ചപ്പെട്ടാൽ മാത്രമേ മനോബലത്തിനും പ്രസക്തിയുണ്ടാവുകയുള്ളു. ആരും മെച്ചപ്പെടുത്തി തരാൻ വരുന്നില്ല അതു സ്വയം ആർജ്ജിച്ചെടുക്കേണ്ടതുമാണ്. യുവതലമുറ തന്നെ അതിനായി ഒരുങ്ങിയിറങ്ങണം.

സ്വതന്ത്രഇന്ത്യയിൽ ഇനിയും സ്വാതന്ത്ര്യം ലഭിച്ചതുപോലുമറിയാതെ അടിസ്ഥാനാവശ്യങ്ങൾക്ക്‌ പോലും വഴിയില്ലാതെ പട്ടിണിയിൽ കോടിക്കണക്കിന് ജനങ്ങളുളളയിടത്തു സ്വാമി വിവേകാനന്ദൻ പറഞ്ഞ മനോബലം നേടിയെടുക്കാൻ നാം അശ്രാന്തപരിശ്രമം നടത്തേണ്ടതായുണ്ട്. ജീവിത നിലവാരവും, ആശയ പരമായ കാര്യങ്ങളും മെച്ചപ്പെടുന്നതോടെ മനോബലമുണ്ടാകും. മനോബലത്തിന്റെ ശക്തിയിൽ നമ്മുടെ രാജ്യത്തിനായി പ്രവർത്തിക്കാം മുന്നേറാം.

ഏവർക്കും ഹൃദയം നിറഞ്ഞ ശുഭദിനാശംസകൾ

അർച്ചന കൃഷ്ണൻ✍