17.1 C
New York
Wednesday, August 17, 2022
Home Special നമ്മൾ കുരങ്ങനെക്കാൾ മണ്ടന്മാർ (ശുഭചിന്ത-22)

നമ്മൾ കുരങ്ങനെക്കാൾ മണ്ടന്മാർ (ശുഭചിന്ത-22)

✍ പി . എം . എൻ . നമ്പൂതിരി .

ബ്രസീലിലെ ആദിവാസികള്‍ കുരങ്ങനെ പിടിക്കാൻ ഉപയോഗിക്കുന്ന ഒരു പ്രത്യേകതരം കെണിയുണ്ട്.

തേങ്ങയേക്കാൾ കുറച്ചുകൂടി വലിപ്പമുള്ള ഒരുതരം കായയിൽ ഒരു ചെറിയ ദ്വാരം ഇട്ട് ഉളളിലുള്ളതെല്ലാം തുരന്ന് പൊളളയാക്കി, അതില്‍ കുറെ അണ്ടിപരിപ്പ്പോലുളള രുചിയേറിയ ഭക്ഷണ സാധനങ്ങൾ നിറച്ചു വയ്ക്കും. നല്ല വാസന ഉണ്ടാകാൻ വേണ്ടി അവയെല്ലാം തീയിൽ ചുട്ടെടുത്താണ് അതിൽ നിറയ്ക്കുക. അതിനു ശേഷം അത് ഏതെങ്കിലും മരത്തിന്‍റെ കടഭാഗത്തായി കെട്ടിവയ്ക്കുകയോ, തടിയിൽ മരകുറ്റിവച്ച് ഉറപ്പിക്കുകയോ ചെയ്യും.

ആളനക്കം ഇല്ലാതാകുമ്പോൾ കുരങ്ങൻ മണംപിടിച്ചു വന്ന് തീറ്റക്ക് വേണ്ടി ആ ചെറിയ ദ്വാരത്തിലൂടെ കൈകൾ കടത്തും. ഉളളിൽ കിടക്കുന്ന തീറ്റയെല്ലാംകൂടി കയ്യിൽ വാരികഴിഞ്ഞാൽ കൈകൾ തിരിച്ചെഎടുക്കാൻ പറ്റാത്ത അവസ്ഥയാകും .കയ്യിൽ ഇരിക്കുന്ന തീറ്റകൾ വിട്ടാൽ എളുപ്പത്തിൽ കൈകൾ പുറത്തെടുക്കാം, പക്ഷെ അത്രയും പ്രിയപ്പെട്ട തീറ്റ നഷ്ടപ്പെടുത്താൻ കുരങ്ങൻ തയ്യാറാവില്ല. കൈകൾ ചുരുട്ടി പിടിച്ചു കൊണ്ട്തന്നെ പുറത്തേക്ക് കൈകൾ വലിച്ചു കൊണ്ടിരിക്കും. പക്ഷെ കയ്യിലുളള സാധനങ്ങൾ കളയാതെ കുരങ്ങന് കൈകൾ വലിച്ചെടുക്കാൻ കഴിയുന്നില്ല.

കുരങ്ങൻ വന്ന് ദ്വാരത്തിൽ കൈ കടത്തിയാൽ കുരങ്ങൻ അകപ്പെട്ടു എന്ന് ആദിവാസികള്‍ക്ക് അറിയാം.അവര്‍ ഒരു വടിയുമായി വന്ന് അതിനെ തല്ലി കൊല്ലും. തലക്ക് അടികൊണ്ട് ചാവുന്നതിന്‍റെ തൊട്ടു മുന്‍പുളള ആ ഒരു നിമിഷമെങ്കിലും കയ്യിലുളള ആ പ്രിയപ്പെട്ട സാധനങ്ങൾ ഉപേക്ഷിക്കുവാൻ കുരങ്ങൻ തയ്യാറാ യിരുന്നുവെങ്കിൽ, അതു കൊല്ലപ്പെടുകയില്ലായിരുന്നു.!

പാവം.!മണ്ടൻ കുരങ്ങൻ അല്ലേ. ?

എന്നാൽ ആ കുരങ്ങനെക്കാൾ വലിയ മണ്ടന്മാരാണ് നമ്മൾ..!!

നമ്മൾ നശ്വരമായ ഈ ലോകത്തിന്‍റെ ദ്വാരത്തിൽ കയ്യിട്ട്, പലതും ചുരുട്ടി പിടിച്ചിരിക്കുകയാണ്. നമ്മുടെ സമ്പത്ത്, ദുരഭിമാനം, കുടുംബമഹിമ, വിദ്വേഷങ്ങൾ, ജാതിമത ചിന്തകള്‍ അങ്ങനെ ഒരുപാട് ഒരുപാട് കാര്യങ്ങൾ.!

തലയ്ക്കു അടി കൊളളുമ്പോള്‍ നമ്മളും ദൈവത്തെ വിളിക്കുന്നു ണ്ട്. പക്ഷെ നമ്മുടെ ചുരുട്ടിപിടിച്ച കൈ നിവർത്താൻ നമ്മള്‍ തയ്യാറാവാത്തിടത്തോളം കാലം, എത്ര ഉറക്കെ ദൈവത്തെ വിളിച്ചു കരഞ്ഞാലും കാര്യമില്ല. സ്വന്തം ജീവനെ പോലും ആവശ്യാനുസരണം പിടിച്ചുനിറുത്താനോ, ഒരു നിമിഷത്തെപോലും നിയന്ത്രിക്കാനോ കഴിയാത്ത നിസ്സാരൻമാരാ‍യ നമ്മള്‍, നമ്മുടെ കയ്യിൽ ചുരുട്ടിപിടിച്ചിരിക്കുന്ന പലതും വിട്ടുകളയാൻ തയ്യാറാവുന്നില്ല.

ഒരു പ്രശ്നം ഉണ്ടാകുമ്പോൾ സ്വന്തം കൈ നിവർത്താതെ ദൈവത്തെ വിളിച്ചു കരഞ്ഞിട്ട് ഒരു കാര്യവുമില്ല. എത്ര അനുഭവിച്ചാലും നമ്മൾ മനസ്സിലാക്കുകയുമില്ല.

അപ്പോൾ നമ്മളല്ലേ കുരങ്ങനെക്കാൾ മണ്ടന്മാർ !

✍പി . എം . എൻ . നമ്പൂതിരി .

Facebook Comments

COMMENTS

- Advertisment -

Most Popular

ആറന്മുള അഷ്ടമിരോഹിണി വള്ളസദ്യ വ്യാഴാഴ്ച

ആറന്മുള പാർത്ഥസാരഥി ക്ഷേത്രത്തിലെ പ്രശസ്തമായ അഷ്ടമിരോഹിണി വള്ളസദ്യ വ്യാഴാഴ്ച നടക്കും. തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ. കെ അനന്തഗോപൻ ഉദ്ഘാടനം നിർവഹിക്കും. പാർത്ഥസാരഥിയുടെ പിറന്നാൾ സദ്യക്കായി ചേനപ്പാടി കരക്കാർ ഇന്ന് ക്ഷേത്രത്തിൽ...

പതിമൂന്നുകാരന് പ്രകൃതിവിരുദ്ധ പീഡനം : വയോധികന് 51 കൊല്ലം കഠിനതടവ്

പത്തനംതിട്ട : പതിമൂന്നുകാരനെ പ്രകൃതിവിരുദ്ധ പീഡനത്തിന് വിധേയനാക്കിയ 63 കാരന് 51 വർഷം കഠിനതടവും, ഒന്നര ലക്ഷം രൂപ പിഴയും. കുളക്കട തുരുത്തീലമ്പലം ദിവ്യ സദനം വീട്ടിൽ പത്രോസിന്റെ മകൻ രാജു (63)വിനെയാണ്...

നിരണം ചുണ്ടൻ നീരണിഞ്ഞു:നെഹ്​റു ട്രോഫി വള്ളംകളിയിലാണ് നിരണം ചുണ്ടൻ ആദ്യമായി പങ്കെടുക്കുക

തിരുവല്ല: പത്തനംതിട്ട ജില്ലയിൽ നിന്നുള്ള ആദ്യത്തെ ചുണ്ടൻ വള്ളമായ നിരണം ചുണ്ടൻ നീരണിഞ്ഞു. ജനകീയ കൂട്ടായ്മയിൽ നിർമ്മാണം പൂർത്തിയാക്കിയ വള്ളത്തിന്‍റെ നീരണിയൽ ചടങ്ങ് ശിൽപി കോയിയ്ക്കൽമുക്ക് ഉമാമഹേശ്വരൻ ആചാരിയുടെ മുഖ്യ കാർമ്മികത്വത്തിൽ പമ്പയാറ്റിലെ...

കരിപ്പൂരിൽ വീണ്ടും പൊലീസ് സ്വര്‍ണം പിടികൂടി; രണ്ടുപേർ പിടിയിൽ

കരിപ്പൂർ: കസ്റ്റംസിനെ വെട്ടിച്ച് അനധികൃതമായി കടത്താന്‍ ശ്രമിച്ച സ്വര്‍ണം കരിപ്പൂര്‍ വിമാനത്താവള പരിസരത്ത് പൊലീസ് പിടികൂടി. കാപ്‌സ്യൂള്‍ രൂപത്തിലാക്കി കൊണ്ടുവന്ന 53 ലക്ഷം രൂപയുടെ സ്വര്‍ണമിശ്രിതമാണ് പിടിച്ചെടുത്തത്. രണ്ടുപേരെ കസ്റ്റഡിയിലെടുത്തു. ഷാര്‍ജയില്‍നിന്നെത്തിയ കോഴിക്കോട് നാദാപുരം...
Facebook Comments
WP2Social Auto Publish Powered By : XYZScripts.com
error: