17.1 C
New York
Wednesday, August 17, 2022
Home Cinema ഉമ്പായിക്ക് സമർപ്പണമായി 'സിതയേ സുതനുവേ': (സതീഷ് കളത്തിൽ)

ഉമ്പായിക്ക് സമർപ്പണമായി ‘സിതയേ സുതനുവേ’: (സതീഷ് കളത്തിൽ)

സതീഷ് കളത്തിൽ

യശ്ശശരീരനായ മലയാള ഗസൽ ചക്രവർത്തി ഉമ്പായിക്ക് സമർപ്പണമായി, അദ്ദേഹത്തിൻറെ വേർപ്പാടിൻറെ നാലാം വാർഷികത്തിൽ(ആഗസ്റ്റ്-1) ഒരു പ്രണയ ഗാനം കമ്പോസ് ചെയ്തിരിക്കുന്നു. ‘സിതയേ സുതനുവേ’ എന്ന പേരിൽ ഇറങ്ങിയ ഇതിലെ വരികൾ എഴുതിയത്, ഡോക്യുമെൻററി സംവിധായകനും കവിയുമായ സതീഷ് കളത്തിൽ ആണ്.

2002ൽ യൂസഫലി കേച്ചേരി രചിച്ച്, ഉമ്പായി സംഗീതം നൽകി പാടിയ ജൂബിലി ഓഡിയോസിൻറെ ‘ഗസൽമാല’ ആൽബത്തിലെ ‘സുനയനേ സുമുഖീ’ എന്ന ഗസലിലെ വരികളെ അനുകരിച്ചാണ് ഈ സമർപ്പണ ഗസൽ എഴുതിയിട്ടുള്ളത്. സുനയനേയുടെ ഈണത്തിനനുസൃതമായി പുതിയ ഓർക്കസ്ട്ര ചെയ്തത് സതീഷിൻറെ സുഹൃത്തായ അഡ്വ. പി. കെ. സജീവാണ്. സംഗീത സംവിധായകനായിരുന്ന അന്തരിച്ച ഉണ്ണികുമാറിൻറെ മകൻ ശിവദേവ് ഉണ്ണികുമാറാണ് ഈ ഗസൽ ആലപിച്ചത്.

ഈ ഗസലിന് പുറമേ വേറെ പത്ത് ഗസലുകൾകൂടി സതീഷ് തയ്യാറാക്കിയിട്ടുണ്ട്. തികച്ചും സ്വതന്ത്രമായ വരികളാണ് ഇതിലുള്ളത്. ഈ ഗസലുകളിലൂടെ ഉമ്പായിയെകുറിച്ചുള്ള ഒരു മ്യൂസിക്കൽ ഡോക്യുമെൻററി തയ്യാറാക്കാനുള്ള ശ്രമത്തിലാണ് സതീഷ്. ‘സിതയേ സുതനുവേ’ എന്ന ഗാനം ഡോക്യുമെൻററിയുടെ ടൈറ്റിൽ സോങ്ങ് ആയിരിക്കും.

ഇന്ത്യയിലെ പ്രശസ്ത സിത്താർ വിദ്വാനും സംഗീതജ്ഞനുമായ ഉസ്താദ് റഫീഖ് ഖാൻ, ഈ പ്രൊജക്ടിനുവേണ്ടി സതീഷിൻറെ ‘കടത്തുതോണിയിലെ പ്രണയദ്വീപ്’ എന്ന ഗസൽ സംഗീതം ചെയ്യുന്നുണ്ട്. ആൾ ഇന്ത്യ റേഡിയോ മംഗലാപുരം നിലയം അസിസ്റ്റൻറ് ഡയറക്ടർ ബി. അശോക് കുമാറാണ് ഈ ഗസൽ ആലപിക്കുന്നത്.

‘അറബിക്കടലിന്റെ ഗസൽ നിലാവ്’ എന്ന് പേരിട്ടിരിക്കുന്ന ഈ ഡോക്യുമെൻററിയിൽ ദേവരാജൻ മാസ്റ്ററുടെ ശിഷ്യനും ഉമ്പായിയുടെ സഹോദരീപുത്രനുമായ പിന്നണി ഗായകൻ സി. കെ. സാദിഖാണ് ഗസൽ ഗായകനായി എത്തുന്നത്. ഉമ്പായിയുമായി അടുത്ത ബന്ധം പുലർത്തിയിരുന്ന വ്യക്തികളിലൂടെയും സന്ദർഭങ്ങളിലൂടെയും കേരളത്തിലെ പ്രധാനപ്പെട്ട സ്ഥലങ്ങളിലൂടെയും മറ്റും ചിത്രീകരിക്കുന്ന ഈ മ്യൂസിക്കൽ ഡോക്യുമെൻററിയുടെ ദൈർഘ്യം രണ്ടു മണിക്കൂറോളം വരും. സതീഷ് തന്നെ രചനയും സംവിധാനവും നിർവ്വഹിക്കുന്ന ചിത്രത്തിൻറെ തിരക്കഥയൊരുക്കുന്നത് മുതിർന്ന പത്രപ്രവർത്തകനും എഴുത്തുകാരനുമായ വി. ആർ. രാജമോഹനും ഛായാഗ്രഹണം ചെയ്യുന്നത് നവിൻ കൃഷ്ണയുമാണ്.

തൃശ്ശൂർ ആസ്ഥാനമായി, ചുരുങ്ങിയ ചെലവിൽ ചലച്ചിത്ര നിർമ്മാണ പ്രവർത്തനങ്ങൾ നടത്തി വരുന്ന ഡിജിറ്റൽ ഫിലിം മേക്കേഴ്സ് ഫോറം എന്ന സംഘടനയുടെ ചെയർമാൻ കൂടിയായ സതീഷ്, ഈ പ്രോജെക്ട് ചെയ്യാൻ ഉമ്പായിയേയും ഗസലുകളേയും സ്നേഹിക്കുന്നവരുടെ ഒരു കൂട്ടായ്മ കണ്ടെത്താനുള്ള ശ്രമത്തിലാണ്. മൊബൈൽ നമ്പർ.7012490551, 9446761243.

‘സിതയേ സുതനുവേ’ ഗസലിലെ വരികൾ:

സിതയേ സുതനുവേ മടുമൊഴിയേ മൃദുഗാമിനീ (2)
വിവിധ യാമങ്ങൾ കൊഴിഞ്ഞു
വ്യതീത മോഹങ്ങൾ തളിർത്തു (2)
സിതയേ സുതനുവേ മടുമൊഴിയേ മൃദുഗാമിനീ

ഒരു മദനസ്വപ്നം എൻറെ അങ്കണതേന്മാവിൽ
പൂവിട്ടു ഇന്നും നില്ക്കുന്നു (2)
ഇന്നും കൊഴിഞ്ഞിട്ടു താഴോട്ടു പോകാതെ (2)
ശരത്ക്കാലചന്ദ്രികയിൽ കുളിച്ചു നിന്നു
സിതയേ സുതനുവേ മടുമൊഴിയേ മൃദുഗാമിനീ
വിവിധ യാമങ്ങൾ കൊഴിഞ്ഞു
വ്യതീത മോഹങ്ങൾ തളിർത്തു (2)
സിതയേ സുതനുവേ മടുമൊഴിയേ മൃദുഗാമിനീ

മോഹനരൂപിണി നിൻ തളിർവെറ്റിലയിൽ
ചുണ്ടൊന്നു ഞാൻ മുറുക്കി ചോപ്പിച്ചു (2)
സുന്ദരാംഗി നീയെൻ നെഞ്ചിനുള്ളിൽ (2)
ഹേമന്തരാവൊളി വീശി നിന്നു
സിതയേ സുതനുവേ മടുമൊഴിയേ മൃദുഗാമിനീ (2)
വിവിധ യാമങ്ങൾ കൊഴിഞ്ഞു
വ്യതീത മോഹങ്ങൾ തളിർത്തു (2)
സിതയേ സുതനുവേ മടുമൊഴിയേ മൃദുഗാമിനീ
———————————————————————-
* സിത= സുന്ദരി, വള്ളിമുല്ല
* സുതനു= നല്ല ശരീരമുള്ളവൾ
* മടുമൊഴി= തേൻമൊഴി
* മൃദുഗാമിനീ= അരയന്ന നടത്തമുള്ളവൾ
* വ്യതീത= നഷ്ടമായ

സതീഷ് കളത്തിൽ

Facebook Comments

COMMENTS

- Advertisment -

Most Popular

ഫിലാഡൽഫിയായിലെ ആദ്യത്തെ ഓണം ബഡി ബോയ്സിന്റെ ഓണം. മജീഷ്യൻ ഗോപിനാഥ് മുതുകാട് ദീപം തെളിയിച്ചു.

ഫിലാഡൽഫിയാ: ബഡി ബോയ്സ് ഫിലാഡൽഫിയായുടെ ഓണാഘോഷം നൂറുകണക്കിന് കുടുംബ സദസ്സുകളെ സാക്ഷിനിർത്തി മജീഷ്യൻ ഗോപിനാഥ് മുതുകാട് ഉദ്ഘാടനം ചെയ്തു. അമേരിക്കയിലെയും കേരളത്തിലെയും ആദ്യത്തെ ഓണം എന്ന പ്രത്യേകതയും ഈ ഓണാഘോഷത്തിന് ഉണ്ട്. ഇതിൽ...

ആറന്മുള അഷ്ടമിരോഹിണി വള്ളസദ്യ വ്യാഴാഴ്ച

ആറന്മുള പാർത്ഥസാരഥി ക്ഷേത്രത്തിലെ പ്രശസ്തമായ അഷ്ടമിരോഹിണി വള്ളസദ്യ വ്യാഴാഴ്ച നടക്കും. തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ. കെ അനന്തഗോപൻ ഉദ്ഘാടനം നിർവഹിക്കും. പാർത്ഥസാരഥിയുടെ പിറന്നാൾ സദ്യക്കായി ചേനപ്പാടി കരക്കാർ ഇന്ന് ക്ഷേത്രത്തിൽ...

പതിമൂന്നുകാരന് പ്രകൃതിവിരുദ്ധ പീഡനം : വയോധികന് 51 കൊല്ലം കഠിനതടവ്

പത്തനംതിട്ട : പതിമൂന്നുകാരനെ പ്രകൃതിവിരുദ്ധ പീഡനത്തിന് വിധേയനാക്കിയ 63 കാരന് 51 വർഷം കഠിനതടവും, ഒന്നര ലക്ഷം രൂപ പിഴയും. കുളക്കട തുരുത്തീലമ്പലം ദിവ്യ സദനം വീട്ടിൽ പത്രോസിന്റെ മകൻ രാജു (63)വിനെയാണ്...

നിരണം ചുണ്ടൻ നീരണിഞ്ഞു:നെഹ്​റു ട്രോഫി വള്ളംകളിയിലാണ് നിരണം ചുണ്ടൻ ആദ്യമായി പങ്കെടുക്കുക

തിരുവല്ല: പത്തനംതിട്ട ജില്ലയിൽ നിന്നുള്ള ആദ്യത്തെ ചുണ്ടൻ വള്ളമായ നിരണം ചുണ്ടൻ നീരണിഞ്ഞു. ജനകീയ കൂട്ടായ്മയിൽ നിർമ്മാണം പൂർത്തിയാക്കിയ വള്ളത്തിന്‍റെ നീരണിയൽ ചടങ്ങ് ശിൽപി കോയിയ്ക്കൽമുക്ക് ഉമാമഹേശ്വരൻ ആചാരിയുടെ മുഖ്യ കാർമ്മികത്വത്തിൽ പമ്പയാറ്റിലെ...
Facebook Comments
WP2Social Auto Publish Powered By : XYZScripts.com
error: