പെർകിയോമെൻ, പെൻസിൽവാനിയ– പെൻസിൽവാനിയയിലെ മോണ്ട്ഗോമറി കൗണ്ടിയിൽ വാരാന്ത്യത്തിൽ അമ്മയെയും സഹോദരനെയും വെടിവെച്ചുകൊന്ന കേസിൽ ആരോൺ ദെഷോങ്ങ് (49)നെ അറസ്റ്റ് ചെയ്തു.
ആരോൺ ദെഷോങ്ങിനെതിരെ കൊലക്കുറ്റം ചുമത്തി ജാമ്യമില്ലാ വകുപ്പിൽ തടവിലാണ്.
പെർകിയോമെൻ ടൗൺഷിപ്പിലെ ഗ്രേവൽ പൈക്കിലെ 700 ബ്ലോക്കിൽ വെച്ചാണ് ദെഷോങ്ങിനെ ഞായറാഴ്ച അറസ്റ്റ് ചെയ്തത്. വൈകുന്നേരം അഞ്ചു മണിക്ക് ശേഷം പിതാവിനെ മർദ്ദിക്കുന്നതായി റിപ്പോർട്ട് ലഭിച്ച സ്റ്റേറ്റ് പോലീസ് സേനാംഗങ്ങൾ വീട്ടിലേക്ക് വന്നു ദേശോങ്ങിനെ കസ്റ്റഡിയിലെടുക്കുകയും ചെയ്തു. അപ്പോഴാണ് സേനാംഗങ്ങൾ ദെഷോങ്ങിന്റെ അമ്മ വാൻഡ ദേശോങ്ങ് (74)ന്റെയും,സഹോദരൻ ആദം ദെഷോങ്ങ് (53)ന്റെയും മൃതദേഹങ്ങൾ കണ്ടെത്തിയത്.
അമ്മയ്‌ക്കൊപ്പമാണ് ആരോൺ ദെഷോങ് വീട്ടിൽ താമസിച്ചിരുന്നത്. പെൻസിൽവാനിയയിലെ ഡെവോണിലെ താമസക്കാരനായിരുന്നു ആദം ദെഷോംഗ്. ആരോൺ ദെഷോങ്ങിന്റെ ബേസ്‌മെന്റിലെ കിടപ്പുമുറിയിലെ ക്ലോസറ്റിൽ നിന്ന് സ്മിത്തും വെസണും .38 കാലിബർ റിവോൾവർ പോലീസ് കണ്ടെത്തിയതായി ഡിഎയുടെ ഓഫീസ് അറിയിച്ചു.
തലയിലുണ്ടായ വെടിയേറ്റാണ് വാണ്ട ദെഷോംഗ് മരിച്ചതെന്നും ആദം ദെഷോംഗ് ഒന്നിലധികം വെടിയേറ്റ് മുറിവുകളാൽ മരണമടഞ്ഞതായുമാണ് പ്രാഥമിക സ്ഥിരീകരണം.
റിപ്പോർട്ട്: നിഷ എലിസബത്ത് ജോർജ്ജ്
