വൈവിദ്ധ്യങ്ങളാൽ സമ്പന്നമായ മലയാളിമനസ്സിന്റെ മുന്നോട്ടുള്ള യാത്രക്ക് മാറ്റുകൂട്ടാൻ എഞ്ചിനീയറിങ് മേഖലയിലും സാഹിത്യരംഗത്തും ഒരുപോലെ കഴിവ് തെളിയിച്ച ശ്രീ പി. എം. എൻ നമ്പൂതിരിയെ മലയാളി മനസ്സ് യു എസ് എ യുടെ അഡ്വൈസറി ബോർഡ് അംഗമായി നിയമിച്ചതായി മലയാള മനോരമ മുൻ സീനിയർ എഡിറ്ററും മലയാളിമനസ്സ് മാനേജിങ് എഡിറ്ററുമായ ശ്രീ മാത്യു ശങ്കരത്തിൽ അറിയിച്ചു.
തൃശ്ശൂർ ജില്ലയിൽ മണ്ണുത്തിക്ക് സമീപം ഒല്ലൂക്കര ദേശത്ത് പടിഞ്ഞാറെതടം മനയിൽ അന്തരിച്ച ശ്രീ മാധവൻ നമ്പൂതിരിയുടെ മകനായ പി.എം.എൻ നമ്പൂതിരി മെക്കാനിക്കൽ എജിനീയറായി ദീർഘകാലം സേവനമനുഷ്ഠിച്ച വ്യക്തിയാണ്.
പഠനശേഷം അദ്ദേഹം ജോലി തേടി ബോംബയിൽ പോകുകയും അവിടെ പല കമ്പനികളിലും എജിനീയറായും തുടർന്ന് ചീഫ് എജിനീയറായും പ്രവർത്തിക്കുകയും ചെയ്തു. മുംബൈയിലെ ബഹുരാഷ്ട്ര കമ്പനിയായ Asian Electronics Ltdൽ ചീഫ് എജിനിയറായി 2 വർഷം പ്രവർത്തിച്ച ശേഷം ഗുജറാത്തിലെ ബൾസാർ ഇലക്ട്രോണിക്സിൽ Technical ഡയറക്ടറായി പ്രവർത്തിച്ചു.തുടർന്ന് Industrial project management എന്ന കോഴ്സ് പഠിക്കുകയും, RBI യുടെ approved project consultant ആവുകയും പലകമ്പനികളുടെയും project consultant ആയി പ്രവർത്തിക്കുകയും ചെയ്തു. 7 വൻകിട വ്യവസായങ്ങളും 13 ചെറുകിട വ്യവസായങ്ങളും ഇന്ത്യയിൽ പല സംസ്ഥാനങ്ങളിലായി സ്ഥാപിക്കുകയുണ്ടായി. അതിൽ 4 ആയുർവേദ യൂണിറ്റുകളും രണ്ടു അലോപ്പതി യൂണിറ്റുകളും ഉൾപ്പെടുന്നുണ്ട്.
ബാഗ്ലൂരിലെ Export oriented Unit ആയ S.A Rawther spices Ltd ൽ Genaral manager ആയി 7 വർഷം സേവനമനുഷ്ഠിച്ചിട്ടുണ്ട്. അവിടെ ജോലി ചെയ്യുന്ന അവസരത്തിൽ
ആ കമ്പനിയും ജർമ്മനിയിലെ ഒരു വൻകിട കമ്പനിയായ World Spices Ltd ഉം ചേർന്ന് ആന്ധ്രയിലെ അനന്തപുർ ജില്ലയിൽ സ്ഥാപിച്ച 130 കോടി രുപയുടെ Export oriented unit ( E. O.U) ൻ്റെ chief project consultant ആയി പ്രവർത്തിച്ചും അദ്ദേഹം പ്രശസ്തി നേടിയിട്ടുണ്ട്.
ജോലിയിൽ നിന്ന് വിരമിച്ചതിനു ശേഷം വേദങ്ങളും, ഉപനിഷത്തും, സഹസ്ര നാമങ്ങളും, ഭഗവദ് ഗീതയും ,സംസ്കൃതവും ഓൺലൈനിൽ പഠിപ്പിക്കുന്നു. ഓൾ ഇന്ത്യാ ഉപനിഷത്ത് അസോസിയേഷൻ്റെ അദ്ധ്യാപകനായും പ്രവർത്തിക്കുന്നു.
ഇതിനു പുറമെ കവിതകളും ,ചെറുകഥകളും ലേഖനങ്ങളും പല മാഗസീനുകളിലും പ്രസിദ്ധീകരിക്കപ്പെട്ടിട്ടുണ്ട്. രണ്ടു ലേഖനങ്ങളായ ശുഭചിന്തയും അറിവിൻ്റെ മുത്തുകളുo മലയാളി മനസ്സ് പത്രത്തിൽ പ്രസിദ്ധീകരിക്കുന്നു. പ്രസിദ്ധ എഴുത്തുകാരി ലളിതാംബിക അന്തർജ്ജനത്തിൻ്റെ പേരക്കിടാവ് ലളിതയാണ് അദ്ദേഹത്തിന്റെ ഭാര്യ. രണ്ടു ആൺമക്കൾ
വിവിധ മേഖലകളിൽ വൈദഗ്ധ്യമുള്ള പി എം എൻ നമ്പൂതിരിയുടെ നിയമനം മലയാളിമനസ്സിന്റെ ഭാവി പ്രവർത്തനങ്ങൾക്ക് ശക്തിയും ഊർജ്ജവും പകരുമെന്ന് മാനേജ്‌മെന്റ് വിലയിരുത്തി.
