നരനായിയീവിധമുഴറുന്നൂഴിയിൽ
നരകത്തിന്റെ നടുക്കടലിലായി
നന്നാകാനായിനന്നത്ചെയ്താൽ
നന്നായില്ലെന്നതുയന്ത്യംനേരായി.
നല്ലോരായുള്ളോരായിരമുണ്ട്
നന്നല്ലുള്ളിൽ കെട്ടും മട്ടായി
നെറ്റിചുളിക്കാനനവധി ദോഷം
നക്കാപ്പിച്ചക്കെന്തും ചെയ്യുമെന്ന്.
നട്ടുവളർത്തിയ വൃക്ഷത്തൈകൾ
നാമ്പെടുത്താലൊത്തിരിശിഖരം
നല്ലോണമതുയാർത്തുവളർന്നാൽ
നില്ക്കുന്നിടമതുതണലാക്കീടും.
നിന്നുനിന്നതുയുണങ്ങീടുമ്പോൾ
നൂലാമാലകളവധി നിരയായി
നോട്ടപ്പിഴയാണെന്നാലെല്ലാം
നിലംപൊത്താനധികം വേണ്ട.
നുരനുരയായിതാ പാരാവാരം
നൃത്യതയാണാ ജീവതരംഗം
നട്ടംതിരിയുന്നൊരുവിധമായി
നേട്ടമതില്ലാന്യൂനതയായിടും.
നേരായിനെറിയായി ജീവിച്ചാലും
നാഴികനേരവും നോവിറ്റീടും
നെഞ്ചുപിളർന്നതു മാറ്റീടാനായി
നാമതിനെന്തപരാധം ചെയ്തു?
നടനായിനടിയായിയെന്നുമരങ്ങിൽ
നാന്ദിക്കുറിക്കുമഹങ്കാരങ്ങൾ
നിസ്സംഗതയാണെന്നാലധികം
നലമില്ലാതെദുരയൊഴുകുന്നു.
നന്നേയുണ്ടീ ദൈവവിചാരം
നീറുകയാണെന്നാനീളേനീളേ
നരകത്തിലാണെന്ന വിചാരം
നാസ്തികനായതുമാറ്റീടുന്നു.
നോമ്പുകളെല്ലാമനവധിയായി
നാന്ദിക്കുറിക്കുമാചാരത്തിൽ
നന്ദിക്കാനിവിടൊന്നുമില്ലെന്ന്
നിത്യതയെന്നതുനേരല്ലെന്നും .
നല്പുംനില് പുo നോക്കണമെന്നാൽ
നോട്ടക്കാരുടെ നിയമം മാറ്റണം
നേരായിയുള്ളതുയുള്ളിലായതു
നന്നെന്നുള്ളതുത്തിരിച്ചറിയേണം.
നവരാഗങ്ങളൊഴുകീടുമ്പോൾ
നവരസമെല്ലാമുണർന്നീടും
നീരായിയെന്നാ കയ്പുരസം
നോവായിയന്ത്യം മാറ്റീടുന്നു
നേരുള്ളൊരു പുണ്യാത്മാക്കൾ
നീരായിമോന്തിയതു തിക്തരസം
നേരെന്നുള്ളതു ചൊല്ലും നേരം
നീരസമായതു തിരികെ കിട്ടും.
നവദോഷങ്ങൾദശാസന്ധിയിൽ
നവലക്ഷണമെല്ലാം രോധിച്ചീടും
നന്നല്ലെന്നതു നേരെന്നാലും
നന്നായിയീടാൻ നാമം ജപിക്കൂ.
നവമാലികയായിസ്നേഹമൊഴുകും
നിത്യനിദാനമായിയാറുഭഗങ്ങൾ
നന്ദിക്കുന്നതുഋതുക്കളിലെല്ലാം
നിത്യൻ തന്റെ നിരുപമ ഭാവം.
നന്നായൊഴുകുംത്രിശക്തിയിലായി
നന്മകളൊഴുകും വഴിപോലായി
നന്നായിച്ചേരുംത്രിവേണികളവിടെ
നിജമുള്ളതുനിർവൃതിയായീടും.
നരനു നല്കിയ നരകജന്മം
നന്നായിമാറ്റാനാവതു ചെയ്യു
നന്നെന്നുള്ളതുയോഗം ചേരും
നിത്യതയീശൻനിധിയായിനല്കും.
