17.1 C
New York
Wednesday, October 20, 2021
Home US News സീറോമലബാർ കൾച്ചറൽ അസോസിയേഷൻ കൂട്ടായ്മ നോർത്ത് അമേരിക്ക കുവൈറ്റ് (എസ് എം സി എ )...

സീറോമലബാർ കൾച്ചറൽ അസോസിയേഷൻ കൂട്ടായ്മ നോർത്ത് അമേരിക്ക കുവൈറ്റ് (എസ് എം സി എ ) രൂപീകൃതമായി.

വാർത്ത: അജു വാരിക്കാട്

ന്യൂ യോർക്ക് : സീറോമലബാർ കൾച്ചറൽ അസോസിയേഷൻ കുവൈറ്റിൽ അംഗങ്ങളായിരുന്ന അമേരിക്കയിലും കാനഡയിലും താമസിക്കുന്ന മുൻ അംഗങ്ങളുടെ കൂട്ടായ്മ എസ് എം സി എ കുവൈറ്റ് നോർത്ത് അമേരിക്ക രൂപം കൊണ്ടു . ഏതാണ്ട് 6000ത്തോളം കുടുംബങ്ങളും 2000ത്തോളം ബാച്ചിലർ അംഗങ്ങളായിട്ടുള്ള എസ് എം സി എ കുവൈറ്റ് അതിന്റെ രജത ജൂബിലി മികവിലാണ്.

ഇന്ത്യയിലുടനീളം നിരവധി ജീവകാരുണ്യ പ്രവർത്തനങ്ങൾ ഏറ്റെടുത്തു നടത്തുന്ന എസ് എം സി എ വളരെ മാതുകാപരമായ സേവനമാണ് അനുഷ്ഠിച്ചുവരുന്നത്. അതിൽ ഏറ്റവും പ്രധാനപ്പെട്ടത് എല്ലാ വർഷവും ഇന്ത്യയിലെ വിവിധ രൂപതകളുടെ നേതൃത്വത്തിൽ നടത്തി വരുന്ന ഭാവന നിർമാണ പദ്ധതിയാണ്. 13ആം ഭവനനിർമാണ പദ്ധതിയിലൂടെ എസ് എം സി എ കുവൈറ്റ് 800 ഓളം വീടുകൾ നിർധനരായ കുടുംബങ്ങൾക്ക് നാളിതുവരെ നിർമിച്ചു നൽകിക്കഴിഞ്ഞു.

സീറോമലബാർ സഭയുടെ പൂർണ നിയന്ത്രണത്തിലുള്ള എസ് എം സി എ, സീറോമലബാർ സഭാ വിശ്വസികളുടെ വിശ്വാസവും പാരമ്പര്യവും പൈതൃകവും ആരാധനാക്രമവും കാത്തുസൂക്ഷിച്ചു വരും തലമുറക്ക് നൽകുവാൻ പ്രതിഞ്ജാബദ്ധമാണ്. കുവൈറ്റ്ബിഷപ്പിന്റെ സഹകരണത്തോടെയും നാല് സീറോമലബാർ വൈദികരുടെയും മേൽനോട്ടത്തിലും 200 ഓളം അത്മായ അധ്യാപകരുടെയും ശിക്ഷണത്തിലും സഭാ സിലബസിൽ ഏതാണ്ട് 5000 ത്തോളം കുട്ടികൾക്കു എസ് എം സി എ കുവൈറ്റ് വേദപാഠ പരിശീലന ക്ലാസുകൾ നൽകി വരുന്നു.

എസ് എം സി എ കുവൈറ്റ് നോർത്ത് അമേരിക്കയുടെ പ്രഥമ പൊതുയോഗം 2021 ജനുവരി 31 നു അമേരിക്കൻ സമയം 8 മണിക്ക് (കാനഡ സമയം 9 മണി) എസ് എം സി എ കുവൈറ്റ് റിട്ടേണീസ് ഫോറം നോർത്ത് അമേരിക്കയുടെ കോ ഓർഡിനേറ്റർ ചെറിയാൻ മാത്യുവിന്റെ അധ്യക്ഷതയിൽ കൂടുകയും പ്രഥമ ഭരണസമിതിയെ തിരഞ്ഞെടുക്കുകയും ചെയ്തു.

സംഘടനയുടെ പ്രഥമഭരണസമിതിക്ക് പ്രസിഡന്റ് എന്ന നിലക്ക് നേതൃത്വം നൽകുന്നതു എസ് എം സി എ കുവൈത്തിന്റെ ഫൗണ്ടർ മെമ്പറായ ചെറിയാൻ മാത്യുവും (കാനഡ), ജനറൽ സെക്രട്ടറി ജോമോൻ ഇടയാടി (യുഎസ്എ), ട്രെഷറർ ജോസ് തോമസ് (കാനഡ), വൈസ് പ്രസിഡന്റ് തോമസ് വിതയത്തിൽ, ജോയിന്റ് സെക്രട്ടറി ബിജോയ് വര്ഗീസ്, ജോയിന്റ് ട്രെഷറർ ട്വിങ്കിൽ അബ്രാഹം, ചാരിറ്റി കോർഡിനേറ്റർ ടിറ്റി ചെറിയാൻ എന്നിവരാണ്.

പ്രൊവിൻസ് കൺവീനർമാരായി സോണി തോമസ് (ഫ്ലോറിഡ), ജോബി എബ്രഹാം (ടെക്സാസ്), തോമസ് വേഴാമ്പശ്ശേരിൽ (ന്യൂ യോർക്ക്), ജോഷി സ്കറിയ (ആൽബെർട്ട ), ശ്രീമതി ബിൻസി ബോബി തോപ്പിൽ (ഒൺടാരിയോ) എന്നിവരെയും തിരഞ്ഞെടുത്തു.

സംഘടനയുടെ ഭാരവാഹികളായി തിരഞ്ഞെടുക്കപ്പെട്ടിരിക്കുന്ന മേല്പറഞ്ഞ ഭരണസമിതി അംഗങ്ങൾ കുവൈറ്റ് എസ് എം സി എ യിൽ ആദ്യകാലം മുതലെ സജീവപ്രവർത്തകർ ആയിരുന്നതും തുടർന്നങ്ങോട്ട് വിവിധ ഭരണസമിതികളിൽ നിസ്തുലമായ സേവനമനുഷ്ഠിച്ചിട്ടുള്ളതും ഈ സംഘടനയുടെ മുതൽക്കൂട്ടാണ്.

എസ് എം സി എ കുവൈത്തും കുവൈറ്റ് റിട്ടേണീസ് ഫോറവുമായി സഹകരിച്ചു കേരളത്തിൽ വിവിധ ജീവകാരുണ്യ പ്രവർത്തനങ്ങൾ നടത്തുവാൻ കഴിയുമെന്ന് ഡാളസ്സിൽ നിന്നുള്ള ചാരിറ്റി കോർഡിനേറ്റർ ടിറ്റി ചെറിയാൻ അഭിപ്രായപ്പെട്ടു. അംഗങ്ങൾക്കായി കലാസാംസ്കാരിക പരിപാടികൾ സംഘടിപ്പിക്കണമെന്നു ഹൂസ്റ്റണിൽ നിന്ന് ഷാജി തോമസ് അഭ്യർത്ഥിച്ചു. പൊതുയോഗത്തിനു ജോസ് തോമസ് (കാനഡ) സ്വാഗതവും പുതിയ ഭരണസമിതിക്കുവേണ്ടി ജനറൽ സെക്രട്ടറി ജോമോൻ ഇടയാടി (യുഎസ്എ) കൃതജ്ഞതയും. രേഖപ്പെടുത്തി.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

സാക്ഷരത മിഷൻ തുല്യതാ പരീക്ഷയിൽ വിജയിച്ച അമ്മയെയും, മകനെയും അഭിനന്ദിച്ച് വിദ്യാഭ്യാസ മന്ത്രി.

പ്രതിസന്ധികളെ പൊരുതി തോൽപ്പിച്ചാണ് തൃശ്ശൂർ ജില്ലയിലെ മുല്ലശ്ശേരി അന്നകര വടുക്കൂട്ട് വീട്ടിൽ 68 കാരി ലില്ലി ആന്റണി സാക്ഷരത മിഷൻ ഹയർസെക്കൻഡറി രണ്ടാം വർഷ തുല്യതാ പരീക്ഷയും മകൻ 39 കാരൻ മനോജ്...

മലയാളത്തിലെ ആദ്യ അച്ചടിമഷി പുരട്ടിയതിനു 200 വയസ്സ് – (വാൽക്കണ്ണാടി – കോരസൺ)

കൃത്യം ഇന്നേക്ക് 200 വർഷം മുൻപ് അതായതു, 1821 ഒക്ടോബർ 18നു കോട്ടയത്ത്, ഇംഗ്ലണ്ടിലെ ചർച്ച് മിഷൻ സൊസൈറ്റി എന്ന സംഘടനയുടെ പ്രതിനിധി ബെഞ്ചമിൻ ബെയിലിയുടെ കരങ്ങളാൽ ആദ്യമായി പ്രിൻറിംഗ് പ്രെസ്സിൽ മഷിപുരട്ടുമ്പോൾ വന്യജീവികൾ വിഹരിച്ചിരുന്ന...

പൊലീസിനെ കബളിപ്പിച്ച യുവാവിൻ്റെ യഥാര്‍ത്ഥ പേരും വിലാസവും കണ്ടെത്തി; യുവാവിനെതിരെ കേസെടുത്തു .

ചടയമംഗലം: അയോധ്യയിലെ ദശരഥ പുത്രന്‍ രാമന്റെ യഥാര്‍ത്ഥ പേരും വിലാസവും കണ്ടെത്തി ചടയമംഗലം പൊലീസ്. തിരുവനന്തപുരം കാട്ടാക്കട മൈലാടി സ്വദേശിയായ നന്ദകുമാര്‍ ആണ് യഥാര്‍ത്ഥ പേര് മറച്ച്‌ വച്ച്‌ നവമാധ്യമങ്ങളില്‍ പൊലീസിനെ പരിഹസിച്ച്‌ വീഡിയോ...

സംസ്ഥാനത്തിന്റെ പലഭാഗത്തും ശക്തമായ മഴ പെയ്തുതുടങ്ങി.

സംസ്ഥാനത്തിന്റെ പലഭാഗത്തും ശക്തമായ മഴ പെയ്തുതുടങ്ങിയതോടെ വീണ്ടും പ്രളയഭീഷണി. കോഴിക്കോട്, കോട്ടയം, പത്തനംതിട്ട, ഇടുക്കി, പാലക്കാട് ജില്ലകളുടെ മലയോര മേഖലകളില്‍ മഴ ശക്തമായി. ഉച്ചയോടെയാണ് മഴ കനത്തു തുടങ്ങിയത്. ശക്തമായ മഴയില്‍ തിരുവമ്പാടി ടൗണില്‍ വെള്ളംകയറിയിട്ടുണ്ട്. അടുത്ത...
WP2Social Auto Publish Powered By : XYZScripts.com
error: