17.1 C
New York
Sunday, January 29, 2023
Home US News സംഘടനകൾ തോറും കൂടുമാറ്റം നടത്തുന്നവരെ തിരിച്ചറിയണം : ഫൊക്കാന വൈസ് പ്രസിഡണ്ട് തോമസ് തോമസ്

സംഘടനകൾ തോറും കൂടുമാറ്റം നടത്തുന്നവരെ തിരിച്ചറിയണം : ഫൊക്കാന വൈസ് പ്രസിഡണ്ട് തോമസ് തോമസ്

Bootstrap Example

  റിപ്പോർട്ട്: ഫ്രാൻസിസ് തടത്തിൽ  

ന്യൂജേഴ്‌സി: തെരെഞ്ഞെടുപ്പിൽ മത്സരിക്കാനും ഡെലിഗേറ്റുമാരാകാനും ചിലർ സംഘടനകൾ തോറും അംഗത്വമെടുത്തുകൊണ്ടിരിക്കുകയാണെന്നും ഇത്തരം കള്ളനാണയങ്ങളെ തിരിച്ചറിയണമെന്നും ഫൊക്കാന വൈസ് പ്രസിഡണ്ട് തോമസ് തോമസ്. സ്വന്തം സംഘടനയിൽ പുറന്തള്ളപ്പെട്ട ഇത്തരം നേതാക്കന്മാർക്ക് ഒന്നിലധികം സംഘടനകളിൽ മുൻകൂട്ടി അംഗത്വം എടുക്കുന്നത് ഏതു വിധേനയും സംഘടനകളുടെ സംഘടനയായ ഫൊക്കാന പോലുള്ള സംഘടനകളുടെ തലപ്പത്ത് എത്തിപ്പെടാൻ വേണ്ടിയാണെന്നും മലയാളി അസോസിഷൻ ഓഫ് ന്യൂജേഴ്‌സി(മഞ്ച്)യുടെ ക്രിസ്തുമസ്-ന്യൂ ഇയർ ഫാമിലി നൈറ്റിൽ നടത്തിയ ആശംസ പ്രസംഗത്തിൽ പറഞ്ഞു.

മഞ്ച് പോലുള്ള വിവേകവും ഒത്തൊരുമയുമുള്ള അംഗംങ്ങൾ ഉള്ള ഒരു പുതിയ അസോസിയേഷന്റെ വളർച്ചയെ 37 വർഷം പഴക്കമുള്ള മലയാളി അസോസിയേഷൻ ഓഫ് സ്റ്റാറ്റൻ ഐലൻഡ് (മാസി) അംഗമായ തന്നെപ്പോലുള്ള നേതാക്കന്മാർ ഏറെ അസൂയയോടെയാണ് വീക്ഷിക്കുന്നത്. തങ്ങൾക്കില്ലാതെ പോയ ദീർഘവീക്ഷണം കൈമുതലായുള്ളതാണ് മഞ്ചിന്റെ ഏറ്റവും വലിയ നേട്ടം. സ്വാർത്ഥ താൽപര്യങ്ങൾക്ക് വേണ്ടി നുഴഞ്ഞുകയറ്റം നടത്തുന്ന ഇത്തരക്കാരെ തിരിച്ചറിയാനുള്ള വിവേകം മഞ്ചിന്റെ നേതാക്കന്മാർക്കുള്ളതാണ് ഈ അസോസിയേഷന്റെ വളർച്ചയ്ക്ക് കാരണമെന്നും അദ്ദേഹം പറഞ്ഞു.

മാസി പോലുള്ള ആദ്യകാല സംഘടനകളുടെ വളർച്ചക്കായി നിയമാവലികളിൽ എല്ലാവരെയും ഉൾക്കൊള്ളുക എന്ന വിശാലമായ കാഴ്ചപ്പാടുകൾ അന്ന് സ്വീകരിച്ചത് സംഘടനയുടെ വളർച്ചയ്ക്ക് വളവും വെള്ളവും നൽകാനായിരുന്നു. മാസിയിൽ ട്രൈസ്റ്റേറ്റ് മേഖലയിൽ ജീവിക്കുന്ന ആർക്കും അംഗത്വമെടുക്കാം. അന്നൊക്കെ അംഗത്വം ലഭിക്കുന്നവർ സംഘടനയുടെ വളർച്ചയ്ക്കു വേണ്ടി പരിശ്രമിക്കുന്നവരായിരുന്നു. ഇന്ന് തെരെഞ്ഞടുപ്പുകൾ മുൻ നിർത്തി ഡെലിഗേറ്റ് ലിസ്റ്റിൾ കയറിപ്പറ്റാൻ വേണ്ടിയാണ് ഇത്തരക്കാർ വിവിധ സംഘടനകളിൽ മുൻകൂട്ടി അംഗത്വം എടുക്കുന്നത്. ഇവരിൽ ചിലർക്കൊക്കെ ട്രൈസ്റ്റേറ്റ് മേഖലയിൽ മൂന്നും നാലും സംഘടനകളിൽ വരെ അംഗത്വമുള്ളവരെ തനിക്ക് വ്യക്തിപരമായി അറിയാമെന്നും തോമസ് തോമസ് വ്യക്തമാക്കി.

റോക്ക് ലാൻഡ് കൗണ്ടിയിൽ നിന്ന് 75 മൈൽ ദൂരെയുള്ള സ്റ്റാറ്റൻ ഐലൻഡിലെ മലയാളി അസോസിയേഷൻ ഓഫ് സ്റ്റാറ്റൻ ഐലൻഡിൽ എത്തി സംഘടനാ പ്രവർത്തനം നടത്തുന്ന ചില വിശാല മനസ്കരുണ്ട്. അവർക്ക് സ്വന്തം തട്ടകമായ റോക്ക് ലാൻഡ് കൗണ്ടയിലെ മറ്റ് മലയാളി സംഘടനകളിൽ സ്ഥാനമാനങ്ങൾ ലഭിക്കാതെ വരുമ്പോൾ മറ്റു സംഘടനകളിലേക്ക് തട്ടകം മാറ്റും. ഫൊക്കാനയുടെ ഡെലിഗേറ്റ് ലിസ്റ്റിലോ സ്ഥാനാർഥി പട്ടികയിലോ കയറിക്കൂടുക മാത്രമല്ല മറ്റു സംഘടനകളിൽ തങ്ങളുടെ ആധിപത്യം സ്ഥാപിക്കാനുമായിരിക്കും ഇത്തരക്കാരുടെ പിന്നീടുള്ള ശ്രമം. ഇത്തരം കപട സംഘടനാ പ്രവർത്തകരെ തിരിച്ചറിഞ്ഞു വിവേകപൂർവ്വം പ്രവർത്തിക്കേണ്ട സമയമായി എന്നും ഫൊക്കാനയുടെ പ്രഥമ ട്രഷറർ കൂടിയായ തോമസ് തോമസ് ചൂണ്ടിക്കാട്ടി.

സ്വന്തം സംഘടനയിൽ നിന്ന് തഴയപ്പെടുന്ന ഇവർ അടുത്ത കൂട്ടിലേക്ക് ചേക്കേറും. അവിടെയും രക്ഷ കിട്ടിയില്ലെങ്കിൽ മറ്റൊരു സംഘടനയിലേക്ക്. ഇങ്ങനെ ഒന്നിലധികം സംഘടനകളിൽ അംഗത്വമുള്ളതിനാൽ എവിടെനിന്നെങ്കിലും ഡെലിഗേറ്റ് ലിസ്റ്റിലും സ്ഥാനാർത്ഥി പട്ടികയിലും കടന്നു കൂടും. അങ്ങനെ സ്ഥാനാർത്ഥിയായി എങ്ങാനും വിജയിച്ചുകഴിഞ്ഞാൽ പിന്നെ നാട്ടിലെ ചില രാഷ്ട്രീയക്കാരെപ്പോലെയാകും. രണ്ടു വര്‍ഷം കഴിഞ്ഞ ശേഷം വീണ്ടും സ്ഥാനാർത്ഥിയാകാൻ വേണ്ടിയായിരിക്കും പിന്നീടുള്ള സന്ദർശനം. ഇത്തരക്കാരെ തിരിച്ചറിഞ്ഞു തടയിടാൻ മഞ്ച് നേതൃത്വം കാട്ടുന്ന ആര്‍ജ്ജവം ശ്ലാഘനീയമാണെന്ന് തോമസ് തോമസ് പറഞ്ഞു.

Facebook Comments

COMMENTS

- Advertisment -

Most Popular

പി. എം. എൻ നമ്പൂതിരി മലയാളി മനസ്സ് യു എസ് എയുടെ ‘അഡ്വൈസറി ബോർഡ് അംഗം’

വൈവിദ്ധ്യങ്ങളാൽ സമ്പന്നമായ മലയാളിമനസ്സിന്റെ മുന്നോട്ടുള്ള യാത്രക്ക് മാറ്റുകൂട്ടാൻ എഞ്ചിനീയറിങ് മേഖലയിലും സാഹിത്യരംഗത്തും ഒരുപോലെ കഴിവ് തെളിയിച്ച ശ്രീ പി. എം. എൻ നമ്പൂതിരിയെ മലയാളി മനസ്സ് യു എസ് എ യുടെ അഡ്വൈസറി...

മലയാളി മനസ്സ്..”ആരോഗ്യ വീഥി”

ഇന്നത്തെ കാലത്ത് ഒരുവിധം എല്ലാവരും അഭിമുഖീകരിക്കുന്ന ഒരു പ്രശ്‌നമാണ് ഓര്‍മക്കുറവ്. വൈറ്റമിന്‍ ബിയുടെയും മറ്റ് പോഷകങ്ങളുടെയും അഭാവം മൂലമാണ് സാധാരണയായി ഓര്‍മക്കുറവ്, മാനസിക പിരിമുറുക്കം, വിഷാദം, ഉറക്കം എന്നിവ ഉണ്ടാകുന്നത്. പ്രായം, ഉറക്കം,...

“ഇന്നത്തെ ചിന്താവിഷയം” ✍പ്രൊഫസ്സർ എ.വി. ഇട്ടി

സ്വന്തമാക്കണമോ എല്ലാം? ............................................. കുളക്കോഴി തീറ്റ തേടി നടക്കുന്നതിനിടെ, ഒരു ധാന്യപ്പുര കണ്ടെത്തി! മറ്റെങ്ങും തീറ്റ തേടി നടക്കണ്ടല്ലോ എന്നു കരുതി, അതവിടെ പാർപ്പായി! ഭക്ഷണം കുശാലായിരുന്നതു കൊണ്ട്, നന്നായി തടിച്ചു കൊഴുത്തു. ഒരു ദിവസം...

ശുഭദിനം | 2023 | ജനുവരി 29 | ഞായർ ✍കവിത കണ്ണന്‍

തമിഴ് അയ്യര്‍ സമ്പന്നകുടുംബത്തിലെ അംഗമായിരുന്നു ഹരിഹരന്‍. വീട്ടില്‍ വളരെ കര്‍ക്കശസ്വഭാവമായതുകൊണ്ട് തന്നെ സ്വാതന്ത്ര്യം ആയിരുന്നു അവന്റെ സ്വപ്നം. സ്‌കൂളില്‍ പഠിക്കുമ്പോള്‍ പുതിയ പെന്‍സില്‍ കൂട്ടുകാരന് കൊടുത്തു. വീട്ടില്‍ എത്തിയപ്പോള്‍ പുതിയ പെന്‍സിലും കൊണ്ട്...
Facebook Comments
WP2Social Auto Publish Powered By : XYZScripts.com
error: