17.1 C
New York
Tuesday, May 17, 2022
Home Cinema ഷാമോൻ തയ്യാറാക്കുന്ന " സിനിമ ലോകം" ആരംഭിക്കുന്നു.. "അമീറ"...

ഷാമോൻ തയ്യാറാക്കുന്ന ” സിനിമ ലോകം” ആരംഭിക്കുന്നു.. “അമീറ” (സിനിമ റിവ്യൂ)

ലോകസിനിമയിൽ ബീജക്കടത്തുമായി ബന്ധപ്പെട്ട സിനിമകൾ വന്നിട്ടുണ്ടെങ്കിലും ഇത്ര ചർച്ചയായ ഒരു സിനിമ അടുത്ത കാലത്ത് ഇറങ്ങിയിട്ടില്ല.
പതിനേഴുകാരിയായ പലസ്തീനിയൻ പെൺകുട്ടി അമീറയാണ് ചിത്രത്തിലെ നായിക. ജയിലിലടയ്ക്കപ്പെട്ട, ചെറുപ്പം മുതൽ ജയിൽ വഴി മാത്രം കണ്ടിരുന്ന നവാറാണ് അമീറയുടെ പിതാവ്. ജയിലിൽ നിന്നും കള്ളക്കടത്തു വഴി കടത്തിയ നവാറിന്റെ ബീജത്തിൽ നിന്നാണ് അ‌വളുടെ അ‌മ്മ വാർദ ഗർഭിണിയാകുന്നത്, അതു തന്നെയാണ് ഈ കഥയുടെ ഏറ്റവും വലിയ പ്രത്യേകതയും..!

ഈജിപ്ഷ്യൻ സംവിധായകനായ മുഹമ്മദ് ദിയാബിന്റെ ചിത്രമാണ് അമീറ. ഇസ്രയേൽ തടവിലാക്കിയ പലസ്തീനിയൻ തടവുകാരുടെ ബീജം പുറത്തെത്തിച്ച് ഭാര്യമാർ ഗർഭിണികളാകുന്നതും അതുണ്ടാക്കുന്ന സങ്കീർണതകളുമാണ് ചിത്രത്തിന്റെ ഇതിവൃത്തം. വെനീസ് ഇന്റർനാഷണൽ ഫിലിം ഫെസ്റ്റിവലിലായിരുന്നു ഈ അറബിക് ചിത്രത്തിന്റെ വേൾഡ് പ്രീമിയർ നടന്നത്. ഏറെ പ്രശംസയും നേടി.

പതിനേഴുകാരിയായ പലസ്തീനിയൻ പെൺകുട്ടി അമീറയാണ് ചിത്രത്തിലെ നായിക. ജയിലിലടയ്ക്കപ്പെട്ട, ചെറുപ്പം മുതൽ ജയിൽ വഴി മാത്രം കണ്ടിരുന്ന നവാറാണ് അമീറയുടെ പിതാവ്. ജയിലിൽ നിന്നും കള്ളക്കടത്തു വഴി കടത്തിയ നവാറിന്റെ ബീജത്തിൽ നിന്നാണ് അവളുടെ അമ്മ വാർദ ഗർഭിണിയാകുന്നത്.

ജയിൽ സന്ദർശനങ്ങളിലൂടെ മാത്രമാണ് കണ്ടുമുട്ടുന്നതെങ്കിലും അമീറയുടെ ആരാധ്യപുരുഷനാണ് പിതാവ് അമീർ. പിതാവ് അടുത്തില്ലാത്തതിന്റെ കുറവ് നികത്താൻ ചുറ്റുമുള്ളവർ അവളെ സ്നേഹവും കരുതലും കൊണ്ട് മൂടുന്നുണ്ട്. എന്നാൽ, ബീജം കടത്താൻ കൂട്ടുനിന്ന ഒരു ഇസ്രേലിയൻ പോലീസ് ഗാർഡാണ് തന്റെ പിതാവെന്നറിയുമ്പോൾ അമീറയുടെ ജീവിതം കീഴ്മേൽ മറിയുന്നു. അവളുടെ അസ്ഥിത്വം തന്നെ ചോദ്യംചെയ്യപ്പെടുന്നു.

അടിച്ചമർത്തപ്പെടുന്ന ജനതയുടെ നിസ്സഹായതയ്ക്കും അതിജീവന ശ്രമങ്ങൾക്കുമൊപ്പം സ്ത്രീപക്ഷത്തു നിന്ന് കൃത്യമായി സംസാരിക്കുന്നുമുണ്ട് ചിത്രം. അമീറയുടെ അമ്മ വാർദ ഭാര്യഭർത്തൃബന്ധം പുലർത്താതെയാണ് ഗർഭിണിയാകുന്നത്. സ്ത്രീ ഗർഭധാരണത്തിന് മാത്രമുള്ള വസ്തുവായി മാത്രം കണക്കാക്കുന്ന പുരുഷാധിപത്യ സമൂഹത്തിന്റെ ഇരകൂടിയാണ് വാർദ. സ്വന്തം വൈകാരികാനുഭൂതികളെ അടിച്ചമർത്തികൊണ്ട് കർത്തവ്യഭാര്യയാവാൻ വിധിക്കപ്പെട്ട സ്ത്രീകളുടെ പ്രതിനിധി കൂടിയാണവൾ.

തടവിലാക്കപ്പെട്ട പലസ്തീനികളുടെ ബീജകള്ളക്കടത്തുവഴി നൂറിലധികം കുട്ടികൾ ജനിച്ചിട്ടുണ്ടെന്നാണ് ചിത്രം പറയുന്നത്. യാഥാർത്ഥ്യത്തിന്റെ നൂലിഴകളാൽ ബന്ധിക്കപ്പെടുന്നു എന്ന വസ്തുത കൂടി ചേരുമ്പോൾ ചിത്രം കൂടുതൽ തീവ്രവും പൂർണ്ണതയും കൈവരിക്കുന്നു. ലോക സിനിമാ വിഭാഗത്തിൽ മികച്ച അനുഭവം കേരളത്തിലെ പ്രേക്ഷകർക്കു സമ്മാനിച്ച അമീറ അവസരം കിട്ടിയാൽ തീർച്ചയായും കാണാതിരിക്കരുത്.

ഷാമോൻ

Facebook Comments

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

മീന്‍എണ്ണ കഴിക്കുന്നവര്‍ക്ക് ഹൃദ്രോഗ സാദ്ധ്യത കുറവായിരിക്കുമെന്ന് പഠനം

മീന്‍എണ്ണ ഗുളിക അഥവാഫിഷ് ഓയില്‍സപ്ലിമെന്റുകളെക്കുറിച്ച് നാമെല്ലാം സുപരിചിതരാണ്. എണ്ണമയമുളള മത്സ്യങ്ങളായ സാല്‍മോണ്‍, വെളുത്ത മത്സ്യം, മത്തി എന്നിവയില്‍നിന്നും അവയുടെ തോലുകളില്‍നിന്നുമാണ് മീന്‍ എണ്ണ എടുക്കുന്നത്. ഇതിലൂടെ നമുക്ക് ലഭിക്കുന്ന ആരോഗ്യ ഗുണങ്ങള്‍ ഏറെയാണ്....

ബസിടിച്ച് ബൈക്ക് യാത്രികരായ ദമ്പതികൾ മരിച്ചു.

ചാവക്കാട്: ദേശീയപാത ചേറ്റുവയിൽ ബസിടിച്ച് ബൈക്ക് യാത്രികരായ ദമ്പതികളുടെ വിയോഗ വാർത്ത നാടിനെ ഞെട്ടിച്ചു. കടപ്പുറം അഞ്ചങ്ങാടി വെളിച്ചെണ്ണപ്പടി സ്വദേശി മുനൈഫ് (32), ഭാര്യ മുംബൈ സ്വദേശി സുവൈബ (22) എന്നിവരാണ് മരിച്ചത്. കൊടുങ്ങല്ലൂര്‍-...

പാലക്കാട് കല്ലാംകുഴി സുന്നി പ്രവര്‍ത്തകരുടെ കൊല; 25 പ്രതികൾക്കും ഇരട്ടജീവപര്യന്തവും പിഴയും ശിക്ഷ വിധിച്ചു.

മണ്ണാർക്കാട്: കാഞ്ഞിരപ്പുഴ കല്ലാംകുഴിയില്‍ രണ്ട് സുന്നിപ്രവര്‍ത്തകരെ കൊലപ്പെടുത്തിയ കേസില്‍ കുറ്റക്കാരെന്ന് കണ്ടെത്തിയ 25 പ്രതികൾക്കും ഇരട്ട ജീവപര്യന്തവും 50,000 രൂപ വീതം പിഴയും ശിക്ഷ വിധിച്ചു. പാലക്കാട് ജില്ലാ ജുഡീഷ്യല്‍ ഫാസ്റ്റ് ട്രാക്ക്...

യുഎഇയില്‍ സെന്‍ട്രല്‍ ബാങ്കിന്റെ പേരില്‍ തട്ടിപ്പ്; ഇക്കാര്യങ്ങള്‍ ശ്രദ്ധിക്കുക.

അജ്മാന്‍: യുഎഇയില്‍ സെന്‍ട്രല്‍ ബാങ്കിന്റെ പേരില്‍ തട്ടിപ്പ് നടക്കുന്നു. യുഎഇ സെന്‍ട്രല്‍ ബാങ്കിന്റെ പേര് തന്നെ ഉപയോഗപ്പെടുത്തി സര്‍ക്കാര്‍ ലോഗോ പ്രൊഫൈല്‍ പിക്ച്ചര്‍ ആക്കിയ വാട്‌സപ്പ് നമ്പറില്‍ നിന്നാണ് തട്ടിപ്പ് സംഘം സന്ദേശം...
Facebook Comments
WP2Social Auto Publish Powered By : XYZScripts.com
error: