17.1 C
New York
Sunday, June 13, 2021
Home Special വേദനകളിലൂടെ ഉള്ള വളർച്ച (ദേവു എഴുതുന്ന “ചിന്താ ശലഭങ്ങൾ”)

വേദനകളിലൂടെ ഉള്ള വളർച്ച (ദേവു എഴുതുന്ന “ചിന്താ ശലഭങ്ങൾ”)

-ദേവു-

വിചിത്രം തന്നെയാണ്,അല്ലേ? നിന്നേ പോലെ നിന്നെ അറിയുന്ന വേറെ ആരും തന്നെ ഇല്ല. എന്നിട്ടും നിന്റെ ജീവിതത്തിന്റെ കാൽ ക്ഷണം പോലും ജീവിയ്ക്കാത്ത ഒരുവൻ്റെ വാക്കുകൾ കേട്ട് ഒരു ചിതൽപുറ്റ് പോലെ നീ എന്തിനാണ് പൊടിയുന്നത്?
നിന്റെ ചിന്തകളിൽ നിന്നും നിന്നേ തന്നെ സംരക്ഷിക്കേണ്ട ഗതികേടില്ലേ ഇത്? ഈ ചിന്തകൾക്ക് വിരാമം കുറിച്ച്, ജീവിക്കാൻ നോക്കൂ!

നിനക്ക് എതിരെ വരുന്നവരുടെ വാക്കുകളും, പ്രവർത്തികളും നിന്നേ നശിപ്പിക്കാൻ നീ അനുവദിക്കരുത്. അവർ നിന്നേ വിളിച്ചില്ലെങ്കിൽ, പോയി കിടന്നു ഉറങ്ങുക. അവർ നിനക്ക് ഒരു സന്ദേശം അയച്ചില്ലെങ്കിൽ ആ ഫോൺ മാറ്റിവെച്ചു, നല്ലൊരു ദിവസത്തിന്റെ നിമിഷങ്ങളെ ആസ്വദിക്കൂ. അവർ ദൂരത്താണ്, നിന്നോട് സംസാരിക്കാൻ വിസമ്മതിക്കുന്നു എങ്കിൽ, നീ വീട്ടിൽ പോയി നിനക്ക് സന്തോഷം തരുന്ന എന്തെങ്കിലും കാര്യങ്ങളിൽ ഏർപ്പെടുക. ആദ്യം നീ, നിനക്ക് വേണ്ടി ജീവിക്കുക. അവർ രണ്ടാമതാണ്.

നിന്റെ ഉള്ളിലെ ശബ്ദത്തിന് മാത്രം ചെവി കൊടുക്കുക. കാരണം അവസാനം നീ തിരിച്ചറിയും, അതിന് മാത്രമേ പ്രാധാന്യം ഉള്ളൂ എന്ന്!

സ്വന്തം അറിവില്ലായ്മയ്ക്ക് മാപ്പ് കൊടുക്കുക!
പല കാര്യങ്ങളും പഠിച്ചതിനു ശേഷം ആണ് മനസ്സിലായത്. ഒരിക്കലും നിന്റെ ജീവിതത്തിന്റെ തിരഞ്ഞെടുപ്പുകളിൽ മറ്റുള്ളവരെ പഴി പറയരുത്. കാരണം നീ എടുക്കുന്ന തീരുമാനങ്ങൾ നീ തീരുമാനിച്ചത് കൊണ്ട് ആണ് ഉണ്ടായത്.ആയതിനാൽ അതിന്റെ ഭവിഷ്യത്തുകൾ നിന്റെ മാത്രം ഉത്തരവാദിത്വം ആണ്.

നീ മറ്റുള്ളവർക്ക് നേരെ വെച്ച് നീട്ടുന്ന കരുണ ഉണ്ടല്ലോ, അതേ അളവിൽ തന്നെ, അത് തിരികെ കിട്ടാനും നീ യോഗ്യനാണ്!

ഈ മരണപ്പാച്ചിൽ നിർത്തി ഒരു മന്ദഗതി അവലംബിച്ച് നോക്കൂ! നിന്റെ വികാരങ്ങളെ തിരിച്ചറിയൂ. അപ്പോൾ നിനക്ക് ചോര പൊടിയുന്ന നിന്റെ മുറിവുകളേ കാണാം, അവയ്ക്ക് ഉണങ്ങാൻ ഉള്ള സമയവും, സന്ദർഭവും കൊടുക്കാം.ആ മുറിവുകളിൽ കൂടി ആണ് നിന്നിൽ പ്രകാശത്തിന്റെ രശ്മികൾ കടന്ന് വരുന്നത്. മുറിവുകൾ ഉണങ്ങുമ്പോൾ നീ വളരുന്നു. ജീവിതത്തിൽ ചിലപ്പോൾ സാവധാനത അവലംബിക്കുന്നത് നിന്റെ ഏറ്റവും നല്ല ആവിഷ്കരണത്തിൻ്റെ മുന്നോടി ആകാം.

നിനക്ക് മാറ്റങ്ങൾ ആവാം. ജീവിതത്തോട് ഉള്ള നിന്റെ നിലപാടിനോട്, മുൻഗണനകൾ, ഇഷ്ടങ്ങൾ, വിശ്വാസങ്ങൾ….

നിനക്ക് വളരുവാൻ അനുമതി ഉണ്ട്. നിനക്ക് ഇഷ്ടമില്ലാത്ത വിനോദങ്ങളെ സ്നേഹിക്കാൻ, നവ അഭിപ്രായങ്ങൾക്ക്, ഒരിക്കലും ചെയ്യാത്ത കാര്യങ്ങൾക്ക് തുനിയാനും, നീ കാണാത്ത ദേശങ്ങളിൽ പോകാനും….

നിനക്ക് സ്വയം വിശദീകരണം കൊടുക്കാൻ നിൽക്കാതെ, മെച്ചമാകുന്നത് ആസ്വദിക്കൂ! നിന്റെ ജീവിതത്തിന്റെ ഓരോ ചെറിയ കാര്യങ്ങളെയും ആസ്വദിക്കാൻ നോക്കുക! പിൽക്കാലത്ത് നിനക്ക് മനസ്സിലാകും, ആ കാര്യങ്ങളിൽ ആയിരുന്നു നിന്റെ ഏറ്റവും വലിയ സന്തോഷം ഒളിച്ചിരുന്നത്!

സ്നേഹപൂർവ്വം
-ദേവു-

COMMENTS

10 COMMENTS

LEAVE A REPLY

Please enter your comment!
Please enter your name here

- Advertisment -

Most Popular

പിസയിലെ ചരിഞ്ഞ ഗോപുരവും അനുബന്ധ കാഴ്ചകളും – (യൂറോപ്പിലൂടെ ഒരു യാത്ര) – (ഭാഗം 32)

 ഉണർത്താനുള്ള അലാറം ആറുമണിക്ക് ആയിരുന്നെങ്കിലും അതിനുമുമ്പേ എഴുന്നേറ്റിരുന്നു  ഏഴ് മണിക്കായിരുന്നു പ്രഭാതഭക്ഷണം.. എട്ടുമണിയോടെ എല്ലാവരുടെയും ബാഗുകൾ വണ്ടിയിൽ കയറ്റാൻ തുടങ്ങി സമയം എട്ടര. ഞങ്ങളുടെ വണ്ടി നീങ്ങിത്തുടങ്ങി ഇന്ന്‌ ഇറ്റലിയോട് വിട പറയും പിസ കാണാൻ ആണ്...

തിരിഞ്ഞു നോക്കുമ്പോൾ – ഭരത് ഗോപി

മലയാളിയുടെ നായക സങ്കല്പങ്ങളെ പൊളിച്ചെഴുതിയ അഭിനയകുലപതിയായിരുന്നു ഭരത് ഗോപി. അഭിനയത്തികവിലൂടെ മലയാള സിനിമാ പ്രേക്ഷകരുടെ മനസ്സിൽ ചിരപ്രതിഷ്ഠ നേടിയ മഹാനടൻ. അദ്ദേഹം ജീവൻ നൽകിയ പല കഥാപാത്രങ്ങളും ഇന്നും മലയാളികളുടെ മനസ്സിൽ ഒളിമങ്ങാതെ...

ഓർമ്മയിലെ മുഖങ്ങൾ – എസ്.പി. പിള്ള.

തികഞ്ഞ മനുഷ്യ സ്നേഹിയും പരോപകാരിയുമായ ഒരു വ്യക്തിത്വം. സാധാരണക്കാരൻ്റെ സുഖദു:ഖങ്ങളിൽ എന്നും താങ്ങായ് കൂടെ നിൽക്കുന്ന മലയാളത്തിൻ്റെ ചാർളി ചാപ്ലിൻ എന്നറിയപ്പെടുന്ന, മലയാള സിനിമയിലെ ചിരിയുടെ രാജാവ് എസ്.പി. പിള്ള. ജൂൺ 12...

☘️☘️☘️☘️☘️☘️☘️☘️☘️☘️☘️ഓർമ്മകൾക്ക് എന്ത് സുഗന്ധം- ഭാഗം (18) ...

ഉമിക്കരി ഉമിക്കരി ഓർമ്മ ഉണ്ടോ… ടൂത്‌പേസ്റ്റ്, ടൂത് ബ്രഷ്, പ്രചാരത്തിൽ വരും മുന്നേ മിക്കവാറും മലയാളികൾ പല്ല് തേയ്ക്കാൻ (ദന്തധാവനം) ഉപയോഗിച്ചുരുന്ന ചൂർണ്ണം ആണ് ഉമിക്കരി. നെല്ലിന്റ പുറം പാളി ആയ ഉമി കരിച്ച്, ചാരമാകുന്നതിനുമുമ്പ്...
WP2Social Auto Publish Powered By : XYZScripts.com
Share via
Copy link
Powered by Social Snap