17.1 C
New York
Thursday, June 30, 2022
Home Special വിഷുപ്പാട്ടുകൾ

വിഷുപ്പാട്ടുകൾ

ദിവ്യ എസ്. മേനോൻ✍

മലയാളി എന്നും ഗൃഹാതുരതയോടെ ഓർക്കുകയും ആഘോഷിക്കുകയും ചെയ്യുന്ന രണ്ട് ആഘോഷങ്ങളാണ് ഓണവും വിഷുവും. ഈ രണ്ട്‌ ആഘോഷങ്ങളുമായി ഇഴചേർന്നു കിടക്കുന്നു മലയാളിയുടെ ഇഷ്ടങ്ങളിൽ പലതും. ഓണക്കാലത്തെ സമൃദ്ധമാക്കുന്ന ഓണപ്പാട്ടുകൾ പോലെത്തന്നെ വിഷുക്കാലത്തെ പ്രമേയമാക്കിയുള്ള വിഷുപ്പാട്ടുകളും മലയാളിക്ക് വളരെ പ്രിയപ്പെട്ടതാണ്. അത്തരം ചില ചലച്ചിത്ര ഗാനങ്ങളെ ഓർത്തെടുക്കുകയാണ് ഇവിടെ.

വിഷുവെന്ന് കേട്ടാൽ ആദ്യം മലയാളിയുടെ മനസ്സിലേക്ക് ഓടിയെത്തുന്ന പാട്ടാണ്
‘തെച്ചി മാന്ദരം തുളസി പിച്ചകമാലകൾ ചാർത്തി ഗുരുവായൂരപ്പാ നിന്നെ കണി കാണേണം ‘ എന്ന അതിമനോഹരമായ ഗാനം.
വയലാർ – ദേവരാജൻ മാസ്റ്റർ കൂട്ടുകെട്ടിൽ പിറന്ന്, പി സുശീല ആലപിച്ച ഈ ഗാനം അടിമകൾ എന്ന ചിത്രത്തിലേതാണ്.

വളരെ പ്രസിദ്ധമായ മറ്റൊരു പാട്ടാണ് ‘കണികാണും നേരം കമലനേത്രന്റെ ‘ എന്ന് തുടങ്ങുന്ന ഗാനം. സാക്ഷാൽ പൂന്താനം എഴുതിയതെന്നു വിശ്വസിക്കപ്പെടുന്ന ഈ വരികളെ ഓമനക്കുട്ടൻ എന്ന ചിത്രത്തിന് വേണ്ടി ദേവരാജൻ മാസ്റ്റർ ഈണമിട്ട് പി ലീലയും രേണുകയും ചേർന്നു ആലപിച്ചിരിക്കുന്നു.

വയലാർ – ദേവരാജൻ മാസ്റ്റർ കൂട്ടുകെട്ടിൽ പിറന്ന, വിഷുക്കാലം പശ്ചാത്തലമായി വരുന്ന മറ്റൊരു അതിമനോഹര ഗാനമാണ്
‘സംക്രമ വിഷുപ്പക്ഷി, സംവത്സര വിഷുപ്പക്ഷി ‘. ചുക്ക് എന്ന സിനിമയിലെ ഈ ഗാനം ആലപിച്ചിരിക്കുന്നത് പി ലീലയാണ്.

വിഷു ആഘോഷങ്ങളെ ഒപ്പിയെടുത്തിരിക്കുന്ന മറ്റൊരു ഗാനമാണ്
‘എന്റെ കയ്യിൽ പൂത്തിരി, നിന്റെ കയ്യിൽ പൂത്തിരി… എങ്ങും പൊട്ടിച്ചിരിക്കുന്ന വിഷുപ്പുലരി ‘ എന്ന ഗാനം. സമ്മാനം എന്ന ചിത്രത്തിന് വേണ്ടി വയലാർ രചിച്ച് ദക്ഷിണാമൂർത്തി സ്വാമികൾ സംഗീതം പകർന്നിരിക്കുന്ന ഈ ഗാനം ആലപിച്ചിരിക്കുന്നത് വാണി ജയറാമാണ്.

വിഷു ആഘോഷങ്ങളുമായി മനസ്സിലേക്കെത്തുന്ന മറ്റൊരു ഗാനമാണ് ‘തിരിയൊ തിരി പൂത്തിരി
കണിയോ കണി വിഷുക്കണി
കാലിൽ കിങ്ങിണി കയ്യിൽ പൂത്തിരി
നാളെ പുലരിയിൽ വിഷുക്കണി ‘ എന്ന പാട്ട്. മൂന്നു പൂക്കൾ എന്ന സിനിമയ്ക്ക് വേണ്ടി ഭാസ്കരൻ മാസ്റ്റർ രചിച്ച് പുകഴേന്തി ഈണമിട്ടിരിക്കുന്ന ഈ ഗാനം ആലപിച്ചിരിക്കുന്നത് എസ് ജാനകിയാണ്.

കണിക്കൊന്ന പൂക്കളെ ഓർക്കാതെ വിഷുവുണ്ടോ? കൊന്നപ്പൂക്കൾ വിഷയമായി വരുന്ന മലയാള ഗാനങ്ങൾ നിരവധിയാണ്.
അതിലെ പ്രധാനം
‘കൊന്നപ്പൂവേ കൊങ്ങിണിപ്പൂവേ
ഇന്നെന്നെക്കണ്ടാലെന്ത് തോന്നും
കിങ്ങിണിപ്പൂവേ?’ എന്ന പാട്ടാണ്. അമ്മയെ കാണാൻ എന്ന ചിത്രത്തിന് വേണ്ടി ഭാസ്കരൻ മാസ്റ്റർ രചിച്ച് കെ. രാഘവൻ സംഗീതം പകർന്നിരിക്കുന്ന ഈ ഗാനം ആലപിച്ചിരിക്കുന്നത് എസ്. ജാനകിയാണ്.

വിഷുവല്ല പ്രമേയമെങ്കിലും
‘മൈനാക പൊന്മുടിയില്‍ പൊന്നുരുകി തൂവിപ്പോയ്…വിഷുക്കണികൊന്നപോലും താലിപ്പൊന്‍ പൂവണിഞ്ഞു’ എന്ന ഗാനവും കണിക്കൊന്ന പൂക്കളുമായി മനസ്സിലേക്ക് ഓടിയെത്തുന്നു.
മഴവിൽക്കാവടി എന്ന ചിത്രത്തിന് വേണ്ടി കൈതപ്രം എഴുതി ജോൺസൻ മാസ്റ്റർ സംഗീതം നിർവഹിച്ചിരിക്കുന്ന ഈ ഗാനം ആലപിച്ചിരിക്കുന്നത് വേണുഗോപാലും ചിത്രയുമാണ്.

‘മഞ്ഞക്കണിക്കൊന്ന പൂവുകൾ ചൂടും മേടപ്പുലരിപ്പെണ്ണേ ‘ എന്ന പാട്ടും വിഷുക്കാലത്തിന്റെ മനോഹാരിത നിറഞ്ഞ ഒരു പാട്ടാണ്. ആദ്യത്തെ അനുരാഗം എന്ന ചിത്രത്തിന് വേണ്ടി മധു ആലപ്പുഴ എഴുതി രവീന്ദ്രൻ മാസ്റ്റർ ഈണമിട്ടിരിക്കുന്ന ഈ ഗാനം ആലപിച്ചിരിക്കുന്നത് എസ് ജാനകിയാണ്.

മധു ആലപ്പുഴയുടെ തന്നെ മറ്റൊരു ഗാനമായ ‘മേടമാസപ്പുലരി കായലിൽ
ആടിയും കതിരാടിയും
നിൻ നീലനയനഭാവമായി’ എന്ന പാട്ടും മേടപ്പുലരികളെ ഓർമ്മിപ്പിക്കുന്നു. മിണ്ടാപ്പൂച്ചയ്ക്ക് കല്യാണം എന്ന സിനിമയിലെ ഈ ഗാനത്തിന് ഈണമിട്ടിരിക്കുന്നത് രവീന്ദ്രൻ മാസ്റ്ററും ആലപിച്ചിരിക്കുന്നത് യേശുദാസമാണ്.

മലയാളത്തിന്റെ വാനമ്പാടി ചിത്ര ആലപിച്ച, നന്ദനം എന്ന സിനിമയിലെ
‘മൗലിയിൽ മയിൽപ്പീലി ചാർത്തി
മഞ്ഞപ്പട്ടാംബരം ചാർത്തി…
ഗുരുവായൂരമ്പലം ഗോകുലമാക്കുന്ന
ഗോപകുമാരനെ കണികാണണം…’ എന്ന ഗാനം ഇന്നും ആസ്വാദകരുടെ മനസ്സിൽ കണിയൊരുക്കുന്നുണ്ട്. മനോഹരമായ ഈ ഗാനം രചിച്ചിരിക്കുന്നത് ഗിരീഷ് പുത്തഞ്ചേരിയും ഈണമിട്ടിരിക്കുന്നത് രവീന്ദ്രൻ മാസ്റ്ററുമാണ്.

ദേവാസുരം എന്ന ചിത്രത്തിലെ ഗിരീഷ് പുത്തഞ്ചേരി എഴുതി, എം ജി രാധാകൃഷ്ണൻ സംഗീതം നിർവഹിച്ചിട്ടുള്ള
‘മേടപ്പൊന്നണിയും കൊന്നപ്പൂക്കണിയായ്..
പീലിക്കാവുകളിൽ താലപ്പൂപ്പൊലിയായ് ‘ എന്ന പാട്ട് വിഷുവെന്നു കേൾക്കുമ്പോൾ മനസ്സിലേക്ക് ഓടിയെത്തുന്ന പാട്ടുകളിൽ ഒന്നാണ്. എം ജി ശ്രീകുമാറും അരുന്ധതിയും ചേർന്ന് ആലപിച്ചിരിക്കുന്ന ഈ ഗാനമില്ലാതെ വിഷുപ്പാട്ടുകൾ പൂർണ്ണമാവില്ലൊരിക്കലും.

എല്ലാവർക്കും ഹൃദയം നിറഞ്ഞ വിഷു ആശംസകൾ!

ദിവ്യ എസ് മേനോൻ

Facebook Comments

COMMENTS

- Advertisment -

Most Popular

സേ, ഇംപ്രൂവ്‌മെന്റ് പരീക്ഷ വിജ്ഞാപനം; തിയറി പരീക്ഷകൾ ജൂലൈ 25 മുതൽ 30 വരെ.

ഹയർ സെക്കണ്ടറി (വൊക്കേഷണൽ) വിഭാഗം ജൂലൈയിൽ നടത്തുന്ന സേ/ ഇംപ്രൂവ്‌മെന്റ് പരീക്ഷയുടെ വിജ്ഞാപനമായി. തിയറി പരീക്ഷകൾ ജൂലൈ 25ന് ആരംഭിച്ച് 30ന് അവസാനിക്കും. അപേക്ഷകൾ പിഴകൂടാതെ ജൂലൈ 4നും 600 രൂപയോടെ 7 വരെയും...

24 മണിക്കൂറിനിടെ കോവിഡ് സ്ഥിരീകരിച്ചത് 18,000 പേർക്ക്‌.

ന്യൂഡല്‍ഹി : രാജ്യത്ത് പ്രതിദിന കോവിഡ് രോഗികളുടെ എണ്ണം 18,000 കടന്നു. ഇന്ന് 18,819 പേർക്കാണ് രോഗം സ്ഥിരീകരിച്ചത്. 4.16 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 24 മണിക്കൂറിനിടെ 39 മരണവും സ്ഥരീകരിച്ചു. 39...

മരുന്ന് മാറി നല്‍കി: മെഡിക്കല്‍ ഷോപ്പിനെതിരെ കേസ്.

ഗര്‍ഭിണിയായ യുവതിക്ക് ഗര്‍ഭം നിലനിര്‍ത്തുന്നതിനുള്ള മരുന്നിന് പകരം ഗര്‍ഭം അലസിപ്പിക്കുന്നതിനുള്ള മരുന്ന് മാറി നല്‍കിയതിനെ തുടര്‍ന്ന് എടവണ്ണയിലെ സ്വകാര്യ മെഡിക്കല്‍ ഷോപ്പിനെതിരെ ഡ്രഗ്‌സ് കണ്‍ട്രോള്‍ വിഭാഗം കേസെടുത്തു. എടവണ്ണ സ്വദേശിയുടെ പരാതിയിലാണ് നടപടി. എടവണ്ണയിലെ സ്വകാര്യ...

ബീച്ചില്‍ ഉറങ്ങാന്‍ കിടന്ന യുവാവിനെ കാണാനില്ലെന്ന് പരാതി; തിരയില്‍പ്പെട്ടെന്ന് സംശയം.

മദ്യപിച്ച ശേഷം സുഹൃത്തിനൊപ്പം കടല്‍ കാണാന്‍ കുമരകത്തുനിന്ന് ആലപ്പുഴ കാട്ടൂര്‍ ജങ്ഷന് പടിഞ്ഞാറുള്ള തീരത്ത് അര്‍ധരാത്രിയോടെ എത്തിയ യുവാവിനെ കാണാനില്ലെന്ന് പരാതി.കുമരകം പഞ്ചായത്ത് നാലാം വാര്‍ഡില്‍ ആപ്പീത്ര ഭാഗത്ത് പുത്തന്‍പുര പരേതനായ വിശ്വംഭരന്റെ...
Facebook Comments
WP2Social Auto Publish Powered By : XYZScripts.com
error: