17.1 C
New York
Monday, January 24, 2022
Home Literature വിധിപ്പകർപ്പ് (കവിത)

വിധിപ്പകർപ്പ് (കവിത)

സി. ജി.ഗിരിജൻ ആചാരി തോന്നല്ലൂർ

ഒറ്റപ്പെട്ടുപോകുന്നവന്റെ ആവനാഴിയിൽ അമ്പുകൾ ഓരോന്നായി അവശേഷിക്കുവാൻ
ഇനിയേറെ സമയമില്ല…
നഷ്ടബോധത്തിന്റെ ഓർമ്മപ്പെടുത്തലുകൾ കവിതയുടെ നാമ്പുകൾ പലതും അടർത്തിമാറ്റപ്പെട്ടു…
കാലത്തിന്റെ കണക്കുപുസ്തകത്തിൽ ഒരു കവികൂടി തെരുവിൽ അലയാൻ
വിധിയേറ്റു വാങ്ങി…
ഭ്രാന്തനെന്ന് ആർത്തുകൂവുവാൻ ആയിരങ്ങൾ….
പ്രത്യയശാസ്ത്രത്തിന്റെ വഴികളിൽ കവിതകൾകൊണ്ടു വിപ്ലവംകുറിച്ചവൻ…
സനാതനത്തിന്റെ ചുവരുകൾക്കുള്ളിൽ വിശുദ്ധിയുടെ കുപ്പായമണിഞ്ഞവൻ…
മേൽക്കോയ്മകളിൽ കവിക്കും കവിതയ്ക്കും ജാത്യാദി മൂല്യങ്ങൾ കല്പിച്ചപ്പോൾ തിരസ്കരിക്കപ്പെട്ടവൻ……
പക്ഷപാതത്തിന്റെയും കുതികാൽ വെട്ടിന്റെയും കൗശലങ്ങളുടെ ചേർത്തുപിടിയ്ക്കലുകൾ
അവനെ പലരും ഒറ്റപ്പെടുത്തി….
അവൻ ചുറ്റും നോക്കി…
വിശന്നപ്പോൾ താൻ അന്നം നൽകിയോൻ,
അക്ഷരങ്ങളുടെ വഴികളിൽ താൻ മാർഗ്ഗം നൽകിയവൻ,
കിടക്കാനിടമില്ലാതെവന്നപ്പോൾ
കിടക്കാനിടം നൽകിയോൻ,
ജീവൻ പകുത്തു തനിക്കു നൽകാൻ
മടിയില്ലെന്നോതിയോർ…
എല്ലാം മറന്ന് മുന്നിലും
പിന്നിലുമുണ്ട്…
തന്റെ അധഃപതനം കാണാൻ
പുതിയ യൂദാസ്സുകളുടെ അവതാരങ്ങൾ…
എല്ലാം തിരിച്ചറിയുന്ന
ക്രൂശിതനായ കർത്താവിന്റെ ചുണ്ടിൽ വിരിഞ്ഞ പുഞ്ചിരിക്ക്
പലപല അർത്ഥങ്ങളുണ്ടായിരുന്നു…
ജന്മംകൊണ്ടും കർമ്മംകൊണ്ടും ത്യാഗംകൊണ്ടും സ്നേഹംകൊണ്ടും താൻ തിരിച്ചറിഞ്ഞ നേരിന്റെയും നെറികേടിന്റെയും
ഒരുപിടി നേർചിത്രങ്ങൾ…

ഇവിടെ അക്ഷരക്കൂട്ടുകളുടെ കുറിമാനങ്ങളിൽ,
അറിയാതെ തൂലിക ചലിക്കുമ്പോൾ
അകലെനിന്നും വീണ്ടും കേൾക്കുന്നുണ്ട്,
സത്യാന്വേഷണങ്ങളുടെ വഴിത്താരകളിൽ
കലികാലത്തിന്റെ ചാവേറുകൾ
ബലികഴിച്ച ആയിരങ്ങളുടെ രോദനങ്ങൾ….
കണ്ണുമൂടപ്പെട്ട നീതിദേവത കണ്ണുകൾ
ഒന്നുകൂടി ഇറുക്കിയടച്ചു
തന്റെ കൈകളിലേൽപിച്ച നിയമത്രാസിന്റെ
നിസ്സഹായതയോർത്ത്….

സി. ജി.ഗിരിജൻ ആചാരി തോന്നല്ലൂർ

COMMENTS

3 COMMENTS

LEAVE A REPLY

Please enter your comment!
Please enter your name here

- Advertisment -

Most Popular

പ്രഭാത സവാരിക്കിറങ്ങിയ കോണ്‍ഗ്രസ് നേതാവ് റോഡരികില്‍ മരിച്ച നിലയില്‍.

തിരുവനന്തപുരം പേരൂര്‍ക്കടയില്‍ പ്രഭാത സവാരിക്കിറങ്ങിയ പ്രാദേശിക കോണ്‍ഗ്രസ് നേതാവിനെ മരിച്ച നിലയില്‍ കണ്ടെത്തി. ശാസ്തമംഗലം ശ്രീരംഗം ലെയിന്‍ ഹൗസ് നമ്പര്‍ 29 മീനാ ഭവനില്‍ കൃഷ്ണന്‍ നായരുടെ മകന്‍ വനജകുമാര്‍ (52) ആണ് മരിച്ചത്.കോണ്‍ഗ്രസ്...

രാജ്യത്തെ പ്രധാന നഗരങ്ങളിൽ കോവിഡ് രോഗികളുടെ എണ്ണം കുത്തനെ കുറഞ്ഞു.

രാജ്യത്തെ പ്രധാന നഗരങ്ങളിൽ കോവിഡ് രോഗികളുടെ എണ്ണം കുത്തനെ കുറഞ്ഞു. ദില്ലിയില്‍ ഒരിടവേളയ്ക്ക് ശേഷം പ്രതിദിന കോവിഡ് കേസുകൾ പതിനായിരത്തിന് താഴെയെത്തി. മുബൈയിലും കൊൽക്കത്തയിലും മൂവായിരത്തിൽ കുറവാണ് രോഗികൾ. കർണാടകയിലാണ് ഇന്നലെ ഏറ്റവും...

ദേശീയ ബാലികാ ദിനം.

ഇന്ത്യയുടെ ആദ്യത്തെ വനിതാപ്രധാനമന്ത്രിയായി 1966-ൽ ഇന്ദിരാഗാന്ധി ചുമതലയേറ്റ ജനുവരി 24 ആണ് ദേശീയ ബാലികാ ദിനമായി ആചരിക്കുന്നത്.. രാഷ്ട്രം ജനുവരി 24ന് ദേശീയ ബാലികാ ദിനം ആഘോഷിക്കുകയാണ്. പെണ്‍കുട്ടിക്ക് സമൂഹത്തിലുള്ള തുല്യ പദവി അംഗീകരിക്കുന്നതിനും...

പി. പത്മരാജൻ – ചരമദിനം.

മലയാള ചലച്ചിത്ര സംവിധായകൻ, തിരക്കഥാകൃത്ത്, സാഹിത്യകാരൻ എന്നീ നിലകളിൽ പ്രശസ്തനായിരുന്നു പി. പത്മരാജൻ (മേയ് 23, 1945 – ജനുവരി 24, 1991). ഒരിടത്തൊരു ഫയൽവാൻ (1981), അരപ്പട്ട കെട്ടിയ ഗ്രാമത്തിൽ (1986),...
WP2Social Auto Publish Powered By : XYZScripts.com
error: