17.1 C
New York
Sunday, June 26, 2022
Home Cinema വിജയ് യുടെ 'മാസ്റ്റർ ' എന്ന മാസ് ചിത്രവുമായ് കേരളത്തിലെ തിയറ്ററുകൾ വീണ്ടും ഉത്സവ പ്രതീതിയിൽ

വിജയ് യുടെ ‘മാസ്റ്റർ ‘ എന്ന മാസ് ചിത്രവുമായ് കേരളത്തിലെ തിയറ്ററുകൾ വീണ്ടും ഉത്സവ പ്രതീതിയിൽ

റിപ്പോർട്ട്: സുരേഷ് സൂര്യ – ചിത്രങ്ങൾ: സജി മാധവൻ.

കോവിഡ് എന്ന മഹാമാരിമൂലം ദീർഘകാലമായി അടഞ്ഞു കിടന്ന സിനിമാ തിയറ്ററുകൾ വീണ്ടും സജീവമായി, ഏറെ നാളായി ആരാധകർ കാത്തിരുന്ന വിജയ് യുടെ ‘മാസ്റ്റർ’ എന്ന മാസ്റ്റർപീസ് ചിത്രവുമായാണ് പ്രദർശനം വീണ്ടും ആരംഭിച്ചത്. വിജയ് യുടെ ചിത്രത്തിനായ് കാത്തിരുന്ന ആരാധകർ ആഘോഷപൂർവ്വമാണ് സിനിമയെ വരവേറ്റത്. കോട്ടയത്ത് നാലു തിയറ്ററുകളിലാണ് ചിത്രം പ്രദർശിപ്പിക്കുന്നത്. .നാലു തീയറ്ററിലും ആദ്യ ദിനത്തെ പ്രദർശനങ്ങൾ ഹൗസ് ഫുള്ളായിരുന്നു. പ്ലസ് ടൂ , കോളേജ് എന്നീ വിഭാഗങ്ങൾ വീണ്ടും തുറന്നതിനാൽ കൂടുതലും വിദ്യാർത്ഥികളുടെ തിരക്കായിരുന്നു.

കോവിഡ് നിയന്ത്രണങ്ങൾ പാലിച്ചാണ് ആളുകളെ കയറ്റി വിടുന്നത് എങ്കിലും, വൻ തിരക്കിനെ അപകടകരമായ ഒരു സാഹചര്യമായി കാണുന്നില്ലേ എന്ന ഞങ്ങളുടെ ഫോട്ടോഗ്രാഫർ സജി മാധവന്റെ ചോദ്യത്തിന് സെക്യൂരിറ്റിയുടെ മറുപടി ഇപ്രകാരം ആയിരുന്നു – ” കുടുംബം പോറ്റുവാനുള്ള വരുമാന മാർഗ്ഗത്തിനു വേണ്ടിയാണ് അപകടമാണെന്നറിഞ്ഞിട്ടും ഭയത്തോടുക്കൂടി ഞങ്ങൾ ഇവിടെ നിൽക്കുന്നത്. ഇതല്ലാതെ മറ്റു മാർഗ്ഗങ്ങൾ ഞങ്ങളുടെ മുന്നിലില്ല.”. വിദ്യാർത്ഥികളുടെ തിരക്കുകൾ ഉണ്ടെങ്കിലും കുടുംബ പ്രേക്ഷകർ കാര്യമായ തോതിൽ ഇതുവരെയും എത്തിത്തുടങ്ങിയിട്ടില്ല എന്നും തിയറ്റർ ജീവനക്കാർ പറഞ്ഞു. എന്നാൽ രണ്ടാം ദിവസമായ ഇന്നലെ മിക്ക തിയറ്ററുകളിലും ആളുകളുടെ തള്ളിക്കയറ്റം ഗണ്യമായി കുറഞ്ഞിട്ടുണ്ട്. തിയറ്ററുകളുടെ മേന്മ നോക്കിയാണ് മിക്ക ആളുകളും തിയറ്ററുകൾ തിരഞ്ഞെടുക്കുന്നത് എന്നതാണ് ഇതിനു കാരണമായി കണക്കാക്കുന്നത്.

കോവിഡ് നിയന്ത്രണങ്ങൾ നിലനിൽക്കുന്നതിനാൽ വിജയ് ഫാൻസ്  കൊട്ടും പാട്ടും പാലാഭിഷേകവും പോലുള്ള വലിയ ആഘോഷ പരിപാടികൾ  ഒഴിവാക്കി. എങ്കിലും ആരാധകർ ചിത്രത്തിൻ്റെ റിലീസിംഗ് പറ്റുന്ന വിധം ആഘോഷമാക്കി മാറ്റി. തിയറ്ററിനകത്തും ആഘോഷം തുടർന്നു. . ഒരിടവേളയ്ക്ക് ശേഷം ബിഗ് സ്ക്രീനിൽ നായകനെ കണ്ട ആരാധകർ ശരിക്കും അത് ആഘോഷിച്ചു. റിലീസിംഗ് ദിവസം  രാവിലെ മുതൽ തീയറ്ററുകളുടെ  മുൻപിൽ ആരാധകരുടെ തിക്കും തിരക്കുമായിരുന്നു.   മാസങ്ങൾ അടഞ്ഞു കിടന്ന തിയറ്ററുകൾ തുറന്നത് സിനിമ മേഖലയക്കും തിയറ്റർ വ്യവസായത്തിനുംഉണർവ്വ് പകരുന്നു എന്നത്   പ്രതീക്ഷയ്ക്ക് വക നൽകുന്നു . ജയസൂര്യയുടെ ചിത്രമാണ് അടുത്ത റിലിസ്.
Facebook Comments

COMMENTS

- Advertisment -

Most Popular

പ്ലസ് വണ്‍ പ്രവേശനം: എല്ലാ വിദ്യാര്‍ത്ഥികൾക്കും ജാതി സര്‍ട്ടിഫിക്കറ്റ് വേണ്ടെന്ന് വിദ്യാഭ്യാസവകുപ്പ് ഡയറക്ടര്‍.

പ്ലസ് വണ്‍ പ്രവേശനത്തിന് പ്രത്യേക ജാതി സര്‍ട്ടിഫിക്കറ്റ് എല്ലാ വിദ്യാര്‍ത്ഥികൾക്കും ആവശ്യമില്ലെന്ന് പൊതുവിഭ്യാഭ്യാസവകുപ്പ് ഡയറക്ടര്‍ അറിയിച്ചു. എസ്എസ്എൽസി പാസ്സായ വിദ്യാര്‍ത്ഥികൾ കൂട്ടത്തോടെ ജാതി സര്‍ട്ടിഫിക്കറ്റ് അപേക്ഷയുമായി വില്ലേജ് ഓഫീസുകളെ സമീപിക്കുന്ന സാഹചര്യത്തിലാണ് പൊതുവിദ്യാഭ്യാസ...

കൊല്ലത്ത് 10,750 കിലോ പഴകിയ മത്സ്യം പിടിച്ചെടുത്തു.

കൊല്ലം ആര്യങ്കാവിൽ നിന്ന് വൻതോതിൽ പഴകിയ മത്സ്യങ്ങൾ പിടികൂടി. ഇന്നലെ രാത്രി നടത്തിയ പരിശോധനയിലാണ് 10,750 കിലോ മത്സ്യം പിടിച്ചെടുത്തത്. ഭക്ഷ്യസുരക്ഷാ വകുപ്പിന്റെ നേതൃത്വത്തിലാണ് മിന്നൽ പരിശോധന നടന്നത്. ഇന്നലെ അർദ്ധരാത്രിയായിരുന്നു ഭക്ഷ്യസുരക്ഷാ വകുപ്പിന്റെ...

‘ദുരിതമനുഭവിക്കുന്ന അഫ്ഗാൻ ജനതയ്‌ക്ക് വീണ്ടും സഹായഹസ്തവുമായി ഇന്ത്യ’.

ഭക്ഷ്യക്ഷാമവും ഭൂകമ്പത്തിന്റെ കെടുതികളും അനുഭവിക്കുന്ന അഫ്ഗാൻ ജനതയ്‌ക്ക് വീണ്ടും സഹായഹസ്തവുമായി ഇന്ത്യ. പാകിസ്താൻ വഴി കടൽമാർഗം 3000 മെട്രിക് ടൺ ഗോതമ്പാണ് ശനിയാഴ്ച ഇന്ത്യ അഫ്ഗാനിസ്ഥാനിലേക്ക് അയച്ചത്. അഫ്ഗാൻ ഭൂചലനത്തിന്റെ പശ്ചാത്തലത്തിൽ എല്ലാ വിധ...

വെഞ്ഞാറമൂട്ടില്‍ ദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി.

തിരുവനന്തപുരം: വെഞ്ഞാറമൂട്ടില്‍ ദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി. വെഞ്ഞാറമൂട് മേലാറ്റ്മൂഴി സ്വദേശികളായ ശശിധരൻ (65), ഭാര്യ സുജാത (60) എന്നിവരെയാണ് വീടിനുള്ളിൽ തൂങ്ങി മരിച്ച നിലയിൽ കണ്ടെത്തിയത്. അയൽവാസികൾ ആണ് മൃതദേഹം കണ്ടെത്തിയത്....
Facebook Comments
WP2Social Auto Publish Powered By : XYZScripts.com
error: