17.1 C
New York
Friday, June 18, 2021
Home India ലോക സന്തോഷ സൂചിക: 149 രാജ്യങ്ങളുടെ പട്ടികയില്‍ ഇന്ത്യയുടെ സ്ഥാനം 139

ലോക സന്തോഷ സൂചിക: 149 രാജ്യങ്ങളുടെ പട്ടികയില്‍ ഇന്ത്യയുടെ സ്ഥാനം 139

റിപ്പോർട്ട്: വിവേക് പഞ്ചമൻ

ന്യൂഡല്‍ഹി: ഐക്യരാഷ്ട്ര സഭയുടെ ‘വേള്‍ഡ് ഹാപ്പിനസ് റിപ്പോര്‍ട്ട് 2021’ല്‍ ഇന്ത്യ 139-ാമത്. 149 രാജ്യങ്ങളുടെ പട്ടികയില്‍ ഒന്നാം സ്ഥാനത്തുള്ളത് ഫിന്‍ലന്‍ഡ് ആണ്. കോവിഡ് 19ന്റെ പ്രത്യാഘാതങ്ങളെ ലോകത്തിലെ വിവിധ രാജ്യങ്ങളിലെ ജനങ്ങള്‍ എങ്ങനെ തരണം ചെയ്തു എന്നതിനെ അടിസ്ഥാനമാക്കിയായിരുന്നു ഹാപ്പിനസ് റിപ്പോര്‍ട്ട്.

149 രാജ്യങ്ങളില്‍ നടത്തിയ പഠനത്തില്‍ ജനങ്ങള്‍ സ്വന്തം അവസ്ഥകളില്‍ എത്രത്തോളം സന്തോഷവാന്‍മാരാണ് എന്നായിരുന്നു പരിശോധിച്ചത്. രണ്ടുതലങ്ങളിലാണ് ഈ പരിശോധന നടന്നത്. ഒന്നാമതായി, കോവിഡ് മഹാമാരി ജനങ്ങളുടെ ജീവിതത്തിന്റെ ഘടനയിലും നിലവാരത്തിലും ഏതുതരത്തിലുള്ള ഫലങ്ങളാണുണ്ടാക്കിയതെന്ന് പരിശോധിച്ചു. രണ്ടാമതായി, ലോകത്തെ വ്യത്യസ്ത സര്‍ക്കാരുകള്‍ മഹാമാരിയെ എങ്ങനെ കൈകാര്യം ചെയ്തു എന്നും പരിശോധിച്ചു. ചില രാജ്യങ്ങള്‍ മറ്റു രാജ്യങ്ങളേക്കാള്‍ മികച്ച രീതിയില്‍ എങ്ങനെ കോവിഡ് സാഹചര്യത്തെ മറികടന്നു എന്നതും പഠനത്തിന്റെ ഭാഗമായിരുന്നു.

പട്ടികയില്‍ ഇന്ത്യയുടെ സ്ഥാനം 139-ാമത് ആണ്. 2019ല്‍ ഇന്ത്യയുടെ സ്ഥാനം 140 ആയിരുന്നു. നേരിട്ടും ടെലഫോണ്‍ മുഖേനയുമായിരുന്നു ഇന്ത്യയിലെ ജനങ്ങളില്‍നിന്ന് അഭിപ്രായങ്ങള്‍ തേടിയത്. ജിഡിപി, സാമൂഹ്യസുരക്ഷ തുടങ്ങിയ ഘടകങ്ങള്‍ കൂടി പരിഗണിച്ചാണ് പട്ടിക തയ്യാറാക്കിയിരിക്കുന്നത്.

ഒന്നാം സ്ഥാനത്തുള്ള ഫിന്‍ലാന്‍ഡിനെ പിന്തുടര്‍ന്ന് ഐസ്‌ലന്‍ഡ്, ഡെന്‍മാര്‍ക്ക്, സ്വിറ്റ്‌സര്‍ലന്‍ഡ്, നെതര്‍ലന്‍ഡ്‌സ്, സ്വീഡന്‍, ജര്‍മനി, നോര്‍വേ തുടങ്ങിയ രാജ്യങ്ങളാണ് പട്ടികയില്‍ ഇടംപിടിച്ചിരിക്കുന്നത്. ഇന്ത്യയുടെ അയല്‍ രാജ്യങ്ങളായ പാകിസ്താന്‍ 105-ാം സ്ഥാനത്തും ബംഗ്ലാദേശ് 101, ചൈന 84 എന്നിങ്ങനെയുമാണ് പട്ടികയിലുള്ളത്.

അഫ്ഗാനിസ്താന്‍ ആണ് പട്ടികയില്‍ ഏറ്റവും അവസാനമുള്ളത്. സിംബാബ്‌വേ, റുവാണ്ട, ബോട്‌സ്വാന, ലസോതോ എന്നിവയാണ് അവസാന സ്ഥാനത്തുള്ള മറ്റു രാജ്യങ്ങള്‍. പട്ടികയില്‍ അമേരിക്കയുടെ സ്ഥാനം 19 ആണ്.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

11,361 പേര്‍ക്ക് കോവിഡ്-19 സ്ഥിരീകരിച്ചു

ഇന്ന് 11,361 പേര്‍ക്ക് കോവിഡ്-19 സ്ഥിരീകരിച്ചു 12,147 പേര്‍ രോഗമുക്തി നേടി; ചികിത്സയിലുള്ളവര്‍ 1,07,682; ആകെ രോഗമുക്തി നേടിയവര്‍ 26,65,354 കഴിഞ്ഞ 24 മണിക്കൂറിനിടെ 1,11,124 സാമ്പിളുകള്‍ പരിശോധിച്ചു ടി.പി.ആര്‍. 30ന് മുകളിലുള്ള 16 പ്രദേശങ്ങള്‍ തിരുവനന്തപുരം: കേരളത്തില്‍...

കവി എസ്.രമേശൻ നായർ അന്തരിച്ചു.

കവി എസ്.രമേശൻ നായർ  അന്തരിച്ചു. 73 വയസ്സായിരുന്നു. കൊവിഡ് ബാധയെ തുടർന്ന് എറണാകുളം ലക്ഷമി ഹോസ്പ്പിറ്റലിൽ ചികിത്സയിലായിരുന്നു. എളമക്കര പുന്നയ്ക്കൽ പുതുക്കലവട്ടത്ത് ആണ് താമസിച്ചിരുന്നത്. 

കോട്ടയം ജില്ലയില്‍ 505 പേര്‍ക്ക് കോവിഡ്

കോട്ടയം ജില്ലയില്‍ 505 പേര്‍ക്ക് കോവിഡ് കോട്ടയം ജില്ലയില്‍ 505 പേര്‍ക്കു കൂടി കോവിഡ് സ്ഥിരീകരിച്ചു. 501 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. ഇതിൽ രണ്ട് ആരോഗ്യ പ്രവർത്തകരും ഉൾപ്പെടുന്നു.സംസ്ഥാനത്തിനു പുറത്തുനിന്നെത്തിയ നാലു...

സംസ്ഥാനത്ത് ബാറുകളില്‍ മദ്യത്തിന് വില വര്‍ധിപ്പിച്ചു; 15 ശതമാനം വര്‍ധന

സംസ്ഥാനത്ത് ബാറുകളില്‍ മദ്യത്തിന് വില വര്‍ധിപ്പിച്ചു; 15 ശതമാനം വര്‍ധന സംസ്ഥാനത്ത് ബാറുകളിലെ മദ്യത്തിന് വില വർധിപ്പിച്ചു. ബെവ്കോ ഔട്ട്ലെറ്റുകളിലും ബാറുകളിലും ഇനി മുതൽ രണ്ട് നിരക്കിലായിരിക്കും മദ്യവിൽപ്പന. ലോക്ഡൗൺ കാലത്ത് ബെവ്കോ ഔട്ട്ലെറ്റുകൾ അടഞ്ഞു...
WP2Social Auto Publish Powered By : XYZScripts.com
Share via
Copy link
Powered by Social Snap