17.1 C
New York
Saturday, September 18, 2021
Home US News ലൈസെന്‍സില്ലാതെ തോക്ക് കൈവശം വെക്കാവുന്ന നിയമം ടെക്‌സസ് സെനറ്റില്‍ പാസാകില്ലെന്ന് ലഫ്. ഗവര്‍ണര്‍

ലൈസെന്‍സില്ലാതെ തോക്ക് കൈവശം വെക്കാവുന്ന നിയമം ടെക്‌സസ് സെനറ്റില്‍ പാസാകില്ലെന്ന് ലഫ്. ഗവര്‍ണര്‍

റിപ്പോർട്ട്: പി.പി. ചെറിയാൻ

ഓസ്റ്റിന്‍: ലൈസെന്‍സ് ഇല്ലാതെ തോക്കുകൈവശം വയ്ക്കാവുന്ന നിയമം ടെക്‌സസ് നിയമസഭ പാസ്സാക്കിയിട്ടുണ്ടെങ്കിലും, ടെക്‌സസ് സെനറ്റില്‍ പാസാക്കുവാന്‍ കഴികയില്ലെന്ന് ടെക്‌സസ് ലഫ്. ഗവര്‍ണര്‍ ഡാന്‍ പാട്രിക്.

കഴിഞ്ഞ വെള്ളിയാഴ്ചയാണ് ബില്‍ ചര്‍ച്ചക്കുശേഷം സെനറ്റിന്റെ അംഗീകാരത്തിനായി അയച്ചത്. വ്യാഴാഴ്ച 56 നെതിരെ 84 വോട്ടുകള്‍ക്ക് നിയമസഭ ബില്‍ അംഗീകരിച്ചിരുന്നു. ടെക്‌സസ് സെനറ്റില്‍ ബില്‍ പാസ്സാക്കുന്നതിനാവശ്യമായ വോട്ട് ലഭിക്കുകയില്ലെന്ന് തിങ്കളാഴ്ച (ഏപ്രില്‍ 19) ലഫ്. ഗവര്‍ണര്‍ നടത്തിയ വാര്‍ത്താസമ്മേളനത്തില്‍ അറിയിച്ചു.
വോട്ടു ലഭിക്കുമെന്ന് ഉറപ്പുണ്ടെങ്കില്‍ ബില്‍ ഞാന്‍ സെനറ്റില്‍ അവതരിപ്പിക്കും – പാട്രിക് കൂട്ടിചേര്‍ത്തു.

മുപ്പത്തിഒന്ന് സെനറ്റ് അംഗങ്ങളില്‍ 18 പേരുടെ പിന്തുണ ബില്‍ പാസ്സാക്കണമെങ്കില്‍ ആവശ്യമുണ്ട്. നിലവില്‍ റിപ്പബ്ലിക്കന്‍ അംഗങ്ങളുടെ എണ്ണം പതിനെട്ടാണ്. ഇവരെല്ലാവരും ബില്ലിനെ അനുകൂലിച്ചെങ്കില്‍ മാത്രമേ ബില്‍ ചര്‍ച്ചക്ക് എടുക്കുകയുള്ളൂവെന്നും ഡാന്‍ പാട്രിക് പറഞ്ഞു.

പെര്‍മിറ്റില്ലാതെ തോക്ക് ഉപയോഗിക്കുന്നതിനെ എതിര്‍ക്കുന്ന നിയമ പാലകരുമായും, നാഷനല്‍ റൈഫിള്‍ അസോസിയേഷനും, ഗണ്‍ ഓണേഴ്‌സ് അസോസിയേഷനുമായി ചര്‍ച്ച ചെയ്തു ബില്‍ പാസാക്കുന്നതിനുള്ള നടപടികള്‍ സ്വീകരിക്കുമെന്നും ഡാന്‍ പാട്രിക് പറയുന്നു. അമറില്ലൊയില്‍ നിന്നുള്ള റിപ്പബ്ലിക്കന്‍ സെനറ്റര്‍ കെല്‍ സെലിഗര്‍ ഇതിനകം തന്നെ ബില്ലിനെ പിന്തുണക്കുകയില്ലെന്ന് പ്രസ്താവനയിറക്കിയിട്ടുണ്ട്.

അമേരിക്കയില്‍ വെടിവെപ്പു സംഭവങ്ങള്‍ ദൈനംദിനം വര്‍ധിച്ചുവരുന്നതിനിടയില്‍ സ്വയ രക്ഷക്ക് ഹാന്‍ഡ് ഗണ്‍ കൈവശം കരുതേണ്ടതുണ്ടെന്നാണ് അനുകൂലമായി വാദിക്കുന്നവര്‍ ഉന്നയിക്കുന്ന പ്രധാന വാദമുഖം.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

മലങ്കരയുടെ പ്രത്യാശ (കവിത)

മലങ്കരയ്ക്കഭിമാന നിമിഷംമാർത്തോമ്മാ ശ്ലീഹാ സിംഹാസനത്തിൽ ...

ചിന്തകളുടെ തടവറയിൽ – ...

നമ്മുക്ക് എല്ലാവർക്കും ഒരു പേരുണ്ട്. ഒരു കുടുംബത്തിലെ കുറച്ചു ബന്ധങ്ങളിലും, ചുറ്റുമുള്ള ചില സൗഹൃദങ്ങളിലും നാം നമ്മെ തളച്ചിട്ടിരിക്കുന്നു. ഏതോ ജാതിയുടെയോ, മതത്തിന്റെയോ പേരിൽ, ജനിച്ചപ്പോൾ തന്നെ സമൂഹം നമുക്ക് മുദ്രയിട്ട് കഴിഞ്ഞിരിക്കുന്നു....

“പൊന്നോണം എന്റെ സങ്കല്പത്തിൽ..” (ലേഖന മത്സരം – (21)

കോവിഡ് വ്യാപനത്തിന്റെ പശ്ചാത്തലത്തിൽ ഇത്തവണത്തെ ഓണാഘോഷം വീടുകളിൽ മാത്രം ആക്കണം എന്ന് തിരുവനന്തപുരം ജില്ലാ കളക്ടർ. ഈ കൊറോണ കുഞ്ഞ് എത്രകാലമായി എല്ലാവരുടെയും സ്വൈരജീവിതം തടസ്സപ്പെടുത്തിക്കൊണ്ട് ഇങ്ങനെ നിൽക്കുന്നു? ഗൃഹാതുരത്വത്തിന്റെ ഓർമകളുമായി ഇത്തവണയും ഓണം...

“പൊന്നോണം എന്റെ സങ്കല്പത്തിൽ..” (ലേഖന മത്സരം – (20)

ഓണം -കേരളത്തിന്റെ ദേശീയോത്സവം, മലയാളിയുടെ സ്വകാര്യ അഹങ്കാരം. ചിങ്ങമാസത്തിലെ തിരുവോണ നാളിലാണ് നാം ഓണംആഘോഷിക്കുന്നത്. ഓണത്തെക്കുറിച്ചുള്ള ഐതീഹ്യം പറയാതെ പോയാൽ അതിന്റെ പ്രസക്തി അപ്രസക്തമാകും. രാജാക്കന്മാരാണ് പണ്ട് രാജ്യം ഭരിച്ചിരുന്നത്. കേരളം ഭരിച്ചിരുന്ന അസുര...
WP2Social Auto Publish Powered By : XYZScripts.com
error: