17.1 C
New York
Saturday, January 22, 2022
Home Special ലെഗ്ഗിൻസ് തരംഗം (ലേഖനം)

ലെഗ്ഗിൻസ് തരംഗം (ലേഖനം)

മേരി ജോസ്സി മലയിൽ തിരുവനന്തപുരം.✍

162 വർഷംമുമ്പ് കൃത്യമായി പറഞ്ഞാൽ 1859 ജൂലൈ 26 നാണ് ആയില്യം തിരുനാൾ മഹാരാജാവ് എല്ലാ ജാതിയിൽ പെട്ട സ്ത്രീകള്‍ക്കും മാറുമറയ്ക്കാനുള്ള അവകാശം കൊടുത്തു കൊണ്ടുള്ള ഉത്തരവ് ഇറക്കിയത്. ഇന്നത്തെ മെട്രോ മനോരമയിൽ ഇനി മുതൽ ലേസ് ലെഗ്ഗിൻസും പ്രിൻറ്ഡ് ലെഗ്ഗിൻസും ആണ് യൂണിസെക്സ് ഫാഷൻ എന്ന നിലയിൽ തരംഗം ഉയർത്താൻ പോകുന്നത് എന്ന വാർത്ത വായിച്ചപ്പോൾ ഇത്രയും പറയാതെ വയ്യ എന്നു തോന്നി.

“സ്ത്രീകൾ വിനയത്തോടും വിവേകത്തോടും കൂടെ ഉചിതമായ വിധം വസ്ത്രധാരണം ചെയ്തു നടക്കണം എന്ന് ഞാൻ ഉപദേശിക്കുന്നു.” (തിമോത്തി 2:9) ഇങ്ങനെയാണല്ലോ ബൈബിളിൽ പറഞ്ഞിരിക്കുന്നത്.

സ്ത്രീകളുടെ മോശമായ വസ്ത്രധാരണം കൊണ്ടാണ് ഇവിടെ പീഡനങ്ങൾ കൂടുന്നത് എന്ന് പറയുന്നില്ല. എന്നാലും കഴിഞ്ഞദിവസം ഒരു ആധുനിക സൂപ്പർമാർക്കറ്റിൽ കണ്ട കാഴ്ച ഒരു അശ്ലീല ചിത്രത്തേക്കാൾ അറപ്പുളവാക്കുന്നതായി തോന്നി. തടിച്ചുകൊഴുത്ത 90 കിലോ എങ്കിലും ഭാരമുള്ള ഒരു സ്ത്രീ ട്രോളി ഉന്തി ഓരോ സാധനങ്ങൾ പെറുക്കി കൂട്ടുകയാണ്. സ്കിൻ കളറിലുള്ള ലെഗ്ഗിൻസും ഷോർട്ട് ടോപ്പും ആണ് വേഷം.ഒറ്റനോട്ടത്തിൽ ഒരു മദാമ്മ അരയ്ക്കുതാഴെ വസ്ത്രം ഇല്ലാതെ നിൽക്കുകയാണെന്നാണ് തോന്നിയത്. അടുത്തെത്തിയപ്പോഴാണ് ആളു മദ്‌ദാമ്മയല്ല നാടൻ ആണെന്ന് മനസ്സിലായത്. ദൈവമേ!! ഇതിനാണോ നമ്മുടെ പൂർവികർ വലിയ സമരം ഒക്കെ നടത്തി മാന്യമായി വസ്ത്രം ധരിക്കാനുള്ള അവകാശം നേടിയെടുത്തത് എന്ന് തോന്നി.

വസ്ത്രധാരണം ഓരോരുത്തരുടെയും ഇഷ്ടത്തിന് അനുസരിച്ച് ഉള്ളതാണ്. തികച്ചും വ്യക്തിപരം. അതിൽ ഇടപെടാൻ ആർക്കും ഒരു അവകാശവുമില്ല. ധരിക്കുന്നവരുടെ കംഫർട്ട് ആണ് പ്രധാനം. എന്നാലും ഈ കോക്രി വേഷങ്ങൾ കെട്ടി പുറത്തേക്ക് ഇറങ്ങുന്നതിനു മുമ്പ് കണ്ണാടിയിൽ തൽസ്വരൂപം ഒന്ന് നോക്കുന്നത് നല്ലത് തന്നെയായിരിക്കും.
ഞാൻ ഒരു ദോഷൈകദൃക്കല്ല. ലഗിൻസ് ഒരു മോശം വേഷവുമല്ല. മെലിഞ്ഞ് കൊലുന്നനെയുള്ള പെൺകുട്ടികൾ ധരിച്ചാൽ നല്ല ഭംഗിയായിരിക്കും. ഫാഷന്റെ പുറകെ അന്ധമായി പരക്കം പായാതെ അവരവരുടെ ശരീരത്തിന് ചേരുന്ന വസ്ത്രങ്ങൾ തിരഞ്ഞെടുത്താൽ കാഴ്ചക്കാർക്കും അത് നയനാനന്ദകരം ആയിരിക്കും.

പള്ളിയിൽ പലതവണ പ്രസംഗത്തിൽ വൈദികൻ വിളിച്ചുപറഞ്ഞു ഏറ്റവും നന്നായി വസ്ത്രധാരണം നടത്തി വേണം നിങ്ങൾ പള്ളിയിലേക്ക് എങ്കിലും എത്താൻ എന്ന്. കുറഞ്ഞ പക്ഷം കുർബാന സ്വീകരിക്കാൻ വരുന്ന ദിവസമെങ്കിലും പുരുഷന്മാർക്കു ഉതപ്പുളവാക്കുന്ന വസ്ത്രധാരണം ഒഴിവാക്കാൻ.

സ്വന്തം തെറ്റ് അംഗീകരിക്കുന്നത് മഹത്വത്തിന്റെ അടയാളമാണ്. തിരുത്തുന്നത് ഔന്നത്യത്തിലേക്കുള്ള ചവിട്ടുപടിയും. ഇതു വായിച്ചിട്ട് 90 കിലോയിൽ കൂടുതൽ ഭാരം ഉള്ളവർക്ക് ലെഗിൻസ് ഉപേക്ഷിക്കാൻ തോന്നിയാൽ നന്ദി. നമസ്കാരം!!


മേരി ജോസ്സി മലയിൽ
തിരുവനന്തപുരം.✍

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

സിപിഎം കാസര്‍കോട്, തൃശൂര്‍ ജില്ലാ സമ്മേളനങ്ങള്‍ക്കു തിരിച്ചടിയായി ഹൈക്കോടതി ഇടപെടല്‍.

സിപിഎം കാസര്‍കോട്, തൃശൂര്‍ ജില്ലാ സമ്മേളനങ്ങള്‍ക്കു തിരിച്ചടിയായി ഹൈക്കോടതി ഇടപെടല്‍. 50 പേരില്‍ കൂടുതലുള്ള കൂടിച്ചേരലുകള്‍ ഹൈക്കോടതി വിലക്കി. കാസര്‍കോട് ജില്ലാ കലക്ടറുടെ വിവാദ നടപടിയ്‌ക്കെതിരെ തിരുവനന്തപുരം സ്വദേശി അരുണ്‍ രാജ് സമര്‍പ്പിച്ച...

സംസ്ഥാനത്ത് 18 വയസിന് മുകളില്‍ ലക്ഷ്യം വച്ച ജനസംഖ്യയുടെ (2,67,09,000) 100 ശതമാനം പേര്‍ക്ക് ആദ്യ ഡോസ് കോവിഡ് വാക്‌സിന്‍ നല്‍കിയതായി ആരോഗ്യ മന്ത്രി വീണാ ജോര്‍ജ്.

സംസ്ഥാനത്ത് 18 വയസിന് മുകളില്‍ ലക്ഷ്യം വച്ച ജനസംഖ്യയുടെ (2,67,09,000) 100 ശതമാനം പേര്‍ക്ക് ആദ്യ ഡോസ് കോവിഡ് വാക്‌സിന്‍ നല്‍കിയതായി ആരോഗ്യ മന്ത്രി വീണാ ജോര്‍ജ്. സമ്ബൂര്‍ണ വാക്‌സിനേഷന്‍ 83 ശതമാനവുമായി...

രാജ്യത്ത് ഇന്ന് 3.37 ലക്ഷം കോവിഡ് കേസുകൾ, ഒമിക്രോൺ രോഗബാധിതർ പതിനായിരം കടന്നു.

രാജ്യത്ത് 24 മണിക്കൂറിനിടെ 3,37,704 പുതിയ കോവിഡ് കേസുകള്‍ റിപ്പോര്‍ട്ട് ചെയ്തു. ഒമിക്രോണ്‍ ബാധിതരു​ടെ എണ്ണം 10,050 ആയി. 19,60,954 സാംപിളുകളാണ് പരിശോധിച്ചത്. വെള്ളിയാഴ്ച 3,47,254 കോവിഡ് കേസുകളായിരുന്നു സ്ഥിരീകരിച്ചത്. 488 പേരാണ് കഴിഞ്ഞ ദിവസം...

ബിവറേജസ്, കണ്‍സ്യൂമര്‍ഫെഡ് ഔട്ട്‌ലെറ്റുകള്‍ നാളെ തുറക്കില്ല.

ബിവറേജസ്, കണ്‍സ്യൂമര്‍ഫെഡ് ഔട്ട്‌ലെറ്റുകള്‍ നാളെ തുറക്കില്ല. അടുത്ത ഞായറാഴ്ചയും ഔട്ട്‌ലെറ്റുകള്‍ പ്രവര്‍ത്തിക്കില്ലെന്ന് അധികൃതര്‍ അറിയിച്ചു.കോവിഡ് നിയന്ത്രണത്തിന്റെ ഭാഗമായി അടുത്ത രണ്ടു ഞായറാഴ്ചകളിലും ലോക്ഡൗണ്‍ സമാന നിയന്ത്രണങ്ങള്‍ ഏര്‍പ്പെടുത്തുന്നത് പരിഗണിച്ചാണ് ഔട്ട്‌ലെറ്റുകള്‍ക്ക് അവധി പ്രഖ്യാപിച്ചിട്ടുള്ളത്. അതേസമയം...
WP2Social Auto Publish Powered By : XYZScripts.com
error: