17.1 C
New York
Sunday, September 19, 2021
Home Kerala ലയൺസ് ഡിസ്ട്രിക്ട് 318 ബി - റാഫിൾ, കോട്ടയം മെഡിക്കൽ കോളേജിന് വെന്റിലേറ്റർ സമ്മാനിക്കുന്നു.

ലയൺസ് ഡിസ്ട്രിക്ട് 318 ബി – റാഫിൾ, കോട്ടയം മെഡിക്കൽ കോളേജിന് വെന്റിലേറ്റർ സമ്മാനിക്കുന്നു.

കോട്ടയം മെഡിക്കൽ കോളേജിന്റെ മികച്ച പ്രവർത്തനങ്ങൾക്കുള്ള അംഗീകാരമാണ് ഈ സമ്മാനം.
2021 ജൂൺ 23 ന് കോട്ടയം ചാലുകുന്നിൽ വാഹനാപകടത്തിൽ ഗുരുതരമായി പരിക്കേറ്റ് തല പൊട്ടി രക്തം വാർന്ന് ശ്വാസം നിലച്ച് ബോധമില്ലാതെ കിടന്നിരുന്ന നാഗമ്പടം പനയക്കുഴപ്പിൽ ചീരാങ്കൽ സുമേഷിനെ(40) അതുവഴി കാറിൽ വന്ന ലയൺസ് ഡിസ്ട്രിക്ട് സെക്രട്ടറി റാഫിൾ L1, എം. പി. രമേഷ് കുമാർ തന്റെ കാറിൽ മെഡിക്കൽ കോളേജിൽ എത്തിച്ചു. ഉടൻ വെന്റിലേറ്ററി ലേക്ക് മാറ്റി. വിദഗ്ദ്ധ ചികിത്സ നൽകിയതിനെ തുടർന്ന് രണ്ടാം ദിവസം ബോധം വീണു. ഒരു മാസത്തെ ചികിത്സയ്ക്കുശേഷം സുമേഷ് ഇപ്പോൾ വീട്ടിൽ വിശ്രമിക്കുന്നു.

ഈ ജീവൻ രക്ഷിച്ചതിനാണ് മെഡിക്കൽ കോളേജിലെ ട്രോമാ കെയർ യൂണിറ്റിന് ലയൺസ് ഡിസ്ട്രിക്ട് ഈ വെന്റിലേറ്റർ സമ്മാനിക്കുന്നത്. സുമേഷ് കാർത്തിക ദമ്പതികൾക്ക് വിവാഹം കഴിഞ്ഞിട്ട് ഒരു വർഷമാകുന്നതേയുള്ളൂ. നാട്ടുകാരുടെയും ലയൺസ് ക്ലബ്ബിന്റെയും മെഡിക്കൽ കോളേജിന്റെയും കേരള പോലീസിന്റെയും കൂട്ടായ്മയിലാണ് സുമേഷിന് ജീവൻ തിരികെ ലഭിച്ചത്. അപകടം പറ്റി വഴിയിൽ കിടക്കുന്നവരെ എത്രയും വേഗം ആശുപത്രിയിൽ എത്തിച്ച് വിദഗ്ദ്ധ ചികിത്സ നൽകിയാൽ പല ജീവനുകളും രക്ഷിക്കാൻ സാധിക്കും എന്ന സന്ദേശം പൊതുജനങ്ങൾക്കു നല്കുവാൻ കൂടിയാണ് ലയൺസ് ഈ സമ്മാനം നൽകുന്നത്.

അപകടത്തിൽപ്പെടുന്നവരെ രക്ഷിക്കുവാനും രക്ഷിക്കുന്നവർക്ക് നിയമസംരക്ഷണം നല്കുവാനും വേണ്ടി കേരള പോലീസിന്റെ സഹകരണത്തോടെ ലയൺസ് ഡിസ്ട്രിക്ട് 318 ബിയും ചേർന്ന് 2009 ൽ കോട്ടയത്ത് ആരംഭിച്ചതാണ് RAIL. (റാപ്പിഡ് ആക്ഷൻ ഫോഴ്സ് ഇൻ ലയൺസ്). ആഗസ്റ്റ് 2 ന് മൂന്നു മണിക്ക് കോട്ടയം മെഡിക്കൽ കോളേജ് പ്രിൻസിപ്പൽ ഓഫീസിൽ നടക്കുന്ന ചടങ്ങിൽ ലയൺസ് ഡിസ്ട്രിക്ട് ഗവർണർ പ്രിൻസ് സ്കറിയ, പ്രിൻസിപ്പാൾ ഡോ. കെ. പി. ജയകുമാറിന് വെന്റിലേറ്റർ കൈമാറും. മണപ്പുറം ഫൗണ്ടേഷനും കോട്ടയം ആലപ്പുഴ പത്തനംതിട്ട ജില്ലകൾ ഉൾപ്പെടുന്ന ലയൺസ് 318 ബിയിലെ അംഗങ്ങളും ചേർന്നാണ് ഇതിനുള്ള തുക സമാഹരിച്ചിട്ടുള്ളത്.

ലയൺസ് മുൻ ഗവർണർ ഡോ. സി. പി. ജയകുമാർ മുഖ്യാതിഥിയാണ്. ലയൺസ് റാഫിൾ ചെയർമാൻ എം. പി. രമേഷ്കുമാർ, മുൻ ഗവർണർ PMJf Ln, Dr. പി.ജി.ആർ പിള്ള, വൈസ് ഗവർണ്ണർമാരായ ക. ജെ. തോമസ് ഐ.പി.എസ് (റിട്ട.)., MJf Ln, ബിനോ ഐ കോശി, ന്യൂറോ സർജറി വിഭാഗം മേധാവി ഡോ. പി. കെ. ബാലകൃഷ്ണൻ, ഓർത്തോ വിഭാഗം മേധാവി ഡോ. റ്റോമിച്ചൻ ജോസഫ്, ആർ.എം.ഒ, ഡോ. രഞ്ചൻ, ഡിസ്ട്രിക്ട് കാബിനെറ്റ് സെക്രട്ടറി അഡ്മിനിസ്ട്രേഷൻ MIf Ln, എം. വി. മധു, ഡിസ്ട്രിക്ട് കാബിനെറ്റ് സെക്രട്ടറി ആക്ടിവിറ്റിസ് MIf Ln, വി.എം. മാത്യു, പി. ആർ.ഓ. ജേക്കബ് പണിക്കർ, സെക്രട്ടറി ഷാജിലാൽ, തുടങ്ങിയവർ സംസാരിക്കും.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

മൗനസഞ്ചാരി (തുടർക്കഥ – ഭാഗം – 6)

വല്ലാത്തൊരു ആത്മനൊമ്പരത്തോടെയാണ്ഉറങ്ങാൻ കിടന്നത് കണ്ണുകൾ അടക്കുമ്പോഴെല്ലാം പേടിപ്പെടുത്തുന്ന സ്വപ്നങ്ങൾ മനസ്സിലേക്ക് ഓടി വന്നു. എന്തൊക്കെയോ സ്വപ്നങ്ങൾ ഞാനറിയാത്ത കാണാത്ത ഏതോ സ്ഥലങ്ങൾ, എവിടേക്കൊയോ യാത്രയാകുന്നു. ഉറക്കത്തിനും ഉറക്കമില്ലായ്മക്കും ഇടയ്ക്കു ഇങ്ങനെ കിടന്നു. കൂടുതൽ...

“പൊന്നോണം എന്റെ സങ്കല്പത്തിൽ..” (ലേഖന മത്സരം – (24)

ഓണവും ഓണാഘോഷവും എന്നുംമലയാളികളുടെ മനസ്സിൽ ഗൃഹതുരത്വം നിറഞ്ഞ ഓർമ്മകൾ മാത്രമാണ്. അതിജീവനത്തിന് പ്രത്യാശ നൽകിയാണ് ഓരോ മലയാളിയുടെയും ഓണാഘോഷം. സമൃദ്ധിയുടെയും നന്മയുടെയും പൂവിളിയുമായെത്തുന്ന ഓണാഘോഷം മലയാളിക്ക് ഒത്തുചേരലിന്റെയും ഓർമ്മപ്പെടുത്തലിന്റെയും ദിനം കൂടിയായിരുന്നു. എന്റെ സങ്കല്പത്തിലെ...

“പൊന്നോണം എന്റെ സങ്കല്പത്തിൽ..” (ലേഖന മത്സരം – (23)

ഓണം- തിരുവോണം - പൊന്നോണംഓണം എന്ന വാക്ക് പോലെ ഗൃഹാതുരത്വം തുളുമ്പുന്ന ഒരുവാക്കും മലയാളിക്ക് ഇല്ലെന്നു തോന്നുന്നു. മലനാട്ടിൽ ആയാലും മറുനാട്ടിൽ ആയാലും ചിങ്ങമാസത്തിലെ പൊന്നിൻ തിരുവോണത്തെ എതിരേൽക്കാൻ, മലയാളി മനസ്സ് വെമ്പൽ...

“പൊന്നോണം എന്റെ സങ്കല്പത്തിൽ..” (ലേഖന മത്സരം – (22)

തിരുവോണ കോടിയുടുത്ത ചിങ്ങപ്പുലരികൾ കൺതുറക്കുന്നതും കാത്തിരിക്കുന്ന മലയാളികൾ. പൊന്നോണത്തെ വരവേൽക്കാൻ ആയിരമാശകളോടെ കാത്തിരിക്കുന്ന മലയാളി മനസ്സുകൾ.കർക്കിടകത്തിന്റെ കറുത്തദിനങ്ങൾക്ക് വിടയേകി , കണ്ണിനും കരളിനും കുളിർമ്മയേകുന്ന വർണ്ണക്കാഴ്ചകളുമായി അണയുന്ന പൊന്നിൻ ചിങ്ങം. ഓണക്കാലം പലരുടെയും...
WP2Social Auto Publish Powered By : XYZScripts.com
error: