ഫിലാഡെൽഫിയ: പുതിയ വായുസഞ്ചാര മാനദണ്ഡങ്ങൾ പാലിക്കുന്നുവെന്ന് സാക്ഷ്യപ്പെടുത്തുന്ന റെസ്റ്റോറന്റുകൾക്ക് അവരുടെ ഇൻഡോർ ഡൈനിംഗ് 50 ശതമാനം വരെ ശേഷിയിൽ പ്രവർത്തിപ്പിക്കാൻ കഴിയുമെന്ന നിയമം ഫിലാഡൽഫിയ സിറ്റി ചൊവ്വാഴ്ച പ്രഖ്യാപിച്ചു.
ഇപ്പോൾ നിലവിൽ, എല്ലാ ഇൻഡോർ ഡൈനിംഗിനും 25 ശതമാനം വരെ ശേഷി മാത്രമേ റെസ്റ്റോറന്റുകൾക്ക് അനുവദിച്ചിട്ടുള്ളൂ .എന്നാൽ അവരുടെ ഇൻഡോർ ഡൈനിംഗ് ഏരിയ മുഴുവൻ വായുസഞ്ചാരമുള്ള ഒരു പൂർണ്ണമായ പ്രവർത്തന HVAC സംവിധാനമുണ്ടെന്ന് ഉറപ്പാക്കിയാൽ അത്തരം റെസ്റ്റോറന്റുകളിൽ 50 ശതമാനം വരെ ആൾക്കാരെ ഉൾക്കൊള്ളിക്കുവാൻ അനുവാദം ലഭിക്കും.
HVAC സിസ്റ്റം മണിക്കൂറിൽ 15 എയർ എക്സ്ചേഞ്ചറുകളെങ്കിലും ഉണ്ടായിരിക്കണം . അത്തരം സംവിധാനം ഇല്ലെങ്കിൽ, പകരം വിൻഡോ ഫാനുകൾ ഉപയോഗിക്കാൻ നഗരം അനുവദിക്കും; എന്നിരുന്നാലും, വിൻഡോ ഫാനുകൾ മണിക്കൂറിൽ 15 എയർ എക്സ്ചേഞ്ചറുകളെങ്കിലും നൽകേണ്ടതുണ്ട്.
പുതിയ മാനദണ്ഡങ്ങൾ പാലിക്കുന്നുവെന്ന് സാക്ഷ്യപ്പെടുത്തുന്നതിന് ചൊവ്വാഴ്ച മുതൽ ഓൺലൈൻ സംവിധാനത്തിൽ അപേക്ഷ പൂരിപ്പിക്കാൻ നഗരം ബിസിനസ്സുകളെ അനുവദിക്കും. ബിസിനസ്സുടമകൾ അവരുടെ സ്ഥാപനങ്ങൾ HVAC മെയിന്റനൻസ് കമ്പനിയിൽ നിന്നോ സ്ഥാപന ഉടമസ്ഥനിൽ നിന്നോ വെന്റിലേഷൻ മാനദണ്ഡങ്ങൾ പാലിക്കുന്നുവെന്ന് സാക്ഷ്യപ്പെടുത്തുന്ന ഡോക്യുമെന്റേഷൻ സമർപ്പിക്കണം.നഗരത്തിന് അപേക്ഷ ലഭിച്ചുകഴിഞ്ഞാൽ, ചുമതലപ്പെട്ടവർ എത്തി വ്യക്തിപരമായി പരിശോധിച്ചു സാക്ഷ്യപ്പെടുത്തും.
പുതിയ COVID-19 കേസുകൾ കുറയുന്നത് തുടരുമ്പോൾ, നഗരം എപ്പോഴും നിയന്ത്രണങ്ങളിൽ നിന്ന് അൽപ്പം ഇളവ് വരുത്താറുണ്ട് . ഇത് ഒരു പുതിയ സമീപനമാണെന്നും അത് ക്രമീകരിക്കേണ്ടതുണ്ടെന്നും ആരോഗ്യ കമ്മീഷണർ ടോം ഫാർലി പറഞ്ഞു. റെസ്റ്റോറന്റുകൾ പഴയ സ്ഥിതിയിൽ തിരിച്ചെത്തി സുരക്ഷിതമായി ഉപയോക്താക്കൾക്ക് സേവനം നൽകുന്നതിനുള്ള ഒരു മാർഗമാണിതെന്ന് ഞങ്ങൾ കരുതുന്നു; ”അദ്ദേഹം വിശദീകരിച്ചു.
