17.1 C
New York
Thursday, January 20, 2022
Home US News രാജ്യത്ത് എല്ലാവര്‍ക്കും വാക്‌സീന്‍ ലഭിക്കുന്നതുവരെ മാസ്‌ക്ക് ധരിക്കണമെന്ന് ബൈഡന്‍

രാജ്യത്ത് എല്ലാവര്‍ക്കും വാക്‌സീന്‍ ലഭിക്കുന്നതുവരെ മാസ്‌ക്ക് ധരിക്കണമെന്ന് ബൈഡന്‍

റിപ്പോർട്ട്: പി.പി. ചെറിയാൻ

വാഷിംഗ്‌ടൺ: രാജ്യത്ത് എല്ലാവര്‍ക്കും കോവിഡ് വാക്‌സീന്‍ ലഭിക്കുന്നതുവരെ മാസ്‌ക്ക് ധരിക്കണമെന്ന് പ്രസിഡന്റ് ബൈഡന്‍ തിങ്കളാഴ്ച അമേരിക്കൻ റസ്‌ക്യു പ്ലാനിനെകുറിച്ചു വിശദീകരിക്കുന്നതിനിടയില്‍ പറഞ്ഞു.

അമേരിക്കയിലെ എല്ലാ വൈദീകരും, പാസ്റ്റര്‍മാരും, മാസ്‌ക്ക് എന്തുകൊണ്ടു ധരിക്കണമെന്നതിനെകുറിച്ചു വിശദീകരിക്കുകയും, മാസ്‌ക്ക് ധരിക്കുന്നുവെന്ന് ഉറപ്പാക്കുകയും വേണമെന്നും ബൈഡന്‍ അഭ്യര്‍ഥിച്ചു.

അധികാരം ഏറ്റെടുത്ത ജനുവരിയില്‍ തന്നെ ബൈഡന്‍ അമേരിക്കയിലെ എല്ലാവരും അടുത്ത 100 ദിവസം മാസ്‌ക്ക് ധരിക്കണമെന്ന് അഭ്യര്‍ഥന നടത്തിയിരുന്നു. എല്ലാ സംസ്ഥാനങ്ങള്‍ക്കും വാക്‌സീന്‍ നൂറു ദിവസത്തിനകം വിതരണം ചെയ്യാന്‍ കഴിയുമെന്ന് ആത്മവിശ്വാസമാണ് ബൈഡനെ കൊണ്ട് അങ്ങനെയൊരു അഭ്യര്‍ഥന നടത്തുവാന്‍ പ്രേരിപ്പിച്ചത്.

നൂറു ദിവസത്തിനുള്ളില്‍ 100 മില്യന്‍ ഡോസ് വാക്‌സീന്‍ ലഭ്യമാക്കുക എന്ന വെല്ലുവിളി ഏറ്റെടുത്തെങ്കിലും, ഇതുവരെ സിഡിസിയുടെ കണക്കനുസരിച്ചു 92 മില്യന്‍ ഡോസ് നല്‍കുവാനേ കഴിഞ്ഞിട്ടുള്ളൂ.

അമേരിക്കയില്‍ വാക്‌സീന്‍ കണ്ടെത്തി വിതരണം ചെയ്യുന്നതിന് യുദ്ധകാലാടിസ്ഥാനത്തില്‍ പ്രവര്‍ത്തനം നടത്തിയിരുന്നു. സാധാരണ നിലയില്‍ ഒരു വാക്‌സീന്‍ കണ്ടെത്തി പരീക്ഷണങ്ങള്‍ക്കുശേഷം ഫെഡറല്‍ അനുമതി ലഭിക്കണമെങ്കില്‍ വര്‍ഷങ്ങളോളം കാത്തിരിക്കേണ്ടി വരും.

സമ്മര്‍ അവസാനിക്കുന്നതോടെ 300 മില്യന്‍ അമേരിക്കക്കാർക്ക് വാക്‌സീന്‍ നല്‍കാന്‍ കഴിയുമെന്നാണ് ബൈഡന്‍ പ്രതീക്ഷിക്കുന്നത്. എങ്കില്‍ പോലും 2022 ലും ഇവിടെയുള്ളവര്‍ മാസ്‌ക് ധരിക്കേണ്ടി വരുമെന്നാണ് ബൈഡന്‍ നല്‍കിയിരിക്കുന്ന മുന്നറിയിപ്പ്.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

തുടരന്വേഷണ റിപ്പോര്‍ട്ട് കോടതിയില്‍; പകര്‍പ്പ് വേണമെന്ന് ദിലീപ്.

നടിയെ ആക്രമിച്ച കേസില്‍ തുടരന്വേഷണ പുരോഗതി റിപ്പോര്‍ട്ട് പ്രത്യേക അന്വേഷണസംഘം വിചാരണ കോടതിയില്‍ സമര്‍പ്പിച്ചു. തുടരന്വേഷണം പ്രാരംഭഘട്ടത്തിലാണെന്നും പൂര്‍ണമായ റിപ്പോര്‍ട്ട് കൈമാറാനുള്ള സാഹചര്യമായിട്ടില്ലെന്നും വ്യക്തമാക്കിയാണ് പ്രോസിക്യൂഷന്‍ റിപ്പോര്‍ട്ട് സമര്‍പ്പിച്ചത്. പ്രോസിക്യൂഷന്‍ സമര്‍പ്പിച്ച റിപ്പോര്‍ട്ടിന്റെ പകര്‍പ്പ്...

ഫിയക്കോന വെബിനാര്‍ ജനു 24 ന്, മുഖ്യ പ്രഭാഷണം ഡോ പ്രമോദ് റഫീഖ്‌

ന്യൂയോര്‍ക്ക്: ഫെഡറേഷന്‍ ഓഫ് ഇന്ത്യന്‍ അമേരിക്കന്‍ ക്രിസ്ത്യന്‍ ഓര്‍ഗനൈസേഷന്‍ ഓഫ് നോര്‍ത്ത് അമേരിക്ക (FIACONA) ജനു 24 നു തിങ്കളാഴ്ച (ഈസ്റ്റേണ്‍ സമയം ) വൈകീട്ട് എട്ടിന് "ബിസിനെസ്സ് ഈസ് കോളിംഗ്' എന്ന...

ശബരിമല നട ഇന്ന് അടയ്ക്കും, നടവരവ് 150 കോടി.

മണ്ഡല മകരവിളക്ക് തീര്‍ത്ഥാടനം പൂര്‍ത്തിയാക്കി ശബരിമല നട ഇന്ന് അടയ്ക്കും. ഹരിവരാസനം ചൊല്ലി നട അടക്കുന്നതോടെ ഈ വർഷത്തെ മകരവിളക്ക് തീർഥാടനം പൂര്‍ത്തിയാകും. കഴിഞ്ഞ രണ്ട് ദിവസമായി ശബരിമലയില്‍ നല്ല തിരക്കാണ് അനുഭവവപ്പെടുന്നത്.ശബരിമലയില്‍...

രാജ്യത്ത് പ്രതിദിന കൊവിഡ് കേസുകൾ 3 ലക്ഷം കടന്നു.

രാജ്യത്ത് കൊവിഡ് -19 രൂക്ഷം. പ്രതിദിന കേസുകൾ മൂന്ന് ലക്ഷം കടന്നു.ഔദ്യോഗിക കണക്കുകൾ പ്രകാരം, 3,17,532 പേർക്കാണ് 24 മണിക്കൂറിൽ കൊവിഡ് സ്ഥിരീകരിച്ചത്. 491 പേർ മരിച്ചു. 2,23,990 പേർ രോഗമുക്തി നേടി....
WP2Social Auto Publish Powered By : XYZScripts.com
error: